Dungdung-aw 4:16 - Ti Biblia (1973)

¹⁶ Ti pungtot ni Jehova winarawarana ida; saannanton ida nga icancano: saanda a dinayaw dagiti kinatao dagiti papadi, saanda incancano dagiti panglacayen.

Ti Baro a Naimbag a Damag Biblia

¹⁶ Awan pangaramatan kadakuada ti Apo; isu met la ti nangwarawara kadakuada. Dina binigbig dagiti papadi ken papangulomi.

Dungdung-aw 4:16 Iomraidhean Croise

Genesis 49:7

Mailunod coma ti pungtotda, gapu ta nacaro idi; Ken ti ungetda, gapu ta naulpit idi: Siac isinacto ida iti Jacob, Ket iwarasconto ida iti Israel.

2 Cronicas 36:17

Gapuna nga insangpetna a maicaniwas cadacuada ti ari dagiti Caldeos, isu a namatay cadagiti agtutubo a lallaki iti campilan iti balay ti santuarioda, ket awan idi iti asina iti baro wenno balasang, iti lacay wenno ti ubanan: inyawatna ida amin iti imana.

Dagiti Salmo 106:27

Ken padsoennanto ti capututanda cadagiti nasnacion, ken iwaraswarasnanto ida cadagiti dagdaga.

Dagiti Salmo 106:44

Nupay casta inimatanganna ti ladingitda, idi a nangngegna ti ickisda:

Isaias 24:2

Ket castanto, a no casano iti umili, casta met iti padi; no casano iti adippen, casta met iti apona, no casano iti tagabu a babbai, casta met iti apona a babai; no casano iti aggatang, casta met iti aglaco; no casano iti mamautang, casta met iti umutang; no casano iti manggun-od iti anac ti piracna, casta met iti mangted iti anac ti pirac kencuana.

Isaias 47:6

Nagungetac iti ilic, minulitac ti tawidco, ken intedco ida ita imam: dica ida pinakitaan iti panangngaasi; iti lacay impataymo a nadagsen unay ti sangolmo.

Jeremias 15:4

Ket paipalladawconto ida nga agallaalla cadagiti amin a pagarian iti daga, a gapu ken Manases, nga anac a lalaki ni Ezekias nga ari ti Juda, gapu iti inaramidna idiay Jerusalem.

Jeremias 24:9

Baybay-acto ida a maipalladaw nga agal-laal-la iti nagtengngaan dagiti amin a pagarian ti lubong a maipaay iti pagdacsan; tapno agbalin a maysa nga umsi ken maysa a proverbio, maysa a pagrabacan ken maysa a lunod, cadagiti amin a diso a pangipaturongacto cadacuada.

Jeremias 52:24

Ket di capitan ti guardia innalana ni Saraya a cangatoan a padi, ken ni Sofonias a maicadua a padi, ken tallo nga agaywan ti dapian:

Dungdung-aw 2:20

Kitaem, O Jehova, ket adtoy, asino ti nangaramidam iti castoy! Dagiti babbai sidaendanto aya ti bungada, dagiti ububbing a maipallayog cadagiti imima? Ti padi ken ti mammadto mapapataydanto aya iti santuario ti Apo?

Dungdung-aw 2:6

Ket rinabsutna ti tabernaculona a casla sapaw iti minuyongan; dinadaelna ti disso a paggimonganna; ni Jehova pinalipatanna idiay Sion ti gimong a nangayed ken ti aldaw a panaginana, ket inuyawna ti ari ken ti padi iti pannacaunget ti pungtotna.

Dungdung-aw 5:12

Dagiti piprincipe naibitinda cadagiti imada. Dagiti rupa dagiti panglacayen saanda; a nadaydayaw.

Ezekiel 5:10

Gapuna a dagiti amma sidaendanto dagiti annacda, ket dagiti annac sidaendanto dagiti ammada iti nagtengngaan: ket ocomencanto, ket amin ti tidda kenca iwarasconto cadagiti isu-amin nga angin.

Deuteronomio 28:25

Ni Jehova pacabilnacanto iti sango dagiti cabusormo, rumuarcanto iti maymaysa a dalan a bumusor cadacuada, ket pagtalawamto ti pito a daldalan iti sangoda: ket sica ti pagginnaallawatanto dagiti isu-amin a pagpagarian ti daga.

Deuteronomio 32:26

Kinunac, inwarac coma ida iti adayu, pinagsardengco coma ti lagip cadacuada iti nagtengngaan dagiti tattao;

Hebreo 8:9

Saan a cas iti tulag nga inaramidco cadagidi ammada Idi aldaw a panangibinco cadacuada, tapno iruarco ida idiay daga ti Egipto: Ket gapu ta saanda a nagtalinaed iti tulagco, Binaybay-ac ida, cuna ti Apo.