Dungdung-aw 2:15 - Ti Biblia (1973)

¹⁵ Amin dagiti lumabas pagsipatenda dagiti imimada kenca; agsanamticda ken iwingiwingda dagiti ol-oloda iti anac a babai ti Jerusalem, a cunada, isu daytoy aya ti ili a ninagan dagiti tattao, Ti awan pagcuranganna a pintas, Ti ragsac ti sangalubongan?

Ti Baro a Naimbag a Damag Biblia

¹⁵ Iti dalan a lumabas iti siudad, iwitwitiwit dagiti tattao ti im-imada a mangipakita iti pananglaisda. Agwingiwingda ket katawaanda ti narba a Jerusalem. Kastoy ti ikatawada, “Daytoy kadi ti kunada a napintas a siudad? Daytoy kadi ti pagtangtangsit ti lubong?”

Dungdung-aw 2:15 Iomraidhean Croise

2 Ar-ari 19:21

Daytoy ti sao a ni Jehova insaona a maipapan kencuana, Ti virgen nga anac a babai ti Sion linaisnaca ken kinatawaannaca a rinabngis; ti babai nga anac ti Jerusalem inngilangilna ti olona kenca.

2 Cronicas 7:21

Ket daytoy a balay a casta unay a nagdaeg, tunggal maysa a lumabas kencuana masdaawto, ket cunaennanto, Apayapay nga inaramid ni Jehova ti castoy iti dagana, ken iti daytoy a balay?

Dagiti Salmo 109:25

Agbalinac met a nacababain cadacuada: no makitadac, iwingiwingda ti uloda.

Dagiti Salmo 22:7

Amin a macakita caniac catawaandac a pagangangawan: aglibbida, ingilangilda ti uloda, ket cuncunada,

Dagiti Salmo 48:2

Naimnas ti kinatayagna, ragsac ti amin a daga, ti bantay a Sion, iti bangir ti amianan, ti ciudad ti dackel nga Ari.

Dagiti Salmo 48:3

Ti Dios nagpacaammo cadagiti palaciona a maipaay a pagcamangan.

Dagiti Salmo 50:2

Manipud Sion, ti awan pagcuranganna iti kinaimnas, ti Dios nagraniagen.

Dagiti Salmo 64:8

Iti casta maitublacdanto, a dagiti met la dilada ti maibusorto cadacuada: amin dagiti macakita cadacuada iwingiwingdanto dagiti ul-uloda.

Isaias 28:21

Ta ni Jehova tumacderto a cas idiay bantay Perasim, cas idiay tanap sadi Gabaon ti panagungetnanto; tapno maaramidna ti aramidna, ti aramidna a datdatlag, ken palabasenna ti aramidna, ti aramidna a datdatlag.

Isaias 37:22

Daytoy ti sao a ni Jehova insaona a maipapan kencuana: Ti virgen nga anac a babai ti Sion, linaisnaca ken kinatawaannaca a rinabngis; ti anac a babai ti Jerusalem inngilangilna ti olona kenca.

Isaias 64:11

Ti nasantoan ken naimnas a balaymi, isu nga dagidi ammami nangdaydayawanda kenca, napuuran iti apuy; ket amin a nacaay-ayo a dissomi narnarbada.

Jeremias 18:16

Tapno maaramid ti dagada a maysa a pagsiddaawan, ken maysa nga agnanayon a pagsanamtican; isu-amin a lumasat idiay masdaawto, ket iwingiwingna ti olona.

Jeremias 19:8

Ket aramidecto daytoy nga ili a maysa a pagsiddaawan, ken maysa a pagsanamtican; tunggal maysa a lumabas kencuana masdaawto ken agsanamticto gapu cadagiti amin a saplitna.

Jeremias 25:18

Nga isuda, ti Jerusalem ken dagiti il-ili ti Juda, ken dagiti ar-arida, ken dagiti piprincipeda, tapno aramiden ida a langalang, a pagsidsiddaawan, a pagsanamtican, ken lunod, cas iti daytoy nga aldaw;

Jeremias 25:9

Adtoy, mangibaonacto ket alaec amin dagiti familia manipud iti amianan, cuna ni Jehova, castamet ken Nabucodonosor nga, ari ti Babilonia, nga adipenco, ket iyegconto ida a maibusor ditoy a daga ken maibusor, cadagiti agnaed kencuana, ken maibusor cadagiti amin a nacion iti aglicmut, ket pucawecto ida a maikisap ket aramidecto ida a pagsiddaawan, ken pagsanamtican, ken agnanayon a langalang.

Jeremias 26:6

Aramidecto ngarud daytoy a balay a cas iti Silo, ket aramidecto daytoy nga ili a lunod cadagiti amin a nacion ti daga.

Jeremias 29:18

Ket camatecto ida iti campilan, iti bisin, ket iti angol, ket iyawatconto ida a maipalladaw nga agal-laal-la cadagiti amin a pagarian ditoy daga, nga agbalinda a pagtabtabbaawan, ken pagsidsiddaawan, ken pagsansanamtican, ken pacaumsian, cadagiti amin a nacion a nangipaturongac cadacuada;

Jeremias 48:27

Ta saan aya a ti Israel ti nacaipuonan ti panagcatawam? isu nasaracan aya iti natengngaan dagiti mannanacaw? ta tunggal panagsaom a maipapan kencuana, iwingiwingmo ta olom.

