Dungdung-aw 1:8 - Ti Biblia (1973)

⁸ Ti Jerusalem nacabasol iti nacalcaldaang unay; gapuna a nagbalin a cas narugit; amin dagiti nangdaydayaw kencuana uyuyawenda, ta nakitadan ti kinalamolamona: wen, agsainnec, ket aglicuden.

Ti Baro a Naimbag a Damag Biblia

⁸ Napukawen ti dayawna, lamolamo ken lalaisenda. Agasug ket sibabain a mangilemmeng iti rupana. Tinulawanna ti bagina gaput' nadagsen a basolna.

Dungdung-aw 1:8 Iomraidhean Croise

Genesis 3:7

Ket dagiti matmatada a dua naluctanda, ket naammoanda a silalamolamoda; idin nagdaitda cadagiti bulong ti higos ket inaramidda a bidangda.

1 Ar-ari 9:6

Ngem no sumiasicayto iti isusurot kaniac, dacayo wenno dagiti annacyo, ket dicayo tungpalen dagiti bilbilinco ken dagiti ipapaalagadco nga incabilco iti sangoyo, no di ket incayonto ket agservicayo cadagiti sabali a didios, ket agrucbabcayo cadacuada;

1 Ar-ari 9:7

Iti casta siac ipusayconto ti Israel iti daga nga intedco cadacuada; ket daytoy a balay isu a sinantificarco a maipaay iti naganco, ibellengconto iti ruar ti imatangco; ket ti Israel agbalinto a maysa a proverbio ken maysa a barengbareng a balicas cadagiti amin a tattao.

1 Ar-ari 9:9

Ket sumungbatdanto, Agsipud ta binay-anda ni Jehova a Diosda, a nangaon cadagiti ammada iti daga ti Egipto, ket nangalada iti sabasabali a didios, ket nagrucbabanda ida, ken nagservianda ida: gapuna a ni Jehova inyegna cadacuada amin daytoy a dakes.

Isaias 47:3

Ti kinalamolamom malucasanto, ket ti ibainmo makitanto: bumalesacto, ket awanto ti iliclicco a tao.

Jeremias 13:22

Ket no cunaem dita pusom, Apay a dagitoy a banbanag dimtengda caniac? gapu iti kinadackel ti kinadakesmo nalucasan dagiti cainmo, ket dagiti mucodmo aglacamda iti ranggas.

Jeremias 13:26

Gapuna met a lucasacto dagiti cainmo iti sangoanan ti rupam, ket ti bainmo agparangto.

Jeremias 15:4

Ket paipalladawconto ida nga agallaalla cadagiti amin a pagarian iti daga, a gapu ken Manases, nga anac a lalaki ni Ezekias nga ari ti Juda, gapu iti inaramidna idiay Jerusalem.

Jeremias 24:9

Baybay-acto ida a maipalladaw nga agal-laal-la iti nagtengngaan dagiti amin a pagarian ti lubong a maipaay iti pagdacsan; tapno agbalin a maysa nga umsi ken maysa a proverbio, maysa a pagrabacan ken maysa a lunod, cadagiti amin a diso a pangipaturongacto cadacuada.

Jeremias 32:23

Ket simrecda, ket tinagicuada, ngem saanda a nagtulnog iti timecmo, ken dida met nagna iti lintegmo; awan ti inaramidda cadagiti amin nga imbilinmo cadacuada nga aramidenda: gapuna nga inaramidmo a mapasamac cadacuada amin daytoy a dakes.

Jeremias 34:17

Gapuna a castoy ti cuna ni Jehova: Dacayo saandac nga impangag a mangiwarragawag iti wayawaya, tunggal tao iti cabsatna, ken tunggal tao iti caarrubana: adtoy, iwarragawagco cadacayo ti wayawaya, cuna ni Jehova, nga agpaay iti campilan, iti angol, ken iti bisin; ket pagbalinencayto nga agal-laal-la cadagiti amin a pagarian ti lubong.

