Dungdung-aw 2:10 - Ti Biblia (1973)

¹⁰ Dagiti panglacayen ti anac a babai ti Sion agtugawda iti daga, agulimecda; nangicabilda iti tapuc iti rabaw dagiti ol-oloda; nagbarikesda iti lupot a nakersang; dagiti babbalasang ti Jerusalem itamedda dagiti ol-oloda iti daga.

Ti Baro a Naimbag a Damag Biblia

¹⁰ Naulimek dagiti lallakay iti Jerusalem. Agtutugawda iti daga. Tapoktapok dagiti uloda ket nakersang a lupot ti kawesda. Nakadumog dagiti babbalasitang ket mulmulenglenganda ti daga.

Dungdung-aw 2:10 Iomraidhean Croise

2 Samuel 13:19

Ket ni Tamar nangicabil cadagiti dapdapo iti rabaw ti olona, ket rinay-abna daydi pagan-anayna a nadumaduma ti colorna a pinagcawesna; ket impatayna ti imana iti olona, ket napan iti dalanna, nga agsangsangit iti natbag a magmagna.

Isaias 15:3

Cadagiti daldalanda baricsandanto dagiti bagbagida iti lupot a nakersang; cadagiti tuctoc ti balayda, ken cadagiti luglugarda a nalawa, agdung-awto tunggal maysa, agsangit iti napalalo.

Isaias 3:24

Ket maaramidto, a dagiti nabanglo a sabsabong agbalinto a kinabuyoc; ket iti saad ti barikes maisucatto ti tali; ket iti saad ti naornos a buoc, panagcalvonto; ket iti saad ti lambon, pagbarikes a lupot a nakersang; ket iti saad ti kinaimnas biritbiritto.

Isaias 3:26

Ket ti ruanganna agladingitto ken agpanes; ket isu mapanawanto ken agtugawto iti daga.

Isaias 36:22

Idin immayda ken ni Ezekias da Eliakim nga anac ni Helcias, nga isu idi ti mayordomo, ken ni Sebna nga escriba, ken ni Joah nga anac ni Asaf, a registrador, a sigigisgis dagiti cawesda, ket imbagada kencuana dagiti sasao ni Rabsaces.

Isaias 47:1

Umulogca, ken agtugawca iti tapoc, O virgen nga anac ti Babilonia; agtugawca iti daga nga awan trono, O anac a babai dagiti Caldeos; ta sica saancanton a managanan naganus ken nalami.

Isaias 47:5

Agtugawca a siuulimec, ken sumrecca iti kinasipnget, O anac a babai dagiti Caldeos; ta saancanto a managananen Ti apo dagiti pagpagarian.

Jeremias 8:14

Apay nga agtugawtayo a sitatalna? aggigimongcayo, ket intayon sumrec cadagiti nasarikedkedan nga il-ili, ket agulimectayo idiay; ta ni Jehova a Diostayo pinagulimecnatayo, ken iniccannatayo iti danum nga apro nga inumen, ta nagbasoltayo a maibusor ken Jehova.

Dungdung-aw 1:1

Anian ti panagwaywayas ti maysa nga ili a napno idi cadagiti tattao! Isu nagbalin a cas maysa a balo, daydi dackel idi iti nagtengngaan dagiti nasnacion! Daydi princesa cadagiti provincia nagbalin a paiturayan!

Dungdung-aw 1:4

Dagiti daldalan ti Sion agpanesda, gapu ta awan ti umay iti gimongda a nangayed; amin dagiti ruanganna nabaybayan, dagiti papadina agsainnecda: dagiti virgenna matutoocda iti ladingit, ket isu met laeng adda iti kinapait.

Dungdung-aw 3:28

Isu agtugaw coma nga agpacni a siuulimec, ta Isu impabaclayna kencuana.

Dungdung-aw 4:16

Ti pungtot ni Jehova winarawarana ida; saannanton ida nga icancano: saanda a dinayaw dagiti kinatao dagiti papadi, saanda incancano dagiti panglacayen.

Dungdung-aw 4:5

Dagidiay nangnangan iti naimas addada a walangwalang cadagiti lanlansangan. Dagidiay napadackel iti escarlata aracupenda dagiti bonbonton ti pagibblengan.

Dungdung-aw 5:12

Dagiti piprincipe naibitinda cadagiti imada. Dagiti rupa dagiti panglacayen saanda; a nadaydayaw.

Dungdung-aw 5:14

Dagiti panglacayen binay-bayanda ti ruangan, dagiti agtutubo iti panagtocarda.

Ezekiel 27:30

Ket ipangngegdanto ti timecda kenca, ket agriawdanto a sipapait, ket agipurruacdanto iti tapuc iti rabaw dagiti ol-oloda; isuda aglubnacdanto cadagiti dapdapu;

Ezekiel 27:31

Ket agcalvodanto a maipuon kenca, ket agbarikesda iti nakersang a lupot, ket agsangitdanto a maipuon kenca a sipapait ti cararua ken iti napait a panagladingit.

Ezekiel 7:18

Agbarikesdanto met iti nakersang a lupot, ket macumotandanto iti pannacakigtot; ket ti bain addanto cadagiti amin a ruprupa, ken kinacalvo cadagiti amin nga ol-oloda.

Joel 1:8

Agsangitca cas maysa a virgen a nabaricsan iti lupot a nakersang a maipaay iti asawa iti kinaubingna.

Amos 5:13

Gapuna ti manakem agulimecto iti casta a pannawen; ta dakes a pannawen.

Amos 8:13

Daytanto nga aldaw dagiti naimnas a babbalasang ken dagiti agtutubo a lallaki matalimudawdanto iti waw.

Amos 8:3

Ket dagiti cancanta iti templo dungawdanto iti dayta nga aldaw, cunana ni Apo Jehova: adunto dagiti bangcay; ibellengdanto ida a siuulimec iti amin a disso.

Jonas 3:6

Ket dimteng daytoy a damag iti ari ti Ninive, ket isu timmacder iti tronona, ket iniccatna ti lambon, ket nagcagay iti lupot a nakersang, ket nagtugaw iti dapu.

Josue 7:6

Ket ni Josue pinigisna dagiti pagan-anayna, ket nagpacleb iti daga iti sangoanan ti lacasa ni Jehova inggana iti malem, isu ken dagiti lallacay ti Israel; ket tinapocanda dagiti ol-oloda.

Paltiing 18:19

Ket pinurroacanda ti tapoc dagiti ol-oloda; ket agic-ickisda, nga agsangsangit ken agan-anug-ugda a cuncunada: Ay, asi pay daydi dackel a ciudad, isu a binacnangan dagiti isu-amin nga adda sasacayanda idi iti baybay, gapu cadagiti agcacapateg a gamengna; ta iti maymaysa nga horas isu napucaw.