Dungdung-aw 4:13 - Ti Biblia (1973)

¹³ Maipuon cadagiti basbasol dagiti mammadtona, ken cadagiti kinadakes dagiti papadina, a nangiparucpuc ti dara ti nalinteg iti nagtengngaanna.

Ti Baro a Naimbag a Damag Biblia

¹³ Ngem kasta ti napasamak! Nagbasol dagiti papadi ken profetana ket inyegda ti ipapatay dagiti awan basolna.

Dungdung-aw 4:13 Iomraidhean Croise

Jeremias 14:14

Idin ni Jehova kinunana caniac, Dagiti mammadto agipatoda cadagiti ulbod iti naganco; diac ida imbaon, ket diac met ida binilin, ket diac met nagsao cadacuada: isuda agipadtoda cadacayo iti maysa a naulbod a parparmata, ken padles, ken banag nga awan, ken ti allilaw ti pusoda met laeng.

Jeremias 2:20

Ta nanipud ugma dinadaelco ti sangolmo, ket binucaac dagiti reppetmo; ket kinunam, Saanacto nga agservi; ta iti rabaw ti tumunggal bantay a nangato ken siroc ti tumunggal cayo a narucbus nagrucbabam a nagbalangcantisca.

Jeremias 2:30

Awan capapayan ti panangdusac cadagiti annacyo; saanda nga inawat ti panangtubngar, ti igamyo met laeng inalun-unna dagiti mammadtoyo a cas maysa a leon a naranggas.

Jeremias 5:31

Dagiti mammadto agipadtoda a siuulbod, ket dagiti papadi agturayda maipuon cadacuada; ket ti ilic pagayatanna a casta: ket ania ti aramidenyonto iti pannungpalanna?

Jeremias 6:13

Ta manipud iti cabassitan agingga iti cadackelan cadacuada tunggal maysa maiyawat iti kinaagum; ket manipud iti mammadto uray pay agingga iti padi tunggal maysa manangallilaw.

Dungdung-aw 2:14

Dagiti mammadtom nacakitada iti maipaay kenca cadagiti ulbod ken maag a sirmata; ket saanda a linucasan ti kinadakesmo, tapno agbawing ti pannacacayawmo, ngem nacakitada iti maipaay kenca cadagiti ulbod a padpadto ken dagiti nacaigapuan ti pannacaibelleng.

Ezekiel 11:6

Pinaaduyo dagiti pinapatayyo ditoy nga ili, ket pinunnoyo dagiti lansanganna cadagiti napapatay.

Ezekiel 22:25

Adda panangisicat dagiti mammadtona iti tengngana, a cas ti uga ti leon nga aglamut iti natucmaan: isuda naglamutda cadagiti carcararua; agalada iti gameng ken napateg a banbanag, pinaaduda dagiti balbaloda a babbai iti nagtengngaanna.

San Mateo 23:31

Ket iti casta panecnecanyo ti maibusor cadacayo met laeng, a dacayo dagiti annac dagidi namapatay cadagiti mammadto.

Dagiti Aramid 7:52

Asino cadagidi mammadto ti saan nga indadanes dagidi ammayo? ket pinatayda dagidi nangipacpacauna a nangipacaammo ti iyaay ti Nalinteg, isu ita a liniputan ken pinatayyo;