Dungdung-aw 1:9 - Ti Biblia (1973)

⁹ Ti kinarugitna adda idi cadagiti cainna; isu saanna a nalagip ti maududi a casasaadna; iti casta immulog a nacascasdaaw, awan ti mangliwliwa kencuana: kitaem, O Jehova, ti tuocco; ta ti cabusor pinadackelna ti bagina met laeng.

Ti Baro a Naimbag a Damag Biblia

⁹ Nalaka idi a makita ti kinarugitna. Ngem dina inkankano ti pagbanaganna. Nakaal-alliaw ti pannakaparmekna, awan makaliwliwa kenkuana. Nagballigi dagiti kabusorna, ket agdawat ken ni Yahweh iti panangngaasina.

Dungdung-aw 1:9 Iomraidhean Croise

2 Samuel 16:12

Bareng coma no ni Jehova kitaennanto ti ranggas a naaramid caniac, ket isupapacto ni Jehova caniac ti imbag a gapu iti panangilunlunodna caniac iti daytoy nga aldaw.

2 Ar-ari 14:26

Ta ni Jehova nakitana ti pannacaparigat ti Israel, a napait unay ta sadiay awan idi ti mabalud wenno agwayawaya, awan idi sadiay ti uray siasinoman a tumulong a maipaay iti Israel.

Nehemias 9:32

Ita ngarud, Diosmi, ti dackel, a mannacabalin, ket nacakigkigtot a Dios, a mangsalimetmet iti tulag ken kinamanangngaasi, dica palubosan nga agparang ita sangoanam a cas bassit ti amin a rigat, nga immay cadacami, cadagiti pangpangoloenmi, ken cadagiti papadimi, ken cadagiti mammadtomi, ken cadagiti ammami, ken iti amin nga ilim, nanipud idi tiempo dagiti ar-ari ti Asiria agingga itoy nga aldaw.

Dagiti Salmo 119:153

Imutectecam toy leddaangco, ket ispalennac; yantangay diac lipatan ti lintegmo.

Dagiti Salmo 140:8

Dica cadi itden, O Jehova, dagiti tarigagay ti nadangkes: nangnangrona pay a saan iti dakes ti panagemna, di la ket ta agpalangguadda. (Selah)

Dagiti Salmo 25:18

Imatangam ti ducotco ken ti bannogco; ket pacawanem amin dagiti basbasolco.

Dagiti Salmo 69:21

Iniccandac met ti apro a maipaay a taraonco; ket iti pannacawawco pinainumdac iti suca.

Exodo 3:17

Ket kinunacon, Alaencayto manipud iti pammarparigat ti Egipto a ipan sadiay daga ti Cananeo, ken ti Heteo, ken ti Amorreo, ken ti Perezeo, ken ti Heveo, ken ti Jebuseo, iti maysa a daga a pagayusan ti gatas ken diro.

Exodo 3:7

Ket ni Jehova kinunana, Pudno a nakitac ti ladingit ti ilic nga adda sadi Egipto, ket dinengngegco ti unnoyda gapu cadagiti managdagdag cadacuada ta ammoc dagiti leddaangda;

Exodo 4:31

Ket ti umili namatida: ket idi nangngegda a ni Jehova sinarungcaranna dagiti annac ti Israel, ket nakitanan ti pagelda, nagtamedda ket nagdaydayawda.

Eclesiastes 4:1

Idin nagbawingac ket nakitac amin a pammarigat a maaramid iti baba ti init; ket adtoy, dagiti lulua dagiti naparigat, ket isuda awananda iti mangliwliwa; ket iti biang dagiti mangparparigat cadacuada adda idi pannacabalin; ngem awan ti mangliwliwa cadacuada.

Isaias 3:8

Ta ti Jerusalem narba, ket ti Juda narugpo; agsipud ta ti dilada ken dagiti ar-aramidda bumusorda ken Jehova, a panggargarida cadagiti mata ti dayagna.

Isaias 37:17

Yallingagmo ta lapayagmo, O Jehova, ket denggem; luctam dagiti matam, O Jehova, ket kitaem; ken denggem amin dagiti sao ni Sennakerib, isu a nagbaon a mangcarit iti Dios a sibibiag.

Isaias 37:23

Siasino ti kinaritmo ken tinabbaawam? ket asino ti pacaibusoran ti natbag a timmecmo, ken nangitangadam cadagita matam iti nangato? maibusor met laeng iti Santo ti Israel.

Isaias 37:29

Gapu iti panagpungtotmo a maibusor caniac, ken agsipud ta ti kinacuspagmo immuli cadagiti lapayagco, gapuna nga icabilconto ti callawitco ita agongmo, ken ti frenoc cadagiti bibigmo, ket pagsubliencanto iti dalan nga immayam.

Isaias 37:4

Nalabit a ni Jehova a Diosmo denggennanto dagiti sasao ni Rabsaces, nga imbaon ti ari ti Asiria nga apona a mangcarit iti Dios a sibibiag, ket tubngarennanto dagiti sasao a nangngeg ni Jehova a Diosmo: gapuna nga ipangatom ti cararagmo a maipaay iti tidda a nabati.

Isaias 40:2

Agsaocayo a sililiwliwa iti Jerusalem; ket ipuccawyo kencuana a ti pannakidangadangna nanungpalen, ta ti kinadangkesna napacawanen, nga isu inawatna iti ima ni Jehova iti mamindua a maipaay iti amin a basbasolna.

Isaias 47:7

Ket kinunam, Siacto ti apo iti agnanayon; iti casta a dica impapuso dagitoy a banbanag, ket dica met linagip ti maud-udi a pagtungpalanna.

