Dungdung-aw 2:22 - Ti Biblia (1973)

²² Inayabam, cas iti aldaw ti gimong a nangayed, dagiti pagbutbutngac iti isu-amin nga aglicmut; ket awan ti nacatalaw wenno nabati iti aldaw ti pungtot ni Jehova: dagidi impallayogco ken pinadackelco inibus ti cabusorco.

Ti Baro a Naimbag a Damag Biblia

²² Inawismo dagiti kabusorko a mangaramid iti nakabutbuteng a panagrarambak iti likmutko. Awan ti makalibas uray maysa iti dayta aldaw ti pungtotmo. Pinapatayda dagiti annakko a pinadakkel ken inay-ayatko.

Dungdung-aw 2:22 Iomraidhean Croise

2 Cronicas 36:17

Gapuna nga insangpetna a maicaniwas cadacuada ti ari dagiti Caldeos, isu a namatay cadagiti agtutubo a lallaki iti campilan iti balay ti santuarioda, ket awan idi iti asina iti baro wenno balasang, iti lacay wenno ti ubanan: inyawatna ida amin iti imana.

Dagiti Salmo 31:13

Ta nangngegco ti panangibabain dagiti adu, ames nga agsusumbangir: idi a nagbibinnalacadda a bumusor caniac, insicatda nga iccaten toy biagco.

Isaias 28:19

Cas iti masansan nga ilalasatna, alaennacayto; ta biniganbigat a lumasatto, iti aldaw ken iti rabii: ket awanto sabali no di laeng ti kigtot a macaawat iti paibaga.

Jeremias 11:11

Gapuna castoy ti cuna ni Jehova, Adtoy, iyegconto ti dakes cadacuada, isu a saandanto a maliclican; ket umawagdanto caniac, ngem diacto ipangag ida.

Jeremias 14:19

Naglictadam aya a sitatalipupus ti Juda ginura aya dayta cararuam ti Sion? apay a kinabilnacami, ket awan ti pannacaagas cadacami? Naguraycami iti talna, ngem awan ti imbag nga immay; ken maysa a pannawen ti pannacaagas, ket adtoy, panagcullayaw!

Jeremias 20:3

Ket naaramid iti cabigatanna a ni Pasur iniccatna ni Jeremias cadagiti tul-ong. Idin kinuna ni Jeremias kencuana, Ni Jehova saanna nga inawagan dayta naganmo iti Pasur, no di Magor-missabid

Jeremias 21:7

Ket calpasanna, cuna ni Jehova, iyawatconto ni Sedekias nga ari ti Juda, ken dagiti adipenna, ken ti umili, dagidiay natidda iti daytoy nga ili calpasan iti angol, iti campilan, ken iti bisin, iti ima ni Nabucodonosor nga ari ti Babilonia, ken iti ima dagiti cabusorda, ken iti ima dagiti mangsapul iti biagda: ket cabilennanto ida iti tadem ti campilan; awanto ti labsanna cadacuada, ket awan met ti ilalana, wenno caasina.

Jeremias 44:7

Castoy ngarud ti cuna ni Jehova, a Dios dagiti buybuyot, a Dios ti Israel; Apay aramidenyo ti dackel a kinadakes a maibusor cadagiti cararuayo met laeng, tapno dadaelenyo cadacayo ti lalaki ken babai, maladaga ken agsussuso, iti tengnga ti Juda, tapno awanto ti matda cadacayo;

Jeremias 46:5

Apay nga adda nakitac? isuda agcullayawda ket agsanodda; ket dagiti mamaingelda mapasagda, ket mapagtalawda a masingdat, ket dida tumaliaw: ti pangigtot adda iti tunggal sikigan, cuna ni Jehova.

Jeremias 6:25

Saancayo nga umaway, wenno magna iti dalan; ta ti campilan ti cabusor, ken pangigtot, adda iti tunggal sikigan.

Deuteronomio 28:18

Mailunodto ti bunga ta bagim, ken ti bunga ti dagam, ti mainayon cadagiti an-animalmo, ket ti ur-urbon ti pangenmo.