Dungdung-aw 4:9 - Ti Biblia (1973)

⁹ Dagidiay napapatay iti campilan nasaysayaatda ngem dagidiay napatay iti bisin; ta dagitoy cumapsutda, samayenna ida, gapu iti kinakirang dagiti bungbunga ti tanap.

Ti Baro a Naimbag a Damag Biblia

⁹ Nagasgasat dagiti natay iti gubat ngem dagiti naud-udi a pimmusay a nain-inut a natay iti bisinda ta awan ti taraon a pagbiagda.

Dungdung-aw 4:9 Iomraidhean Croise

2 Ar-ari 25:3

Iti maicasiam nga aldaw ti maicapat a bulan ti bisin napalalo unay iti ili, iti casta nga awan idi ti tinapay nga agpaay ti umili ti daga.

Exodo 16:3

Ket dagiti annac ti Israel kinunada cadacuada, Sapay coma ta natay cami gapu iti ima ni Jehova iti daga nga Egipto, idi nagtutugawcami iti abay ti paglutoan ti lasag, idi nangancami nga agrennec iti tinapay; ta innaladacami man ditoy a let-ang, a patayen iti bisin amin daytoy a sancagimongan.

Isaias 22:2

O sica a napno iti ariwawa, maysa a naariwawa nga ili, maysa a narag-o a pagilian; dagiti napapatay kenca saanda a napapatay iti campilan, ket saanda met a natay iti gubat.

Jeremias 16:4

Mataydanto iti nasaem nga ipapatay: saandanto a madung-awan, ket didanto met maiponpon; isudanto dagiti cas rugit iti rabaw ti daga; ket maibusdanto iti campilan ken it bisin; ket dagiti bangcayda pagtaraonto a maipaay cadagiti tumatayab ti langit ken cadagiti animal ti daga.

Ezekiel 24:23

Ket dagiti boneteyo addanto cadagiti oloyo, ken dagiti zapatosyo cadagiti sacsacayo: dicayto agladingit wenno agsangit; no di ket cumapsutcayto cadagiti kinadangkesyo, ken aglidaycayo nga agkikinnita.

Ezekiel 33:10

Ket sica, anac ti tao, cunam iti balay ti Israel: Castoy ti panagsaoyo, a cunayo, Dagiti salungasingmi ken dagiti basbasolmi addada iti rabawmi, ket mapacapsutcami cadacuada; casano ngarud ti panagbiagmi?

Ezekiel 4:16

Castamet kinunana caniac, Anac ti tao, adtoy, dadaelecto ti pagtalgedan a tinapay idiay Jerusalem: ket mangandanto iti tinapay a tinimbeng, ken sibubuteng; ket inumendanto ti danum a sinucat, ken sicucullayaw:

Ezekiel 7:15

Ti campilan adda iti ruar, ket ti angol ken ti bisin iti uneg: daydiay adda iti away matayto iti campilan; ket daydiay adda iti ili alununento ti bisin ken angol.

Levitico 26:39

Ket dagiti matda cadacayo, cumcumbetdanto iti kinadakesda cadagiti dagdaga dagiti cabusoryo; ken casta met a iti kinadakes dagiti nagannac cadacuada cacancanunongdanto ida a cumcumbet.

Deuteronomio 28:51

Ket canennanto ti bunga dagiti an-animalmo, ken ti bunga ti dagam inggana iti madadaelca isu a dinacanto met itiddaan ti bagas, baro nga arac, wenno lana, ti mainayon cadagiti an-animalmo, wenno ti ur-urbon ti pangenmo, inggana iti mapucawdaca.