Dungdung-aw 2:16 - Ti Biblia (1973)

¹⁶ Amin dagiti cabusormo inngangada unay ti ngiwatda a maibusor kenca; agsanamticda ken pagngaretngetenda dagiti ngipenda; cunada, isu inalimonmi; pudno unay daytoy ti aldaw a binirbirucmi; nasaracanmin, nakitamin.

Ti Baro a Naimbag a Damag Biblia

¹⁶ Laisendaka dagiti amin a kabusormo, napnoanda iti gura a mangmulagat kenka. Aglibbi ken guy-guyabandaka a kunada, “Dinadaelmin ti siudad! Daytoy ti tiempo nga inur-uraymi ket itan nakitami.”

Dungdung-aw 2:16 Iomraidhean Croise

Dagiti Salmo 109:2

Ta ti ngiwat ti nadangkes ken ti ngiwat ti kinaulbod inngangada caniac: nagsaoda caniac a siuulbod ti dilada.

Dagiti Salmo 112:10

Ti nadangkes makitananto, ket agpulcocto; pagngaretngetennanto dagiti ngipenna, ket marunawto: ti tarigagay ti nadangkes mapucawto.

Dagiti Salmo 124:3

Inalun-ondatayo coman idi a sibibiag, idi a ti gurada simged a maibusor cadatayo:

Dagiti Salmo 22:13

Ingangada caniac ti ngiwatda, a cas umalun-un ken aguga a leon.

Dagiti Salmo 35:16

Cas cadagiti managrabngis cadagiti pagrambacan, inngarngarrietda caniac dagiti ngipenda.

Dagiti Salmo 35:21

Wen, inngangada ti ngiwatda a sibebercacac caniac; kinunada, Aja, aja, isu nakitan dagiti matami.

Dagiti Salmo 35:25

Dica palubos a cunaenda iti pusoda, Aja, casta ti tinarigagayanmi: dica ipalubos a cunada, Isu naalun-unmin.

Dagiti Salmo 37:12

Ti nadangkes sigsigpenna ti maibusor iti nalinteg, ket ingaretngetna dagiti ngipenna kencuana.

Dagiti Salmo 41:8

Dakes a sakit, cunada, ti sicacapet kencuana; ket ita ta immidda saanto a bumangonen.

Dagiti Salmo 56:2

Dagiti cabusorco cayatdac nga alununen nga agmalmalem; ta aduda dagiti makibacal a sicucuspag caniac.

Dagiti Salmo 57:3

Agbaonto manipud langit, ket isalacannac, intono ti mangalun-un caniac mangababi; (Selah) ti Dios ibaonnanto ti kinamanagayatna ken kinapudnona.

Isaias 49:19

Ta no maipapan iti aglangalang a dissom ken ti narba a dissom, ken ti dagam a nadadael awan duadua nga ita mailetancanto unay cadagiti umili, ken dagiti nangalu-nun kenca mayadayudanto.

Jeremias 26:6

Aramidecto ngarud daytoy a balay a cas iti Silo, ket aramidecto daytoy nga ili a lunod cadagiti amin a nacion ti daga.

Jeremias 29:18

Ket camatecto ida iti campilan, iti bisin, ket iti angol, ket iyawatconto ida a maipalladaw nga agal-laal-la cadagiti amin a pagarian ditoy daga, nga agbalinda a pagtabtabbaawan, ken pagsidsiddaawan, ken pagsansanamtican, ken pacaumsian, cadagiti amin a nacion a nangipaturongac cadacuada;

Jeremias 50:17

Ti Israel maysa a carnero a maanupan; isu pinagtalaw dagiti leon; umuna ti ari ti Asiria ti nangalun-un kencuana; ket iti camaudiananna ni Nabucodonosor nga ari ti Babilonia tinuccolna dagiti tultulangna.

Jeremias 50:7

Amin a nacasarac cadacuada inalununda ida; ket dagiti casupadida kinunada, Saancami a nacabasol, agsipud ta nacabasolda a maicaniwas ken Jehova, a pagnaedan ti kinalinteg, ni met laeng Jehova, nga inanama dagiti ammada.

Jeremias 51:34

Ni Nabucodonosor nga ari ti Babilonia inalun-unnac, rinumecnac, pinagbalinnac nga alicamen nga ongaong, cas maysa a dragon inalun-unnac, pinunnona ti tianna cadagiti naimas a cancanec; isu imbellengnac.

Dungdung-aw 1:21

Nangngegda nga agsasainnecac; awan ti mangliwliwa caniac; amin dagiti cabusorco nangngegda ti riribucco; agragsacda gapu ta inaramidmo: sica yegmonto ti aldaw nga inwayangmo, ket isuda mayaspingdanto caniac.

Dungdung-aw 3:46

Amin dagiti cabusormi nginangada unay ti ngiwatda a maibusor cadacami.

Ezekiel 23:32

Castoy ti cuna ni Apo Jehova: Sica uminumcanto iti copa ni cabsatmo a babai, isu a nauneg ken dackel; sica macatawaancanto a maabi ken marabrabac; isu adu ti malaonna.

Ezekiel 25:15

Castoy ti cuna ni Apo Jehova: Agsipud ta dagiti Filisteos nagibalesda, ket nangbalesda nga adda gurada iti cararua a mangdadael iti agnanayon a panagbinnusor;

Ezekiel 25:3

Ket cunaem cadagiti annac ti Ammon, Denggenyo ti sao ni Apo Jehova: Castoy ti cuna ni Apo Jehova, Agsipud ta kinunam, Aha, a maibusor iti santuarioc, idi natabbaawan; ken maicaniwas iti daga ti Israel; idi nalangalang; ken maibusor iti balay ti Juda, idi napanda iti pannacacayaw:

Ezekiel 25:6

Ta castoy ti cuna ni Apo Jehova: Agsipud ta pinagsinnipatmo dagiti im-imam, ken intabbugam dagiti sacsacam, ken nagragsacca iti amin a gura ti cararuam a maibusor iti daga ti Israel;

Ezekiel 36:3

Gapuna agpadtoca, ket cunam, Castoy ti cuna ni Apo Jehova: Agsipud ta, wen agsipud ta inaramiddacayo a langalang, ket inalimundacayo iti tunggal sikigan, tapno tagicuaendacayo ti tidda dagiti nasnacion, ket naalacayo cadagiti bibig dagiti mannanao, ken ti dakes a damag ti ili;

Ezekiel 5:15

Iti casta isunto ti pacaumsian ken pacababalawan ken pacasursuroan, ken pagsiddaawan cadagiti nasnacion nga aglicmut kenca, intono ocomenca babaen ti unget ken pungtot, ken iti narungsot a panangtubngar, (Siac, ni Jehova, sinaoc daytoy;)

Oseas 8:8

Maalun-un ti Israel; ita addada cadagiti nasnacion a cas maysa nga alicamen a saan a macaay-ayo iti siasinoman.

Mikias 4:11

Ket ita adu a nacion nagtitiponda a bumusor kenca, nga agcuna, Isu matulawan coma, ket ti matatayo makitana coma ti tarigagaytayo iti Sion.

Dagiti Aramid 7:54

Ket idi nangngegda dagitoy a banag, nasakitan ti pusoda ket ngarngaretngetenda dagiti ngipenda.