Dungdung-aw 4:21 - Ti Biblia (1973)

²¹ Agragsac ken agrag-oca, O anac a babai ti Edom nga agnaed iti daga ti Uz: ti copa dumtengto met kenca; mabarteccanto, ket aglamolamocanto.

Ti Baro a Naimbag a Damag Biblia

²¹ Agkatawakayo latta, tattao ti Edom ken Uz; agragsakkayo ita ta adda pay panawenyo. Umayto met ti pannakadidigrayo. Agbasingbasingkayonto iti bartekyo. Maibabain gapu ta lamolamokayo.

Dungdung-aw 4:21 Iomraidhean Croise

Genesis 36:28

Dagitoy dagiti annac ni Disan: da Huz ken Aran.

2 Cronicas 28:19

Ta ni Jehova pinarucmana ti Juda gapu ken Acaz nga ari ti Israel; ta isu nagaramid a sililiway iti Juda, ket simmalungasing iti nacaro a maicaniwas ken Jehova.

Ti Libro ni Job 1:1

Adda idi maysa a lalaki idiay daga nga Hus, a ti naganna Job: ket lalaki a napalongdo ken nalinteg, ken maysa a managaligaget iti Dios, ken linicilicanna ti dakes,

Dagiti Salmo 137:7

Lagipem, O Jehova, ti maibusor cadagiti annac ti Edom ti aldaw ti Jerusalem; isuda a nagcuna, Duprakenyo duprakenyo, wen inggana iti pamuonna.

Eclesiastes 11:9

Agrag-oca, O agtutubo a lalaki, iti kinaagtutubom, ket paragsakennaca coma ta pusom cadagiti aldaw ti kinaagtutubom, ket magnaca cadagiti daldalan ta pusom, ken iti imatang dagita matam; ngem ammoem a gapu amin cadagitoy a banbanag iyegnacanto ti Dios iti pannacaocom.

Jeremias 49:12

Ta castoy ti cuna ni Jehova: Adtoy, dagiti saan coma nga uminum iti copa uminumdanto a di bumurong; ket sica saancanto aya a madusa a pulos? dicanto macalasat a di madusa, no di ket uminumcanto a di-agcurang.

Jeremias 49:7

Maipapan iti Edom. Castoy ti cuna ni Jehova dagiti buybuyot: Awanen aya ti kinasirib sadi Teman? napucaw aya ti pammagbaga dagiti manakem? ti kinasiribda napucaw aya?

Ezekiel 25:6

Ta castoy ti cuna ni Apo Jehova: Agsipud ta pinagsinnipatmo dagiti im-imam, ken intabbugam dagiti sacsacam, ken nagragsacca iti amin a gura ti cararuam a maibusor iti daga ti Israel;

Ezekiel 25:8

Castoy ti cuna ni Apo Jehova: Agsipud ta ti Moab ken Seir cunaenda, Adtoy, ti balay ti Juda cas la cadagiti sabali a nasnacion;

Ezekiel 26:2

Anac ti tao, agsipud ta ti Tiro kinunana a maicaniwas iti Jerusalem, Aha, maburac dayta a ruangan idi dagiti il-ili; isu nagsubli caniac, siac mapnoacto manen, ita ta isu nalangalang:

Amos 1:11

Castoy ti saoen ni Jehova: Maipuon iti tallo a salungasing ti Edom, wen, maipuon iti uppat, diacto ibawing ti dusana; ta kinamatcamatna ti cabsatna iti campilan; ket indianna ti amin a caasi, ket ti ungetna nangpigis a cancanayon, ket tinaginayonna ti pungtotna.

Obadias 1:1

Ti sirmata ni Abdias. Castoy ti cuna ni Jehova nga Apo a maipapani ti Edom: Nangngegmi dagiti damdamag a naggapu ken Jehova, ket adda naibaon cadagiti nasnacion, a cunana, Tumacdercayo ket tumacdertayo coma a maibusor kencuana iti gubat.

Mikias 1:11

Agpucawca, O agnaed iti Safir, iti kinalamolamo ken bain: ti agnaed iti Saanan saan a rimmuar; ti panagdung-aw ti Beth-esel alaennanto cadacayo ti pagsadaganna.

Habakuk 2:16

Sica mapnoca iti bain, ket saan a dayag: uminumca met, ket casca la iti di nacugit; ti copa ti ima a canawan ni Jehova dumtengto kenca, ket ti nacaarariec a bain abbongannanto ta dayagmo.

Paltiing 16:15

(Adtoy, siac umayac a cas la mannanacaw. Nagasat daydiay agsalucag ket aywananna dagiti pagan-anayna; di la ket magna a silalamolamo, ket makitada ti ibainna.)