Dungdung-aw 2:14 - Ti Biblia (1973)

¹⁴ Dagiti mammadtom nacakitada iti maipaay kenca cadagiti ulbod ken maag a sirmata; ket saanda a linucasan ti kinadakesmo, tapno agbawing ti pannacacayawmo, ngem nacakitada iti maipaay kenca cadagiti ulbod a padpadto ken dagiti nacaigapuan ti pannacaibelleng.

Ti Baro a Naimbag a Damag Biblia

¹⁴ Pasig nga ulbod ti imbagbaga dagiti profetam; naallilawka kadagiti inkaskasabada; pulos a dida imbutaktak ti basolmo. Inyaw-awandaka ket impagarupmo a saanen a nasken nga agbabawika.

Dungdung-aw 2:14 Iomraidhean Croise

Isaias 58:1

Umkisca iti natbag, dica medmedan agtimecca iti natbag a cas maysa a tangguyob, ket ipalawagmo iti ilic ti ilalabsingna, ken iti balay ni Jacob dagiti basbasolna.

Jeremias 2:8

Dagiti papadi saanda a kinuna, Sadino ti yan ni Jehova? Ket dagiti agaywan ti linteg saandac a binigbig: ket casta met dagiti agturay simmalungasingda a maibusor caniac; ket dagiti mammadto nagpadtoda gapu ken Baal, ket sinurotda iti awan malac-am.

Jeremias 20:6

Ket sica, Pasur, ken amin nga agnaed iti balaymo mapancayto iti pannacacayaw; ket umaycanto, idiay Babilonia, ket idiay mataycanto, ket maitanemcanto, sica ken amin dagiti gagayyemmo, isuda a nagipadtoam a siuulbod.

Jeremias 23:22

Ngem no nagtacderda coma iti pammagbagac, iti casta pinagdengngegda coma ti ilic cadagiti sasaoc, ket insublida ida manipud iti dakes a dalanda, ken manipud iti kinadakes dagiti gapuananda.

Jeremias 23:36

Ket ti aw-awiten ni Jehova saanyonto a dacawatenen: ta ti sao met laeng ti tunggal tao isunto ti awitna, ta tiniritiryo dagiti sasao ti Dios a sibibiag, a ni Jehova dagiti buybuyot a Diostayo.

Jeremias 28:15

Idin kinuna ni mammadto a Jeremias ken Hananias a mammadto, Denggem ita Hananias: Ni Jehova saannaca nga imbaon: ngem pagtalgedem iti ulbod daytoy nga umili.

Jeremias 29:21

Castoy ti cuna ni Jehova dagiti buybuyot, a Dios ti Israel, a maipapan ken ni Acab nga anac a lalaki ni Colias, ken maipapan ken ni Sedekias nga anac a lalaki ni Maasias, isuda a mangipadles iti ulbod cadacayo iti naganco: Adtoy, iyawatconto ida iti ima ni Nabucodonosor nga ari ti Babilonia; ket papatayennanto ida iti sangoanan dagiti matayo;

Jeremias 37:19

Sadino ti yan dagiti mammadtoyo a nagpadtoda cadacayo, a kinunada, Ti ari ti Babilonia dinto umay a maibusor cadacayo, wenno maibusor itoy a daga?

Jeremias 5:31

Dagiti mammadto agipadtoda a siuulbod, ket dagiti papadi agturayda maipuon cadacuada; ket ti ilic pagayatanna a casta: ket ania ti aramidenyonto iti pannungpalanna?

Dungdung-aw 4:13

Maipuon cadagiti basbasol dagiti mammadtona, ken cadagiti kinadakes dagiti papadina, a nangiparucpuc ti dara ti nalinteg iti nagtengngaanna.

Ezekiel 13:22

Ta gapu cadagiti ulbod pinagladingityo ti puso ti nalinteg, isuda a diac pinagleddaang, ket pinabilegyo dagiti im-ima dagiti nadangkes, tapno isu saan coma a sumina iti dakes a dalanna, ket maispal a sibibiag;

Ezekiel 22:25

Adda panangisicat dagiti mammadtona iti tengngana, a cas ti uga ti leon nga aglamut iti natucmaan: isuda naglamutda cadagiti carcararua; agalada iti gameng ken napateg a banbanag, pinaaduda dagiti balbaloda a babbai iti nagtengngaanna.

Ezekiel 22:28

Ket dagiti mammadtona nagpalitadada nga inaramatda ti saan a natemplaan a masa a maipaay cadacuada, iti panagkitada cadagiti ulbod a sirmata, ken nagbuyonda cadagiti tiri cadacuada, a kinunada, Castoy ti cuna ni Apo Jehova, idinto a saan a sinao ni Jehova.

Ezekiel 23:36

Ni Jehova kinunana pay caniac: Anac ti tao, ocomemto aya da Ahola ken Aholiba? ipalawagmo ngarud cadacuada dagiti kinarimonda.

Oseas 9:7

Dimteng dagiti al-aldaw ti panangsarungcar, simmangpet dagiti al-aldaw ti panangsupapac; ti Israel maammoannanto: ti mammadto maysa a maag, ti lalaki nga addaan iti espiritu agmauyong, gapu iti caadu ti kinadakesmo, ken gapu ta dackel ti gurangura.

Mikias 2:11

No ti tao a magmagna iti espiritu ti ulbod agtiri, a cunana, Siac agipadlesacto kenca maipapan iti arac ken naingel nga inumen; isunto met laeng ti mammadto iti daytoy nga ili.

Mikias 3:8

Ngem no maipapan caniac, napnoac iti pannacabalin babaen ti Espiritu ni Jehova, ken panangocom, ken bileg, a mangipalawag ken Jacob iti salungasingna, ken iti Israel iti basolna.

Sofonias 3:4

Dagiti mammadtona nadursocda ken manangallilawda a tattao; dagiti papadina binassawanganda ti santuario, sinalungasingda ti linteg.