Jeremias 4:31

Ta nangngegco ti maysa a timec a cas maysa a babai nga agpasical, cas ti tuoc ti mangipasngay ti anacna nga inauna, ti timec ti anac a babai ti Sion, nga agngoyngoy-a, nga iyucradna dagiti im-imana, a cunana, Asiac pay ita! ta ti cararuac matalimudaw iti sangoanan dagiti mangpapatay.

Jeremias 6:28

Isuda amin nasukirda unay, agpasiarda a mamarpardaya; isuda dagiti suer ken landoc; isuda amin manangallilawda.

Dungdung-aw 1:11

Amin dagiti tattaona agsainnecda, agsapulda iti tinapay; intedda dagiti macaay-ayo a cucuada nga insucat iti taraon a mangpakired iti cararua: kitaem, O Jehova, ket adtoy; ta siac nagbalinac a nacacaasi.

Dungdung-aw 1:17

Ti Sion intag-ayna dagiti im-imana; awan ti mangliwliwa kencuana; ni Jehova nagbilin maipapan ken Jacob, a dagidiay adda iti licmutna isuda coma dagiti cabusorna; ti Jerusalem adda iti nagtengngaanda cas banag a narugit.

Dungdung-aw 2:10

Dagiti panglacayen ti anac a babai ti Sion agtugawda iti daga, agulimecda; nangicabilda iti tapuc iti rabaw dagiti ol-oloda; nagbarikesda iti lupot a nakersang; dagiti babbalasang ti Jerusalem itamedda dagiti ol-oloda iti daga.

Dungdung-aw 4:21

Agragsac ken agrag-oca, O anac a babai ti Edom nga agnaed iti daga ti Uz: ti copa dumtengto met kenca; mabarteccanto, ket aglamolamocanto.

Ezekiel 23:29

Ket agaramiddanto a sigugura kenca, ket alaendanto amin a nagbannogam, ket ibatidacanto a labus ken lamolamo; ket ti kinalamolamo ti kinabalangcantismo malucasanto, isuda a dua ti derrepmo ken ti kinabalangcantismo.

Ezekiel 23:46

Ta castoy ti cuna ni Apo Jehova: mangisang-atacto iti maysa a buyot a maibusor cadacuada, ket yawatconto ida iti pannacariribuc ken pannacaagaw.

Ezekiel 39:23

Ket dagiti nasnacion maammoandanto a ti balay ti Israel napan iti pannacacayaw gapu iti kinadakesda; gapu ta naglabsingda a maicaniwas caniac, ket inlingedco ti rupac cadacuada: gapuna nga intedco ida iti ima dagiti cacaniwasda, ket napasagda isuda amin iti campilan.

Oseas 2:10

Ket ita lucaisacto ti kinaderrepna iti imatang dagiti caayanayatna, ket awanto ti macaluc-at kencuana itoy imac.

Oseas 2:3

Di la ket ta no siac labusac a lamolamo, ket isaadco a cas iti casasaadna iti aldaw a pannacayanacna, a pagbalinec a casla maysa a langalang ket isaadco a casla maysa a daga a namaga, ket papatayec iti waw.

Paltiing 3:18

Ibalacadco kenca a gumatangca caniac iti balitoc a napasudi iti apuy, tapno bumacnangca coma; ken dagiti pagananay a puraw, tapno agcawesca, ket saan a maiparang ti nacababain a kinalamolamom; ken ti agas ti mata, tapno sapsapoam dagiti matam tapno macakitaca.

1 Samuel 2:30

Gapuna a ni Jehova a Dios ti Israel cunana, Pudno a kinunac a ti balaymo, ken ti balay ni amam, magnada coma nga agnanayon iti saclangco: ngem ni Jehova cunana, Adayu coma caniac; ta dagidiay a mangdayaw caniac dayawecto, ket dagidiay a manglais caniac maicascasodanto a silalaca unay.