Dungdung-aw 2:12 - Ti Biblia (1973)

¹² Cunaenda cadagiti innada, sadino ti yan ti bagas ken arac? Indinto a matalimudawda cas cadagiti nasugat cadagiti lansangan ti ili, idinto a ti cararuada maibuyat iti saclot dagiti innada.

Ti Baro a Naimbag a Damag Biblia

¹² Umasugda kadagiti innada gapu iti bisin ken wawda. Mapasagda kadagiti kalsada a kasda la nasugatan. Main-inutda a matay iti saklot dagiti innada.

Dungdung-aw 2:12 Iomraidhean Croise

Ti Libro ni Job 30:16

Ket ita ti cararuac maibuyat iti unegco; dagiti al-aldaw ti pannacaparigat mesmesandac.

Dagiti Salmo 42:4

Dagitoy a banbanag malagipco, ket maibuyat toy cararwac itoy unegco, no casano daydi ipapanco agraman sangabunggoyan, ket intulodco ida iti balay ti Dios, agraman timec ti ragsac ken panangidaydayaw, umariwecwec a ramrambacanda ti aldaw a nasantoan.

Dagiti Salmo 62:8

Agtaleccayo kencuana iti amin a tiempo, dacayo nga umili; ibucbocyo ti pusoyo iti sangoananna: ti Dios isu ti camang a maipaay cadatayo. (Selah)

Isaias 51:20

Dagiti annacmo nagtalimudawda, naidalitda iti oloanan dagiti amin a calcalsada, a casda la ugsa iti uneg ti bateng; napnoda iti pungtot ni Jehova, ti panangtubngar ti Diosmo.

Isaias 53:12

Gapuna nga isu ibingayacto iti sangcaapag cadagiti natan-oc, ket isu bingayennanto ti samsam cadagiti napigsa; gapu ta imbucbocna ti cararuana ken patay, ket naibilang cadagiti managlabsing: nupay casta inawitna ti basol dagiti adu, ken nagaramid iti panangibabaet cadagiti managlabsing.

Jeremias 5:17

Ket canendanto ti apitmo, ken ti tinapaymo, a canen coma dagiti annacmo a lallaki ken babbai; ibusendanto dagiti ar-arbanmo ken dagiti pangpangenmo; canendanto dagiti uv-uvasmo ken dagiti highigosmo; rebbaendanto dagiti nasarikedkedan nga il-ilim, isuda a pagcammatalcam, babaen ti capilan.

Dungdung-aw 1:11

Amin dagiti tattaona agsainnecda, agsapulda iti tinapay; intedda dagiti macaay-ayo a cucuada nga insucat iti taraon a mangpakired iti cararua: kitaem, O Jehova, ket adtoy; ta siac nagbalinac a nacacaasi.

Dungdung-aw 4:4

Ti dila ti agsuso nga ubing dumket iti ngadasna gapu iti waw: dagiti annac nga ububbing dumawatda iti tinapay, ket awan ti tao a mangpispisi a maipaay cadacuada.

Ezekiel 30:24

Ket papigsaecto dagiti tackiag ti ari ti Babilonia, ket isaadconto ti campilanco iti imana: ngem bungtolecto dagiti tackiag ni Faraon, ket isu agsainnecto iti sangoananna cadagiti sasainnec ti maysa a tao a nasugatan a iti macapatay.