Dungdung-aw 2:7 - Ti Biblia (1973)

⁷ Ni Jehova imbellengna ti altarna, ginurana ti santuariona; Inyawatna iti ima ti cabusor ti bacud dagiti palaciona; nagariwawada iti balay ni Jehova, cas iti aldaw ti gimong a nangayed.

Ti Baro a Naimbag a Damag Biblia

⁷ Linaksid ti Apo ti altarna ket pinanawanna ti nasantoan a Templona. Pinalubosanna ti kabusor a mangrebba kadagiti bakudna. Nagpupukkawda iti panagballigida iti disso a nagdaydayawantay a siraragsak.

Dungdung-aw 2:7 Iomraidhean Croise

2 Ar-ari 25:9

Ket pinuuranna di balay ni Jehova, ket ti balay ti ari, ken isu-amin dagiti balbalay sadi Jerusalem, tunggal balay a dackel met laeng, pinuuranna iti apuy.

2 Cronicas 36:19

Ket pinuuranda ti balay ti Dios, ket rinebbada ti bacud ti Jerusalem, ket pinuuranda amin a palpalaciona iti apuy, ket dinadaelda amin a nasayaat nga al-alicamenna.

Dagiti Salmo 89:39

Ginuram ti tulag ti adipenmo: inlupitmo ti coronana gapu iti panangipalladawmo iti daga.

Isaias 64:9

Dica agunget unay, O Jehova, dica lagipen nga agnanayon ti kinadangkes: adtoy, kitaem, agpacaasicami kenca, nga dacami amin ilinacami.

Jeremias 21:4

Castoy ti cuna ni Jehova, a Dios ti Israel, Adtoy, isanodconto dagiti igigam ti gubat nga adda cadagiti im-imayo, isu a panggubatyo a maicaniwas iti ari ti Babilonia, ken maibusor cadagiti Caldeos a manglacub cadacayo, iti ruar dagiti bacbacud; ket urnongecto ida iti tengnga daytoy nga ili.

Jeremias 26:18

NI Mikeas a Morastita nagipadto cadagiti aldaw ni Ezekias nga ari ti Juda; ket isu nagsao iti amin nga umili ti Juda, a kinunana, Castoy ti cuna ni Jehova dagiti buybuyot; Ti Zion maaradonto a cas maysa a talon, ket ti Jerusalem agbalinto a bonbontoon, ket ti bantay ti balay cas cadagiti nangato a disso ti cabakiran.

Jeremias 26:6

Aramidecto ngarud daytoy a balay a cas iti Silo, ket aramidecto daytoy nga ili a lunod cadagiti amin a nacion ti daga.

Jeremias 32:29

Ket dagiti Caldeos a gumubat a maibusor itoy nga ili, umaydanto ket pasgedandanto daytoy nga ili, ket puurandanto agraman cadagiti balbalay, a cadagiti atepda nagidatdatonda, iti incienso ken Baal, ken nangibucbucda cadagiti datdaton a mainum cadagiti sabali a diosen tapno panggargarida caniac nga agpungtot.

Jeremias 39:8

Ket dagiti Caldeos pinuuranda ti balay ti ari, ken dagiti balbalay dagiti tattao iti apuy, ket rinebbada dagiti bacud ti Jerusalem.

Jeremias 4:26

Kimmitaac, ket, adtoy, ti nabunga a talon let-angen, ket amin dagiti il-ilina narbada iti imatang ni Jehova, ken iti sangoanan ti narungsot a pungtotna.

Jeremias 4:27

Ta castoy ti cuna ni Jehova, Ti amin a daga aglangalangto; nupay casta diacto talipupusen.

Jeremias 50:28

Ti timec dagidiay nga agtaray ken agtalaw iti daga a Babilonia, tapno maiwarragawag idiay Sion ti panangibales ni Jehova a Diostayo, ti pannacaibales ti templona.

Jeremias 52:13

Ket pinuuranna ti balay ni Jehova ken ti balay ti ari; ken amin a balbalay ti Jerusalem, uray pay tunggal dackel a balay, pinuuranna iti apuy.

Dungdung-aw 1:4

Dagiti daldalan ti Sion agpanesda, gapu ta awan ti umay iti gimongda a nangayed; amin dagiti ruanganna nabaybayan, dagiti papadina agsainnecda: dagiti virgenna matutoocda iti ladingit, ket isu met laeng adda iti kinapait.

Dungdung-aw 2:1

Anian ti panangabbong ti Apo iti anac a babai ti Sion iti maysa nga ulep iti pungtotna! Intappuacna manipud langit agingga iti daga ti kinaimnas ti Israel, ket saanna a nalagip ti pangibatayanna iti sacana iti aldaw ti pungtotna.

Dungdung-aw 2:5

Ti Apo nagbalin a cas cabusor, isu inalun-unna ti Israel; inalun-unna amin dagiti palaciona, rineb-bana dagiti sarikedkedna; ket pinaaduna ti dung-aw ken un-unnoy iti anac a babai ti Juda.

Ezekiel 24:21

Agsaoca iti balay ti Israel, Castoy ti cuna ni Apo Jehova: Adtoy, tulawacto ti santuarioc, ti tangsit ti bilegyo, ti tarigagay dagiti matayo, ken daydiay patgen ti cararuayo; ket dagiti annacyo a lallaki ken babbai nga imbatiyo iti licudan mapasagdanto iti campilan.

Ezekiel 7:24

Gapuna yegconto ti cadacsan dagiti nasnacion, ket tagicuaendanto dagiti balbalayda: pasardengecto met ti kinatangsit dagiti napigsa; ket dagiti nasantoan a dissoda matabbaawandanto.

Levitico 26:31

Ket pagbalinnecto a langalang dagiti il-iliyo, ket pagwalangwalangecto dagiti sansantuarioyo, ket diacto met say-upen ti banglo dagiti sayamusomyo.

Levitico 26:44

Ket nupay casta amin dagita, idinto nga addada iti daga dagiti cabcabusorda diacto iwacsi ida, diacto met cauma ida, tapno rebbekec ida nga italipupos, ken tapno mawara ti tulagco cadacuada; ta siac ni Jehova a Diosda;

Amos 2:5

Ngem ipawitconto ti apuy iti Juda, ket ikisapnanto dagiti palacio ti Jerusalem.

Mikias 3:12

Gapuna, maipuon cadacayo ti Sion maaradonto a cas talon, ket ti Jerusalem agbalinto a bonbonton, ket ti bantay ti balay a cas cadagiti nangato a disso ti cabakiran.

San Mateo 24:2

Ngem isu simmungbat, ket kinunana cadacuada: Dicay makita amin dagitoy a banag? Pudno cunac cadacayo, awanto ti matda ditoy a maysa a bato iti rabaw ti maysa a dinto marba.