Dungdung-aw 4:22 - Ti Biblia (1973)

²² Ti dusa ti kinadangkesmo natungpalen, O anac a babai ti Sion; saannacanton nga ipan iti pannacacayaw: sarungcarannanto ti kinadakesmo, O anac a babai ti Edom; lucasannanto dagiti basbasolmo.

Ti Baro a Naimbag a Damag Biblia

²² Nalpasen a nadusa ti Sion gapu kadagiti basolna; wayawayaannatayon ti Apo iti pannakaibaludtayo iti sabali a daga. Ngem dusaennakayto ti Apo, dakayo nga Edomita. Ibutaktaknanto dagiti basbasolyo!

Dungdung-aw 4:22 Iomraidhean Croise

Dagiti Salmo 137:7

Lagipem, O Jehova, ti maibusor cadagiti annac ti Edom ti aldaw ti Jerusalem; isuda a nagcuna, Duprakenyo duprakenyo, wen inggana iti pamuonna.

Isaias 40:2

Agsaocayo a sililiwliwa iti Jerusalem; ket ipuccawyo kencuana a ti pannakidangadangna nanungpalen, ta ti kinadangkesna napacawanen, nga isu inawatna iti ima ni Jehova iti mamindua a maipaay iti amin a basbasolna.

Isaias 52:1

Agriingca, agriingca, yusongmo ti pigsam, O Sion; yusongmo ti nasayaat a pagan-anaymo, O Jerusalem, ti nasantoan nga ili: ta manipud ita saanto a sumreken kenca ti di nacugit ken ti di nadalus.

Isaias 60:18

Ti panagrabsut dinto mangngegen iti dagam, ti pannacaracrac ken pannacarba cadagiti beddengmo; no di ket sica naganemto dagiti bacudmo iti Pannacaisalacan, ken dagiti ruanganmo iti Dayaw.

Jeremias 32:40

Ket mangaramidacto cadacuada iti maysa a tulag iti agnanayon a diacto sumina iti panagsurot cadacuada, tapno agaramid cadacuada iti naimbag, ket icabilconto ti panagbuteng caniac cadagiti puspusoda, tapno saanda coma a sumina caniac.

Jeremias 33:7

Ket pagbaliwecto ti pannacacayaw ti Juda ken pannacacayaw ti Israel, ket ibangonconto ida a cas idi damo.

Jeremias 33:8

Ket dalusacto ida cadagiti amin a kinadakesda a nagbasolanda caniac, ket pacawanecto amin dagiti kinadakesda a nagbasolanda, ken naglabsinganda a maicaniwas caniac.

Jeremias 49:10

Ngem pinaglabusco ni Esau, linucasac dagiti nalimed a dissona; ket saanto a macalemmeng: ti capuonanna madadael, ken dagiti cacabsatna, ken dagiti caarrubana, ket isu met laeng awanen.

Jeremias 50:20

Cadagita nga al-aldaw ken dagita a pannawen, cuna ni Jehova, ti kinadangkes ti Israel masapulto, ket awanto; ken dagiti basbasol ti Juda, ket saandanto a masaracan: ta pacawanecto dagidiay natda nga imbatic.

Dungdung-aw 4:21

Agragsac ken agrag-oca, O anac a babai ti Edom nga agnaed iti daga ti Uz: ti copa dumtengto met kenca; mabarteccanto, ket aglamolamocanto.

Dungdung-aw 4:6

Ta ti kinadakes ti anac a babai ti ilic dacdackel ngem ti basol ti Sodoma, a narbec iti maysa a canito, ket awan ti im-ima a kimmalbit kencuana.

Ezekiel 37:28

Ket dagiti nasnacion mabigbigdanto a siac ni Jehova a mangpasanto iti Israel, intono ti santuarioc addanto iti tengngada iti agnanayon.

Ezekiel 6:12

Iti adda iti adayu matayto iti angol; ket ti asideg mapasagto iti campilan; ket daydiay matda ken malacub matayto iti bisin: iti castoy tungpalecto ti pungtotco cadacuada.

Obadias 1:10

Gapu iti ranggas nga inaramidmo ken Jacob a cabsatmo, sica mabungoncanto ti bain, ket madadaelcanto iti agnanayon.

Malakias 1:3

Ngem ginurac ni Esau, ket pinaglangalangco dagiti banbantayna, ken intedco ti tawidna cadagiti aso nga atap ti let-ang.

Malakias 1:4

Agsipud ta ti Edom cunana, Dacami napababacami, ngem agsublicamto ket bangonenminto dagiti narba a disdisso; ni Jehova dagiti buybuyot cunana ti castoy, Isuda bangonendanto, ngem siac duprakecto; ket dagiti tattao naganendanto ida, Ti sacup ti kinadakes, ken Tattao a pagungtan nga agnanayon ni Jehova.