Dungdung-aw 2:21 - Ti Biblia (1973)

²¹ Ti ubing ken ti lacay agpasagda iti daga cadagiti lanlansangan; dagiti babbalasangco ken babbaroc mapasagda babaen ti campilan: pinataymo ida idi aldaw ti pungtotmo; rinucrucmo, ket dica kinaasian.

Ti Baro a Naimbag a Damag Biblia

²¹ Kadagiti kalsada, agkaiwara't bangbangkay dagiti ubbing ken nataengan, dagiti agtutubo a babbai ken lallaki, isuda a napapatay iti kampilan. Awan asim a nangpapatay kadakuada iti aldaw ti pungtotmo.

Dungdung-aw 2:21 Iomraidhean Croise

2 Cronicas 36:17

Gapuna nga insangpetna a maicaniwas cadacuada ti ari dagiti Caldeos, isu a namatay cadagiti agtutubo a lallaki iti campilan iti balay ti santuarioda, ket awan idi iti asina iti baro wenno balasang, iti lacay wenno ti ubanan: inyawatna ida amin iti imana.

Ester 3:13

Ket naipacorreo dagiti sursurat cadagiti amin a provincia ti ari, tapno mangdadael, mangpatay, ken mangpapucaw, cadagiti amin a Judio, agtutubo man ken lallacay agpadpada, ubbing a babassit ken babbai, iti maymaysa nga aldaw, iti met laeng maicasangapulo ket tallo nga aldaw ti maicasangapulo ket dua a bulan, nga isu ti bulan nga Adar, ken alaenda ti samsam cadacuada a maipaay a maysa a tinucmaan.

Isaias 27:11

Intono dagiti sangana magangoda, masepacdanto; dagiti babbai umaydanto, ket puuranda ida; ta isu umili nga awan ti pannacaawatna: gapuna; a ti nangaramid cadacuada awanto ti caasina cadacuada, ken ti nangbukel cadacuada dinanto ipakitaan ida iti parabur.

Jeremias 11:22

Gapuna castoy ti cuna ni Jehova dagiti buybuyot, Adtoy, dusaecto ida: dagiti agtutubo a lallaki mataydanto iti campilan; dagiti annacda a lallaki ken babbai mataydanto iti bisin;

Jeremias 13:14

Ket itupacconto ida ti maysa iti sabali, dagiti met laeng amma agraman cadagiti annac a lallaki, cuna ni Jehova: diacto mangngaasi, wenno mangicanawa, wenno mangisakit, tapno pucawen ida.

Jeremias 18:21

Ngarud iyawatmo dagiti annacda iti bisin, ket itedmo ida iti bileg ti campilan; ket agbalin coma dagiti assawada a babbai nga awanan annac, ken babbalo; ket dagiti lallakida mapapatayda coma iti patay, ket dagiti agtutuboda a lallaki macabilda iti campilan iti dangadang.

Jeremias 21:7

Ket calpasanna, cuna ni Jehova, iyawatconto ni Sedekias nga ari ti Juda, ken dagiti adipenna, ken ti umili, dagidiay natidda iti daytoy nga ili calpasan iti angol, iti campilan, ken iti bisin, iti ima ni Nabucodonosor nga ari ti Babilonia, ken iti ima dagiti cabusorda, ken iti ima dagiti mangsapul iti biagda: ket cabilennanto ida iti tadem ti campilan; awanto ti labsanna cadacuada, ket awan met ti ilalana, wenno caasina.

Jeremias 4:31

Ta nangngegco ti maysa a timec a cas maysa a babai nga agpasical, cas ti tuoc ti mangipasngay ti anacna nga inauna, ti timec ti anac a babai ti Sion, nga agngoyngoy-a, nga iyucradna dagiti im-imana, a cunana, Asiac pay ita! ta ti cararuac matalimudaw iti sangoanan dagiti mangpapatay.

Jeremias 51:22

Ken iti pannacaaramatmo burakecto ti lugan ken ti aglugan; ket iti pannacaaramatmo burakecto ti lalaki ken babai; ken iti pannacaaramatmo burakecto ti lacay ken ti ubing; ken iti pannacaaramatmo burakecto ti baro ken balasang;

Jeremias 6:11

Gapuna napnoac iti pungtot ni Jehova; nabannogac nga agibibtor: ibuyatmo cadagiti ubbing iti lansangan, castamet iti gimong dagiti agtutubo a lallaki, ta uray pay ti asawa a lalaki agraman ti asawa a babai maaladanto, ti lacay agraman daydiay napnoanen cadagiti al-daw.

Jeremias 9:20

Ngarud denggenyo ti sao ni Jehova, O dacayo a babbai, ket dagiti lapayagyo awatenda coma ti sao ti ngiwatna; ket isuroyo dagiti annacyo a babbai iti panagdung-aw ken tunggal maysa ti caarrubana iti panagunnoy.

Jeremias 9:21

Ta ti patay sumagpat cadagiti tawatayo, sumrec cadagiti palaciotayo; tapno dadaelenna dagiti annac manipud iti ruar, ket dagiti agtutubo a lallaki manipud cadagiti lanlansangan.

