Dungdung-aw 3:42 - Ti Biblia (1973)

⁴² Nagsalungasingcami ken nagsukircami; sica dinacami pinacawan.

Ti Baro a Naimbag a Damag Biblia

⁴² “Nagbasol ken nagsukirkami kenka, O Apo, ket dinakami pay pinakawan agpapan ita.

Dungdung-aw 3:42 Iomraidhean Croise

2 Ar-ari 24:4

Ken casta met a gapu iti dara nga awanan basol nga imbuyatna; ta pinunnona ti Jerusalem iti dara nga awanan basol: ket saan a pinacawan ni Jehova.

ESDRAS 9:6

Ket kinunac, O Diosco, mabainac ket mabibinegac a mangitangad iti rupac kenca, Diosco, ta dagiti kinadangkesmi immaduda iti rabaw dagiti ol-olomi, ket ti babacmi dimmackelda agingga cadagiti langlangit.

Nehemias 9:26

Nupay casta nasungitda, ken simmukirda a maicaniwas kenca, ket impalladawda iti licudanda ti lintegmo, ket pinatayda dagiti mammadtom a nangsacsi iti maibusor cadacuada tapno isublida coma ida manen kenca, ket inaramidda dagiti dadackel a pananggargari.

Dagiti Salmo 107:11

Gapu ta binusorda dagiti sasao ti Dios, ken inumsida ti patigmaan ti Cangatoan:

Jeremias 14:20

Bigbigenmi, O Jehova, ti kinadangkesmi, ken ti kinadakes dagiti ammami; ta nagbasolcami iti maicaniwas kenca.

Jeremias 3:13

Bigbigem laeng ti kinadakesmo, a simmalungasingca a maibusor ken Jehova a Diosmo, ken pinaadum dagiti daldalanmo cadagiti gangannaet iti siroc ti tunggal narucbos a cayo, ket dica tinungpal ti timecco, cuna ni Jehova.

Dungdung-aw 1:18

Ni Jehova nalinteg; ta siac sinalungasingco ti bilinna: denggenyo, dawatec cadacayo, dacayo amin a tattao, ket kitaenyo ti ladingitco: dagiti babbalasangco ken babbaroc macayawanda.

Dungdung-aw 5:16

Ti balangat natnag nanipud iti olomi: asicami pay! ta nagbasolcami.

Ezekiel 24:13

Iti kinarugitmo isu ti derrep: agsipud ta dinalusanca ket saanca a nadalusan, saancanto a madalusanen iti rugitmo, agingga iti pagsardengec ti pungtotco kenca.

Daniel 9:15

Ita ngarud, O Apo a Diosmi, nga inaonmo ti ilim iti daga nga Egipto babaen ti mannacabalin nga imam, ket nacagun-odca iti dayaw, a cas itoy nga aldaw; nagbasolcami, nangaramidcami a sidadangkes.

Zacarias 1:5

Dagiti ammayo, sadino aya ti yanda? ket dagiti mammadto, agbiagda aya nga agnanayon?

Zacarias 1:6

Ngem dagiti saoc ken bilinco, nga imbilinco cadagiti adipenco a mammadto, saanda aya a nacagteng cadagiti ammayo? ket isuda nagsublida ket kinunada, Cas pinanggep ni Jehova dagiti buybuyot, nga aramiden cadatayo, iti mayalubog cadagiti daldalantayo, ken mayannurot cadagiti ar-aramidtayo, casta ti inaramidna cadatayo.