Dungdung-aw 1:7 - Ti Biblia (1973)

⁷ Ti Jerusalem malagipna bayat dagiti al-aldaw ti panagtutooc ken panagladingitna dagiti amin a macaayayo a cucuana nga adda manipud idi ugma; idi dagiti tattaona natnagda iti ima ti cabusor, ket awan ti nangbadang kencuana, dagiti cabusor nakitada, ket nagang-angawanda dagiti pannacaparigatna.

Ti Baro a Naimbag a Damag Biblia

⁷ Nadadaelen ti Jerusalem ket itan agmaymaysa. Malagipna ti napukaw a kinapintasna. Idi parmeken dagiti kabusor, awan timmulong kenkuana. Kinatkatawaan dagiti kabusor ti pannakatnagna.

Dungdung-aw 1:7 Iomraidhean Croise

Ti Libro ni Job 29:2

O sapay coma ta caslaac la cadagidi bulbulan idi unana, cas cadagiti al-aldaw idi a ti Dios binantayannac;

Dagiti Salmo 42:4

Dagitoy a banbanag malagipco, ket maibuyat toy cararwac itoy unegco, no casano daydi ipapanco agraman sangabunggoyan, ket intulodco ida iti balay ti Dios, agraman timec ti ragsac ken panangidaydayaw, umariwecwec a ramrambacanda ti aldaw a nasantoan.

Dagiti Salmo 77:3

Lagipec ti Dios, ket maculcolanac: agasugac, ket ti espirituc maimameg, (Selah)

Dagiti Salmo 79:4

Nagbalincami a maumumsi cadagiti carcarrubami, ababien ken catcatawaan dagiti aglawlaw cadacami.

Isaias 64:10

Dagiti nasantoan nga il-ilim nagbalinda a letlet-ang, ti Sion nagbalin a let-ang, ti Jerusalem maysa a langalang.

Isaias 64:11

Ti nasantoan ken naimnas a balaymi, isu nga dagidi ammami nangdaydayawanda kenca, napuuran iti apuy; ket amin a nacaay-ayo a dissomi narnarbada.

Jeremias 37:7

Castoy ti cuna ni Jehova, a Dios ti Israel, Castoy ti cunayo iti ari ti Juda, a nangibaon cadacayo tapno umumancayo caniac: Adtoy, ti buyot ni Faraon, isu a rumuaren a tumulong cadacayo, agsublinto sadi Egipto iti dagada met laeng.

Jeremias 48:27

Ta saan aya a ti Israel ti nacaipuonan ti panagcatawam? isu nasaracan aya iti natengngaan dagiti mannanacaw? ta tunggal panagsaom a maipapan kencuana, iwingiwingmo ta olom.

Dungdung-aw 4:17

Dagiti matami mapacapuyanda pay laeng iti panangimatang iti awan capapayanna a tulong: iti panagpadaanmi nacauraycami iti maysa a nacion a di macaisalacan.

Ezekiel 25:3

Ket cunaem cadagiti annac ti Ammon, Denggenyo ti sao ni Apo Jehova: Castoy ti cuna ni Apo Jehova, Agsipud ta kinunam, Aha, a maibusor iti santuarioc, idi natabbaawan; ken maicaniwas iti daga ti Israel; idi nalangalang; ken maibusor iti balay ti Juda, idi napanda iti pannacacayaw:

Ezekiel 25:6

Ta castoy ti cuna ni Apo Jehova: Agsipud ta pinagsinnipatmo dagiti im-imam, ken intabbugam dagiti sacsacam, ken nagragsacca iti amin a gura ti cararuam a maibusor iti daga ti Israel;

Oseas 2:7

Ket surotennanto dagiti caayanayatna, ngem saannanto a macamacamen ida; sapulennanto ida, ngem saannanton ida a mabirucan: iti casta cunananto, Innac ket agsubliacto idi immuna nga asawac; ta naimimbagac idi ngem ita.

Mikias 4:11

Ket ita adu a nacion nagtitiponda a bumusor kenca, nga agcuna, Isu matulawan coma, ket ti matatayo makitana coma ti tarigagaytayo iti Sion.

San Lucas 15:17

Ngem idi a nagpanunot, kinunana: Nagadu dagiti mangmangged idiay balay ni amac nga agsobsobraanda iti taraon ket siac addaac ditoy a matmatay iti bisin!

San Lucas 16:25

Ngem kinuna kencuana ni Abraham: Anac, laglagipem nga inawatmon dagiti nam-aymo idi panagbiagmo, ket ni Lazaro casta met inawatna dagiti rigat; ngem ita isu malioliwa ditoy, ket sica matutuocca.