Dungdung-aw 2:9 - Ti Biblia (1973)

⁹ Dagiti ruanganna limmedda iti daga; dinadaelna ken binungtolna dagiti balunetna: ti arina ken dagiti piprincipena addada cadagiti nasnacion idiay awanen ti linteg; wen, dagiti mammadtona awan ti masaracanda a sirmata nga aggapu ken Jehova.

Ti Baro a Naimbag a Damag Biblia

⁹ Nagaburan dagiti ruangan; natukkotukkol dagiti balunetda. Napagtalaw a kas balud ti ari agraman dagiti ofisialesna. Saanen a maisuro ti Linteg; awanen ti parmata dagiti profeta nga aggapu ken ni Yahweh.

Dungdung-aw 2:9 Iomraidhean Croise

2 Ar-ari 25:7

Ket pinatayda dagiti annac ni Sedecias iti saclang dagiti matana, ket sinuatda dagiti mata ni Sedecias, ket isu imbaludda, ket impanda sadi Babilonia.

2 Cronicas 15:3

Nabayag a tiempo itan, nga awan iti Israel ti napaypayso a Dios, awan ti padi a mangisursuro, ken awan ti linteg:

Nehemias 1:3

Ket kinunada caniac, Ti nabati a natda iti pannacacayaw idiay provincia addada iti dackel a pannacaparigat ken pannacaumsi: ti bacud ti Jerusalem met narba, ket dagiti ruanganna nauramda iti apuy.

Dagiti Salmo 74:9

Saantayo a makitan dagiti tandatayo: awanen ti siasinoman a mammadto; cadatayo awan ti siasinoman a macaammo no casano ti cabayagna.

Isaias 24:12

Panaglangalang isu ti mabati iti ili, ket ti ruangan maracrac a marba.

Jeremias 14:14

Idin ni Jehova kinunana caniac, Dagiti mammadto agipatoda cadagiti ulbod iti naganco; diac ida imbaon, ket diac met ida binilin, ket diac met nagsao cadacuada: isuda agipadtoda cadacayo iti maysa a naulbod a parparmata, ken padles, ken banag nga awan, ken ti allilaw ti pusoda met laeng.

Jeremias 23:16

Castoy ti cuna ni Jehova dagiti buybuyot, Dicayo ipangag dagiti sasao dagiti mammadto nga agipadto cadacayo: isurodacayo iti kinaubbaw, agsaoda iti maysa a parparmata ti bucodda a puso, a saan nga aggapu iti ngiwat ni Jehova.

Jeremias 39:2

Iti maicasangapulo ket maysa a tawen ni Sedekias, iti maicapat a bulan, ti maicasiam nga aldaw ti bulan, maysa a gutbaw naaramid iti ili),

Jeremias 39:8

Ket dagiti Caldeos pinuuranda ti balay ti ari, ken dagiti balbalay dagiti tattao iti apuy, ket rinebbada dagiti bacud ti Jerusalem.

Jeremias 51:30

Dagiti mannacabalin a lallaki ti Babilonia indianda ti makigubat, isuda agbatida cadagiti sariked-kedda; ti bilegda naibusen; nagbalindan a cas babbai: dagiti pagnaedanda masilmutan iti apuy; dagiti balunetna mabungtolda.

Jeremias 52:14

Ket amin a buyot dagiti Caldeos a naicuyog iti capitan ti guardia, rinebbada dagiti amin a bacud ti Jerusalem iti aglicmut.

Dungdung-aw 1:3

Ni Juda naipan iti pannacacayaw maipanggep iti panagsagaba, ken maipanggep iti nadagsen a panagservi; isu makipagtaeng cadagiti nasnacion, awan ti masaracna nga inana: amin dagiti mangamatcamat kencuana isu naabutanda cadagiti nailet a daldalan.

Dungdung-aw 4:15

Umadayucayo, impuccawda cadacuada, Narugit! umadayucayo, pumanawcayo, dicayo calbiten! Idi pimmanawda ken nagalla-allada, dagiti tattao cadagiti nasnacion, kinunada, Isuda saandanton nga agdagus ditoy.

Dungdung-aw 4:20

Ti anges dagiti agongmi, ti pinulotan ni Jehova, natiliw cadagiti bitoda; isu a nagcunaanmi, iti baba ti linongna agbiagcamto cadagiti nasnacion.

Ezekiel 12:13

Ti batengco iyucradconto met iti rabawna, ket isu matiliw iti siloc; ket isu ipanconto idiay Babilonia, iti daga dagiti Caldeos; ngem isu dinanto makita, nupay matayto idiay.

Ezekiel 17:20

Ket iwayatconto kencuana ti batengco, ket matiliwto iti siloc, ket ipanconto idiay Babilonia, ket idiay ti pangocomacto kencuana maipanggep iti panaglabsingna caniac.

Ezekiel 7:26

Ranggas ti sumarunonto iti ranggas, damag ti sumarunonto iti damag; ket sapulendanto ti sirmata ti mammadto ngem ti linteg maawanto iti padi, ken ti balacad nga aggapu cadagiti lallacay.

Oseas 11:6

Ket agtinnagto ti campilan cadagiti il-ilida, ket ibusennanto dagiti balunetda, ket alun-unennanto ida, a gapu cadagiti bucodda a patigmaan.

Oseas 3:4

Ta dagiti annac ti Israel agtaengdanto iti adu nga al-aldaw nga awanan ari, ken awanan principe, ken awanan daton, ken awanan monmon, ken awanan efod wenno terafin:

Amos 1:5

Ket lasangecto ti balunet ti Damasco, ket dadaelecto ti agnaed iti lobong ti Aven, ken daydiay agiggem ti cetro iti balay ti Eden; ket iti ili ti Siria macayawanto idiay Kir, cuna ni Jehova.

Deuteronomio 28:36

Ni Jehova yegnacanto, ken ti arim nga icabilmonto a mangituray kenca, iti maysa a nacion a dica am-ammo idi, sica wenno dagiti ammam; ket idiay agservicanto cadagiti sabsabali a didios, a cayo ken bato.

Deuteronomio 28:63

Ket maaramidto a, cas ti panagragsac ni Jehova iti panangpaimbagna kenca, ken panangpaaduna kenca, casta ti panagragsacto ni Jehova iti panangdadaelna kenca, ken iti panangpucawna kenca; ket dacayo maparotcayto iti daga a sercam a pagtagicuaan.

1 Samuel 28:6

Ket idi a ni Saul immuman ken Jehova, ni Jehova saan a simmungbat kencuana uray babaen cadagiti tagtagainep, uray iti Urim, uray cadagiti mammadto.