Dungdung-aw 2:18 - Ti Biblia (1973)

¹⁸ Ti pusoda nagpuccawda iti Apo: O bacud ti anac a babai ti Sion, pagayusem coma dagiti lulua a cas carayan iti aldaw ken rabii; dica agsardeng; dica ipalubos ti tao-tao ti matam a sumardeng.

Ti Baro a Naimbag a Damag Biblia

¹⁸ O Jerusalem, bay-am dagiti bakudmo nga umasug iti Apo. Palubosam nga agayus dagiti luam a kas karayan iti aldaw ken rabii. Bannogem dayta bagim iti panagsangsangit ken panagladladingit.

Dungdung-aw 2:18 Iomraidhean Croise

Dagiti Salmo 119:136

Burayoc ti danum agayusda cadagitoy matac, gapu ta dida annuroten ti lintegmo. TSADHE

Dagiti Salmo 119:145

Immawagac iti amin a pusoc; sungbatannac cadi; O Jehova: salimetmetacto dagiti al-alagadem.

Jeremias 13:17

Ngem no isu dicay denggen, ti cararuac agsangitto a sililimed gapu iti kinatangsityo; ket ti matac agsangitto iti nasaem, ken pagayusanto dagiti lulua, ta ti pangen ni Jehova nacayawan.

Jeremias 14:17

Ket cunaemto daytoy a sao cadacuada, Dagiti matac pagayusan coma ti lulua iti rabii ken aldaw, ket saanda coma nga agsardeng; ta ti virgen nga anac ti ilic nadadael iti dackel a gutbaw, iti maysa a nasaem unay a sugat.

Jeremias 4:31

Ta nangngegco ti maysa a timec a cas maysa a babai nga agpasical, cas ti tuoc ti mangipasngay ti anacna nga inauna, ti timec ti anac a babai ti Sion, nga agngoyngoy-a, nga iyucradna dagiti im-imana, a cunana, Asiac pay ita! ta ti cararuac matalimudaw iti sangoanan dagiti mangpapatay.

Jeremias 9:1

O no ti oloc dandanum coma, ket dagiti matac ubbog ti lulua, tapno mabalinco coma ti agsangit iti aldaw ken rabii gapu iti pannacapapatay ti anac a babai ti ilic.

Dungdung-aw 1:16

Gapu cadagitoy a banbanag agsangitac; ti matac, ti matac agarubos iti danum; gapu ta ti mangliwliwa a mangpapigsa coma iti cararuac adayu caniac; dagiti annacco walangwalangda, agsipud ta ti cabusor nangabac.

Dungdung-aw 1:2

Isu agsangit iti napait iti rabii ket dagiti luluana addada cadagiti pingpingna; cadagiti amin a caayanayatna awan ti mangliwliwa kencuana; amin dagiti gagayyemna nagaramidda kencuana a sigugulib; nagbalinda a cabusorna.

Dungdung-aw 2:8

Ni Jehova pinanggepna a dadaelen ti bacud ti anac a babai ti Sion; binennatna ti singdan, saanna nga inaccal ti imana iti panangdadael: ket pinagladingitna ti sarikedked ken bacud; isuda nagcapuyda nga agpada.

Oseas 7:14

Ket saanda a nagasug caniac iti pusoda, no di ket agasugda cadagiti iddada: agtitiponda a maipoon laeng iti taraon ken baro nga arac; sumupringda iti maibusor caniac.

Habakuk 2:11

Ta ti bato umkisto manipud iti bacud, ket ti busuran iti cacayoan sumungbatto kencuana.