Isaias 51:19

Dagitoy dua a banag napasamacda kenca; asino ti mangdung-aw kenca? panaglangalang, ken pannacadadael, bisin ken campilan, casano ti panangliwliwacto kenca?

Isaias 54:11

O sica a napagsagaba, a pinarigat ti bagio, ket saan a naliwliwa, adtoy isaadconto dagiti batbatom iti nasayaat a colcolor, ken icabilconto a pamuonmo dagiti zafiros.

Jeremias 13:27

Nakitac dagiti kinarimonmo, dagiti met laeng pannakicamalalam, ken dagiti garaigem, ti kinaderrep ti pannakicamalalam, cadagiti turturod ti away. Asica pay, O Jerusalem madica a madalusan; casano pay ti cabayagnanto?

Jeremias 16:7

Ket dagiti tattao saandanto met nga agpisi iti tinapay iti panagladingit gapu cadacuada, tapno liwliwaenda ida gapu cadagiti natnatay; ket dagiti tattao didanto met ited ti copa ti pangliwliwa tapno uminumda gapu iti amada wenno gapu iti inada.

Jeremias 2:34

Castamet cadagita cawesmo masaracan ti dara dagiti nasingpet a napanglaw a cararua: Saanmo ida a nasucalan a mangaramid iti sercan; no di ket gapu amin cadagitoy basbasolmo.

Jeremias 48:26

Isu pagbartekenyo; ta nagpasindayag a maibusor ken Jehova: ket ti Moab aglubnacto iti saruana, ket isu met macatcatawaanto.

Jeremias 5:31

Dagiti mammadto agipadtoda a siuulbod, ket dagiti papadi agturayda maipuon cadacuada; ket ti ilic pagayatanna a casta: ket ania ti aramidenyonto iti pannungpalanna?

Jeremias 50:29

Paurnongyo dagiti pumapana a maibusor iti Babilonia, dagiti amin a mangbiat ti ba-i; agpacarsocayo a maibusor kencuana nga aglicmut; awan coma ti macatalaw; isu supapacanyo a mayalubog ti aramidna; cas mayannurot iti isu-amin nga inaramidna, aramidenyo kencuana, ta isu natangsit idi a maibusor ken Jehova, a maibusor iti Santo ti Israel.

Dungdung-aw 1:17

Ti Sion intag-ayna dagiti im-imana; awan ti mangliwliwa kencuana; ni Jehova nagbilin maipapan ken Jacob, a dagidiay adda iti licmutna isuda coma dagiti cabusorna; ti Jerusalem adda iti nagtengngaanda cas banag a narugit.

Dungdung-aw 1:21

Nangngegda nga agsasainnecac; awan ti mangliwliwa caniac; amin dagiti cabusorco nangngegda ti riribucco; agragsacda gapu ta inaramidmo: sica yegmonto ti aldaw nga inwayangmo, ket isuda mayaspingdanto caniac.

Dungdung-aw 2:13

Ania ti pangpanecnecconto kenca? ania ti pangipadpadacto kenca, O anac a babai ti Jerusalem? Ania ti pangidiligacto kenca, tapno mabalinca a liwliwaen, O anac a balasang ti Sion? Ta ti gutbawmo dackel cas iti baybay: asino ti macaagas kenca?

Dungdung-aw 4:1

Anian ti panagbalin ti balitoc a nacudrep! ken anian ti pannacabalbaliw ti casudian a balitoc! Dagiti batbato ti santuario maibucbucda iti oloanan ti tunggal lansangan.

Dungdung-aw 5:1

Lagipem, O Jehova, no ania ti dimteng cadacami: adtoy, ket kitaem ti pacaumsianmi.

Oseas 2:14

Iti casta, adtoy, isu sulisogecto, ket yegconto iti let-ang, ket agsaoacto kencuana a sililiwliwa.

Sofonias 2:10

Daytoy addanto cadacuada a pagtangsitda, agsipud ta nangrabngisda ken intan-ocda dagiti bagbagida met laeng a maibusor iti ili ni Jehova dagiti buybuyot.

San Juan 11:19

Ket adu cadagiti Judio ti immay cada Marta ken ni Maria, tapno liuliwaenda ida maipoon ken ni cabsatda.

Deuteronomio 26:7

Ket immawagtayo ken Jehova a Dios dagiti ammatayo, ket ni Jehova dinengngegna ti timectayo, ket nakitana ti leddaangtayo, ken panagbannogtayo, ken pannacaparigattayo;

Deuteronomio 32:27

No coma no diac inamac ti pangargari ti cabusor, di la ket ta dagiti casupiatda di umisu ti panangipatoda coma, di la ket ta cunada coma, ti imami naitan-oc, ket ni Jehova saanna nga inaramid amin daytoy.

Deuteronomio 32:29

O no coma no masiribda, daytoy maawatanda coma, panpanunotenda coma ti maud-udi a banagda!

1 Pedro 4:17

Ta dimteng ti tiempo a ti panangocom mangrugi iti balay ti Dios: ket no mangrugi cadatayo anianto ti tungpal dagiti saan nga agtulnog iti evangelio ti Dios?

1 Samuel 1:11

Ket nagaramid iti cari, a kinunana, O Jehova dagiti buybuyot, no kitaem coma ti kinaay-ay-ay ti adipenmo a babai, ket lagipennac coma ken dica malipatan ti adipenmo a babai, no di ket mangtedca coma iti adipenmo a babai ti anac a lalaki, siac idatonconto ken Jehova cadagiti amin nga al-aldaw ti panagbiagna, ket dinto umuli ti pangiskis iti rabaw ti olona.