Dungdung-aw 2:11 - Ti Biblia (1973)

¹¹ Dagiti matac agcapuyda gapu cadagiti lulua, ti pusoc mariribuc; ti dalemco maibelleng iti daga, gapu iti pannacadadael ti anac a babai ti ilic, ta dagiti ububbing a babassit ken dagiti agsuso matalimudawda cadagiti lansangan ti ili.

Ti Baro a Naimbag a Damag Biblia

¹¹ Limtegen dagiti matak iti kasasangit; mariribuk ti kararuak. Napakapsutanak iti ladingit gapu iti pannakadadael dagiti kailiak. Matalimudaw dagiti ubbing ken maladaga kadagiti kalsada iti siudad.

Dungdung-aw 2:11 Iomraidhean Croise

Ti Libro ni Job 16:13

Dagiti pagpanpanaenna licmutendac; dudugenna dagiti beckelco, ket dina pinacawan; ibucbocna ti aproc iti rabaw ti daga.

Ti Libro ni Job 30:27

Mariribuc ti pusoc, ket di agtalna; al-aldaw ti pannacaparigat addadan caniac.

Dagiti Salmo 119:82

Dagiti matac maadayda gapu ita saom, bayat ti panagcunac, Caano ti panangliwliwamto caniac?

Dagiti Salmo 22:14

Naibucbucac a cas danum, ket amin dagiti tulangco nangalangalda: toy pusoc cas allid; malunag ditoy unegco.

Dagiti Salmo 31:9

Mangaasica caniac, O Jehova, ta addaac iti tarumpingay: ti matac marmay iti ladingit, wen, ti cararwac ken ti bagic.

Dagiti Salmo 38:8

Mapacapuyac ket nacaro ti pannacairidridco: nagungorac gapu iti di-pannacatalna toy pusoc.

Dagiti Salmo 6:7

Ti matac macullaapan gapu iti ladingit; lumacay maipuon cadagiti amin a cabusorco.

Dagiti Salmo 69:3

Napacsoyanacon iti panagicickis; ti carabucobco nagmagan: dagiti matac umlayda bayat ti panagururayco iti Diosco.

Isaias 22:4

Gapuna a kinunac, Ibawingyo ti ikikitayo caniac, agsangitacto iti napait unay; dicayo agbannug a mangliwliwa caniac a gapu iti pannacarbec ti anac a babai ti ilic.

Isaias 38:14

Cas la maysa a salsallapingaw, wenno tipor, casta ti panagit-itco; nagunonnoyac a cas la calapati; dagiti matac cumapuyda a gapu iti panangitangad: O Jehova, maparigatac, sica cadi ti talgedco.

Isaias 51:20

Dagiti annacmo nagtalimudawda, naidalitda iti oloanan dagiti amin a calcalsada, a casda la ugsa iti uneg ti bateng; napnoda iti pungtot ni Jehova, ti panangtubngar ti Diosmo.

Jeremias 14:17

Ket cunaemto daytoy a sao cadacuada, Dagiti matac pagayusan coma ti lulua iti rabii ken aldaw, ket saanda coma nga agsardeng; ta ti virgen nga anac ti ilic nadadael iti dackel a gutbaw, iti maysa a nasaem unay a sugat.

Jeremias 4:19

Anian ti tuocco? Anian ti tuocco! agsakit ti caungan itoy pusoc; ti pusoc saan nga agtalna; diac macaulimec; agsipud ta nangngegmo, O cararuac, ti uni ti tangguyob, ti buac ti gubat.

Jeremias 44:7

Castoy ngarud ti cuna ni Jehova, a Dios dagiti buybuyot, a Dios ti Israel; Apay aramidenyo ti dackel a kinadakes a maibusor cadagiti cararuayo met laeng, tapno dadaelenyo cadacayo ti lalaki ken babai, maladaga ken agsussuso, iti tengnga ti Juda, tapno awanto ti matda cadacayo;

Jeremias 8:19

Adtoy, ti timec ti riaw ti anac a babai ti ilic manipud iti daga nga adayu unay: Awan aya ni Jehova idiay Sion? Awan aya ti Arina kencuana? Apay a pinanggargarida caniac nga agpungtot dagiti kinitikitan a ladladawan, ken gangannaet a kinaubbaw?

Dungdung-aw 1:11

Amin dagiti tattaona agsainnecda, agsapulda iti tinapay; intedda dagiti macaay-ayo a cucuada nga insucat iti taraon a mangpakired iti cararua: kitaem, O Jehova, ket adtoy; ta siac nagbalinac a nacacaasi.

Dungdung-aw 1:16

Gapu cadagitoy a banbanag agsangitac; ti matac, ti matac agarubos iti danum; gapu ta ti mangliwliwa a mangpapigsa coma iti cararuac adayu caniac; dagiti annacco walangwalangda, agsipud ta ti cabusor nangabac.

Dungdung-aw 1:20

Kitaem, O Jehova; ta siac addaac a naldaang; ti pusoc mariribuc; ti pusoc mabalictad iti unegco; ta nacalcaldaang ti panangsalungasingco: iti ruar ti campilan mangpaulila, ditoy taengco adda ni patay.

Dungdung-aw 5:17

Gapu itoy ti pusomi mapacsoyan; gapu cadagitoy a banbanag dagiti matami nacudrepda;

San Lucas 23:29

Ta adtoy nga umayda dagiti aldaw a cuncunadanto: Nagasat dagiti lupes, ken dagiti tian, a di naganac, ken dagiti barucong a di nagpasuso.

1 Samuel 30:4

Idin ni David ken dagiti tattao nga adda idi kencuana inngatoda ti timecda ket nagsangitda agingga iti awanen ti pigsada nga agsangit.