Jeremias 51:37

Ket ti Babilonia agbalinto a gabgabsuon, a pagtaengan dagiti aso ti bakir, maysa a pagsidaawan, ken pagsanamtican, nga awan ti agnaed.

Dungdung-aw 1:21

Nangngegda nga agsasainnecac; awan ti mangliwliwa caniac; amin dagiti cabusorco nangngegda ti riribucco; agragsacda gapu ta inaramidmo: sica yegmonto ti aldaw nga inwayangmo, ket isuda mayaspingdanto caniac.

Dungdung-aw 1:8

Ti Jerusalem nacabasol iti nacalcaldaang unay; gapuna a nagbalin a cas narugit; amin dagiti nangdaydayaw kencuana uyuyawenda, ta nakitadan ti kinalamolamona: wen, agsainnec, ket aglicuden.

Dungdung-aw 2:16

Amin dagiti cabusormo inngangada unay ti ngiwatda a maibusor kenca; agsanamticda ken pagngaretngetenda dagiti ngipenda; cunada, isu inalimonmi; pudno unay daytoy ti aldaw a binirbirucmi; nasaracanmin, nakitamin.

Dungdung-aw 2:6

Ket rinabsutna ti tabernaculona a casla sapaw iti minuyongan; dinadaelna ti disso a paggimonganna; ni Jehova pinalipatanna idiay Sion ti gimong a nangayed ken ti aldaw a panaginana, ket inuyawna ti ari ken ti padi iti pannacaunget ti pungtotna.

Ezekiel 16:13

Castoy ti pannacaarcosmo iti balitoc ken pirac; ket ti pagan-anaymo nalapat a lienzo, ken seda, ken nabordaan nga aramid; nanganca ti namayecmec nga harina, ken diro, ken lana; ket napintasca unay idi, ket rimmang-ayca agingga iti casasaad a naarian.

Ezekiel 16:14

Ket ti dayawmo nagracurac iti nagtengngaan dagiti nasnacion gapu iti pintasmo; ta isu awan pagcuranganna a gapu iti kinadaegco nga insaadco kenca, cuna ni Apo Jehova.

Ezekiel 23:32

Castoy ti cuna ni Apo Jehova: Sica uminumcanto iti copa ni cabsatmo a babai, isu a nauneg ken dackel; sica macatawaancanto a maabi ken marabrabac; isu adu ti malaonna.

Ezekiel 25:6

Ta castoy ti cuna ni Apo Jehova: Agsipud ta pinagsinnipatmo dagiti im-imam, ken intabbugam dagiti sacsacam, ken nagragsacca iti amin a gura ti cararuam a maibusor iti daga ti Israel;

Ezekiel 5:15

Iti casta isunto ti pacaumsian ken pacababalawan ken pacasursuroan, ken pagsiddaawan cadagiti nasnacion nga aglicmut kenca, intono ocomenca babaen ti unget ken pungtot, ken iti narungsot a panangtubngar, (Siac, ni Jehova, sinaoc daytoy;)

Daniel 9:16

O Apo, cas mayannurot iti amin a kinalintegmo, ti unget ken pungtotmo dawatec kenca a maibawingda coma manipud iti ilim a Jerusalem ti nasantoan a bantaymo; ta gapu cadagiti basbasolmi, ken gapu iti kinadangkes dagiti ammami, ti Jerusalem ken ti ilim nagbalinda a pacabainan cadagiti amin nga adda nga aglicmut cadacami.

Mikias 6:16

Ta dagiti bilbilin ni Omri masalimetmetda, ket amin dagiti ar-aramid ti balay ni Acab, ket dacayo magnacayo cadagiti balbalacadda; tapno aramidenca a langalang, ket dagiti agnaed idiay sanamtic; ket awitenyonto ti pannacaibabain ti ilic.

Nahum 3:19

Awan ti macaagas ta tuocmo; ta sugatmo naut-ut; isu-amin a macangeg ti damag a maipapan kenca pagsipatenda dagiti im-imada maipuon kenca; ta siasino aya ti di naglasatan iti cancanayon ta kinadakesmo?

Sofonias 2:15

Daytoy ti naragsac nga ili a nagnaed a sililiway, a nagcuna iti pusona, Addaac, ket awan ti sabali no saan a siac: Anian a panagbalinna a walangwalang, maysa a disso a pagiddaan dagiti an-animal! siasinoman a lumabas iti dennana agsanamticto, ket isinasna ti imana.

San Mateo 27:39

Ket dagiti limmabas nagsasaoanda cadagiti dakes a sao, nga ingilngilangilda dagiti uloda,

San Marcos 15:29

Ket dagiti aglabas, isu nagsasaoanda nga ingilngilangilda dagiti oloda, ket cuncunada: Ania! sica a rebbaem ti Templo ket ti tal-lo nga aldaw bangonem met laeng.