Dungdung-aw 1:15

Ti Apo inawanna dagiti amin a mannacabalin a tattaoc iti nagtengngaac; isu nangayab iti gimong a nangayed a maibusor caniac tapno parmekenna dagiti tattaoc nga agtutubo a lallaki: ti Apo imbaddecna ti anac a virgen ti Juda a cas iti pagpespesan ti uvas.

Dungdung-aw 1:18

Ni Jehova nalinteg; ta siac sinalungasingco ti bilinna: denggenyo, dawatec cadacayo, dacayo amin a tattao, ket kitaenyo ti ladingitco: dagiti babbalasangco ken babbaroc macayawanda.

Dungdung-aw 1:4

Dagiti daldalan ti Sion agpanesda, gapu ta awan ti umay iti gimongda a nangayed; amin dagiti ruanganna nabaybayan, dagiti papadina agsainnecda: dagiti virgenna matutoocda iti ladingit, ket isu met laeng adda iti kinapait.

Dungdung-aw 2:17

Ni Jehova inaramidna daydiay pinanggepna; tinungpalna ti saona nga imbilinna idi ugma; intappuacna, ket saanna a kinaasian: ket pinaragsacna ti cabusor gapu kenca; intan-ocna ti sara dagiti cumaniwas kenca.

Dungdung-aw 2:2

Ti Apo inalimonna amin dagiti pagtaengan ni Jacob, ket dina kinaasian: rineb-bana babaen ti pungtotna dagiti sarikedked ti anac a babai ti Juda; impababana ida iti daga; tinulawanna ti pagarian ken dagiti piprincipena.

Dungdung-aw 3:43

Inabbongam ti bagim iti pungtot ket kinamatnacami; nagpapatayca, saanca a nangngaasi.

Ezekiel 24:21

Agsaoca iti balay ti Israel, Castoy ti cuna ni Apo Jehova: Adtoy, tulawacto ti santuarioc, ti tangsit ti bilegyo, ti tarigagay dagiti matayo, ken daydiay patgen ti cararuayo; ket dagiti annacyo a lallaki ken babbai nga imbatiyo iti licudan mapasagdanto iti campilan.

Ezekiel 5:11

Gapu itoy, cas sibibiagac, cuna ni Apo Jehova, kinapudnona, gapu ta tinulawam ti santuarioc cadagiti amin a macarurud a banbanagmo, ken cadagiti amin a kinarimonmo, gapuna siac met pabassitencanto; toy matac awanto met ti isakitna, ket casta met awanto ti caasiac.

Ezekiel 7:4

Ket ti matac dinacanto isakit, ket awanto met ti caasiac; ngem dagiti dalanmo iyegconto kenca, ket dagiti kinarimonmo addadanto iti nagtengngaam: ket mabigbigyonto a siac ni Jehova.

Ezekiel 7:9

Ket ti matac dinto mangisakit ket awanto met ti caasiac: yegconto kenca a cas maitutop cadagiti dalanmo; ket dagiti kinarimonmo addanto iti nagtengngaam; ket maammoanyonto a siac, ni Jehova, mangdusaac.

Ezekiel 8:18

Gapuna agaramidacto met a sipupungtot; ti matac dinto mangisakit, ket diacto met mangaasi; ket uray agpuccawda iti natbag a timec cadagiti pagdengngegco, diacto laeng ipangag ida.

Ezekiel 9:10

Ket no maipapan met caniac, ti matac saanto a mangisakit, ket diacto met mangaasi, ngem iyegconto ti dalanda iti rabaw dagiti ol-oloda.

Amos 4:10

Impawitco cadacayo ti panagangol a cas di casasaad ti Egipto: pinapatayco iti campilan dagiti agtutuboyo a lallaki, ket kinayawac dagiti cabayoyo; ket insacnapco ti buyoc iti pagpacarsoanyo inggana cadagiti agongyo, cascasdi a saancayo laeng a nagsubli caniac, cuna ni Jehova.

Amos 8:13

Daytanto nga aldaw dagiti naimnas a babbalasang ken dagiti agtutubo a lallaki matalimudawdanto iti waw.

Zacarias 11:6

Ta siac diacto caasianen dagiti agnaed ti daga, cuna ni Jehova; ngem, adtoy, yawatconto dagiti lallaki tunggal maysa iti ima ti caarrubana, ken iti ima ti arina; ket isuda dadaelendanto ti daga, ket ispalen ida iti imada.

Deuteronomio 28:50

Maysa a nacion a narungsot ti langana, a dinanto padayawan ti kinatao ti lacay, wenno iparang ti caasi iti agtutubo,

Deuteronomio 32:25

Iti ruar mamagtalipungawto ti campilan, ket iti uneg dagiti silsiled kigtot; ti babbaro ken virgen agpada a dadaelennanto, ti agsusu agraman agubanen.

Josue 6:21

Ket pinatayda nga inkisap amin nga adda iti uneg ti ili, lalaki man ken babai agpadpada, ubing man ken lacay agpadpada, ken vaca, ken carnero, ken asno, iti tadem ti campilan.

1 Samuel 15:3

Ita inca ket cabilem ti Amalec, ket dadaelem nga ikisap amin nga icutanna, ket dica isakit ida; no di ket patayem nga agpadpada ti lalaki ken babai, ubing ken agsuso, vaca ken carnero, camello ken asno.