Dungdung-aw 4:14 - Ti Biblia (1973)

¹⁴ Isuda agalla-allada cas cadagiti bulsec cadagiti calsada, natulawanda iti dara, nga iti casta dagiti tattao saanda a macalbit dagiti pagan-anayda.

Ti Baro a Naimbag a Damag Biblia

¹⁴ Adda dagiti pangulona kadagiti kalsada; kasda la bulsek nga agalla-alla. Kasta unay ti pannakadaripespesda iti dara ket maariek dagiti tattao a mangsagid kadakuada.

Dungdung-aw 4:14 Iomraidhean Croise

Isaias 1:15

Ket intono itayagyo dagiti im-imayo, ilingedconto dagiti matac cadacayo; wen, intono agaramidcayo cadagiti adu a lualo, diacto ipangag: dagiti im-imayo napnoda iti dara.

Isaias 56:10

Dagiti pagwanawanenna bulsecda, isuda amin awananda iti pannacaammo; isuda amin as-asoda nga umel; dida mabalin ti agtaol; agtagtagainepda, agiddada, ayatenda ti agdungsa.

Jeremias 2:34

Castamet cadagita cawesmo masaracan ti dara dagiti nasingpet a napanglaw a cararua: Saanmo ida a nasucalan a mangaramid iti sercan; no di ket gapu amin cadagitoy basbasolmo.

Jeremias 26:8

Ket naaramid nga idi ni Jeremias natungpalna ti amin a panagsaona nga imbilin ni Jehova kencuana nga isao iti amin nga umili, a dagiti papadi ken dagiti mammadto ken amin ti umili isu tiniliwda a kinunada, Sica mataycanto a di-bumurong.

Ezekiel 23:45

Ket dagiti nalinteg a lallaki, ocomendanto ida iti pannacaocom dagiti babbai a mannakicamalala, ken iti pannacaocom dagiti babbai a nagibuyat iti dara; agsipud ta mannakicamalalada a babbai, ken ti dara adda cadagiti im-imada.

Oseas 4:2

Awan ti uary ania no di laeng panagsapata a natiri ken panagdadael iti cari; ken panagpapatay, panagtacaw, ken pannakicamalala: rumsuada, ket ti dara maiparucpuc iti dara.

Sofonias 1:17

Ket yegconto ti rigat cadagiti tattao tapno magmagnada a cas bulsec a tattao, agsipud ta nagbasolda a maicaniwas ken ni Jehova; ket ti darada maiparucpocto a cas la tapuc, ken ti lasagda a cas iti ibleng.

Numero 19:16

Ket siasinoman a mangsagid iti maysa a natay iti campilan, wenno natay a bagi, wenno maysa a tulang ti tao, wenno maysa a tanem, iti langalang saanto a nadalus iti pito nga aldaw.

Numero 35:33

Iti casta dicayto mamulitan ti daga a pagyananyo: ta ti dara daytoy mulitanna ti daga; ket awan mabalin nga aramiden a pangsubbot a maipaay iti daga, iti dara a naibucbuc idiay no di met laeng ti dara ni nangibucbuc.

San Mateo 15:14

Bay-anyo ida ta bulsecda a mangidalan cadagiti bulsec; ket no bulsec idalanna ti bulsec, agpadpadadanto a matnag iti abut.

Taga-Efeso 4:18

Idinto a nacudrepan ti pannacaawatda, a nayadayuda iti biag ti Dios, gapu iti kinacuneng nga adda cadacuada, a maipoon iti itatangken ti pusoda;