Dungdung-aw 4:7 - Ti Biblia (1973)

⁷ Dagiti natan-ocna nadaldalusda idi ngem nieve, napudpudawda ngem gatas; nalablabagada idi iti bagi ngem cadagiti rubi, ti silengda casla ti zafiro.

Ti Baro a Naimbag a Damag Biblia

⁷ Saan a natulawan dagiti prinsipemi; awan rugitda a kas iti niebe. Nakired ken napigsada ket nabusnag ken nasalun-atda.

Dungdung-aw 4:7 Iomraidhean Croise

Ti Libro ni Job 28:16

Isu di-magatadan iti balitoc ti Ofir, iti napateg nga onix, wenno iti zafiro.

Ti Libro ni Job 28:18

Awanto ti pacasaritaan a maipapan iti corales wenno iti cristal: wen, ti pateg ti sirib nangatngato ngem cadagiti rubrubi.

Dagiti Salmo 144:12

Intono dagiti annacmi a lallaki arigda la mulmula a nacadackelen iti kinabumaroda, ket dagiti annacmi a babbai arigda la bato a pasuli a naticticanen a cas pangpintas iti palacio;

Dagiti Salmo 51:7

Dalusannac babaen iti hisopo, ket dumalusacto, buggoannac, ket napudpudawacto ngem nieve.

Exodo 24:10

Ket nakitada ti Dios ti Israel; ket adda cas la nabaldosaan iti bato a zafiro iti babaen dagiti dapanna, ket cas la pumadpad iti langit gapu iti lawagna.

Kanta ni Solomon 5:10

Ni ayayatec napudaw ken nalabaga, ti cangronaan a pangolo iti linacsa.

Kanta ni Solomon 5:15

Dagiti luppona cas la cadagiti adigi a marmol, a naisaad iti rabaw dagiti batay a balitoc a nasudi: ti langana umasping iti Libano, a nadayag a cas cadagiti cantingen.

Daniel 1:15

Ket iti calpasan dagiti sangapulo nga aldaw, nagparang dagiti rupada a nasaysayaat ken naluclucmeg ngem cadagiti amin a babbaro a nangan iti taraon ti ari.

San Lucas 1:15

Ta dackelto iti sangoanan ti Apo: ket saanto nga uminum ti arac ken inumen a naingel: ket mapnonto ti Espiritu Santo manipud pay iti tian ni inana.

Uk-ukom 13:5

Ta, adtoy, sica agsicogcanto, ket mangipasngaycanto iti maysa nga anac a lalaki; ket ti pangiskis dinto umay iti rabaw ti olona, ta ti ubing isunto ti Nazareo iti Dios manipud iti tian; ket isu rugiannanto nga ispalen ti Israel iti ima dagiti Filisteos.

Uk-ukom 13:7

Ngem isu kinunana caniac, Adtoy, sica mangisicogcanto ken mangipasngaycanto iti maysa nga anac a lalaki; ket ita dica uminum iti arac wenno aniaman a naingel nga inumen, ket dica mangan iti uray ania a narugit; ta ti ubing isunto ti Nazareo iti Dios manipud iti tian agingga iti aldaw ti ipapatayna.

Uk-ukom 16:17

Ket isu imbagana kencuana amin a pusona, ket kinunana kencuana, Ti pangiskis saan idi nga imay iti rabaw ti oloc; ta siac idi ti maysa a Nazareo ti Dios nanipud iti tian ni inac: no mapukisanac coma, iti casta pumanawton caniac ti bilegco, ket agcapuyacto, ket agbalinacto a cas iti uray siasino a sabali a tao.

1 Samuel 16:12

Ket isu nagbaon, ket isu inyegna. Isu lumabaga idi, ken addaan pay nataer a langa ket napintas ti buyana. Ket ni Jehova kinunana, Tumacderca, isu pulotam; ta isu daytoy.