Dungdung-aw 2:5 - Ti Biblia (1973)

⁵ Ti Apo nagbalin a cas cabusor, isu inalun-unna ti Israel; inalun-unna amin dagiti palaciona, rineb-bana dagiti sarikedkedna; ket pinaaduna ti dung-aw ken un-unnoy iti anac a babai ti Juda.

Ti Baro a Naimbag a Damag Biblia

⁵ Kasla maysa a kabusor ti Apo a nangdadael iti Israel. Dinadaelna dagiti sarikedked ken dagiti palasiona. Inyegna ti di agpatingga a ladingit kadagiti tattao ti Juda.

Dungdung-aw 2:5 Iomraidhean Croise

2 Ar-ari 25:9

Ket pinuuranna di balay ni Jehova, ket ti balay ti ari, ken isu-amin dagiti balbalay sadi Jerusalem, tunggal balay a dackel met laeng, pinuuranna iti apuy.

Ti Libro ni Job 13:24

Apay ilemmengmo ta rupam, ken ibilangnac a cabusormo?

Ti Libro ni Job 19:11

Pinasgedanna met ti pungtotna a maibusor caniac, ket imbilangnac kencuana a cas maysa cadagiti cabusorna.

Dagiti Salmo 89:40

Rinaracmo amin dagiti alaladna; impanmo iti pannacargaay dagiti pagsalindeganna.

Dagiti Salmo 89:41

Amin nga aglasat iti dalan tumacawda kencuana: nagbalin nga ababien dagiti caarrubana.

Isaias 29:2

Iti casta parigatecto ti Ariel, ket addanto panagdung-aw ken panagasug; ket cascasdi nga Ariel pay laeng caniac.

Isaias 63:10

Ngem isuda immalsada, ket pinaladingitda ti nasantoan nga Espirituna: gapuna nga isu nagbalin a cabusorda, ket isu met laeng nakibacal a maibusor cadacuada.

Jeremias 15:1

Idin kinuna ni Jehova caniac, Nupay da Moises ken ni Samuel nagtacderda iti sangoanac, uray casta ti isipco saan nga agturong iti daytoy nga umili: pagtalawem ida, iti sangoanac, ket bay-am ida a rumuar.

Jeremias 21:4

Castoy ti cuna ni Jehova, a Dios ti Israel, Adtoy, isanodconto dagiti igigam ti gubat nga adda cadagiti im-imayo, isu a panggubatyo a maicaniwas iti ari ti Babilonia, ken maibusor cadagiti Caldeos a manglacub cadacayo, iti ruar dagiti bacbacud; ket urnongecto ida iti tengnga daytoy nga ili.

Jeremias 30:14

Amin dagiti caayanayatmo linipatandacan; isuda saandaca a sapsapulenen; ta siac sinugatca iti pangsugat ti cabusor, babaen ti panangdusa ti naranggas a tao, gapu iti kinaruay ti kinadangkesmo, ta dagiti basbasolmo immadudan.

Jeremias 52:13

Ket pinuuranna ti balay ni Jehova ken ti balay ti ari; ken amin a balbalay ti Jerusalem, uray pay tunggal dackel a balay, pinuuranna iti apuy.

Dungdung-aw 2:2

Ti Apo inalimonna amin dagiti pagtaengan ni Jacob, ket dina kinaasian: rineb-bana babaen ti pungtotna dagiti sarikedked ti anac a babai ti Juda; impababana ida iti daga; tinulawanna ti pagarian ken dagiti piprincipena.

Dungdung-aw 2:4

Biniatna ti ba-ina cas maysa a cabusor, nagtacder ket ti macanawan nga imana cas maysa a cumaniwas, ket pinatayna amin dagidiay macaay-ayo iti mata; iti tolda ti anac a babai ti Sion imbucbucna ti pungtotna a casla apuy.

Ezekiel 2:10

Ket isu inucradna iti sangoc: ket nasuratan iti uneg ken ruarna; ket dagiti naisurat kencuana un-unnoy, ken sangsangit, ken ay-ay-ay.

1 Samuel 28:16

Ket ni Samuel kinunana, Apayapay ngarud nga agsaludsodca caniac, idinto a ni Jehova pimmanaw kenca, ket nagbalin a cabusormo?