Dungdung-aw 4:3 - Ti Biblia (1973)

³ Uray pay dagiti aso ti bakir iruarda ti barucongda, pasusoenda dagiti annacda: ti anac a babai ti ilic nagbalin a nadawel, a cas cadagiti avestruz iti let-ang.

Ti Baro a Naimbag a Damag Biblia

³ Uray ti lobo, pasusoenna dagiti urbonna. Ngem mayarig dagiti tattaok kadagiti abestrus a naranggas kadagiti annakda.

Dungdung-aw 4:3 Iomraidhean Croise

1 Ar-ari 3:21

Ket idi bimmangonac iti agsapa tapno pasusoec ti anacco, adtoy, natayen; ngem idi namingmingacon iti bigat, adtoy, saan nga isu idi ti anacco nga impasngayco.

Isaias 13:22

Ken dagiti lobo agickisdanto cadagiti castilloda, ken dagiti chacal cadagiti nacaay-ayo a palacio; ket ti tiempona umadani a dumteng, ket dagiti aldawna saandanto a mapaatiddug.

Isaias 34:13

Ket dagiti calunay tumubodanto cadagiti palaciona, camcamiring ken cascasumba cadagiti sarikedkedna; ket isunto ti maysa a pagyanan dagiti chacal; maysa a paraangan a maipaay cadagiti avestruz.

Isaias 49:15

Mabalinan aya ti maysa a babai a lipatan ti maladagana nga agsuso, a dina ket coma caasian ti anac ti aanacanna? wen, dagitoy mabalin a macalipatda, ngem saanac a macalipat kenca.

Jeremias 19:9

Ket pagtaraonecto ida iti lasag dagiti annacda a lallaki ken lasag dagiti annacda a babbai; ket canendanto tunggal maysa ti lasag ti gayyemna, iti pannacalacub ken iti rigat, isu a pangtutuocto cadacuada dagiti cabusorda ken dagiti agsapul iti biagda.

Dungdung-aw 2:20

Kitaem, O Jehova, ket adtoy, asino ti nangaramidam iti castoy! Dagiti babbai sidaendanto aya ti bungada, dagiti ububbing a maipallayog cadagiti imima? Ti padi ken ti mammadto mapapataydanto aya iti santuario ti Apo?

Dungdung-aw 4:10

Dagiti im-ima dagiti naasi a babbai linutoda dagiti annacda met laeng; isuda idi ti taraonda iti pannacarbec ti anac a babai ti ilic.

Ezekiel 5:10

Gapuna a dagiti amma sidaendanto dagiti annacda, ket dagiti annac sidaendanto dagiti ammada iti nagtengngaan: ket ocomencanto, ket amin ti tidda kenca iwarasconto cadagiti isu-amin nga angin.

Levitico 26:29

Ket dacayo canenyonto ti lasag dagiti annacyo a lalaki, ken ti lasag dagiti annacyo a babbai canenyonto.

Taga-Roma 1:31

Awan isipda, saanda a matalec cadagiti tultulag, awan ti ayatda a nacaparsuaan, awan asida;