Dungdung-aw 1:5 - Ti Biblia (1973)

⁵ Dagiti casuppiatna nagbalinda nga pangoloenna, dagiti cabusorna rumangayda; ta ni Jehova isu pinagladingitna gapu iti caadu dagiti salungasingna: dagiti ububbing nga annacna naipanda iti pannacacayaw iti sangoanan ti cabusor.

Ti Baro a Naimbag a Damag Biblia

⁵ Nagballigi dagiti kabusorna, Adda ti Jerusalem iti pannakabalinda. Pinagsagaba ni Yahweh gapu kadagiti adu a basolna. Uray dagiti annakna natiliwda ket naipanawda.

Dungdung-aw 1:5 Iomraidhean Croise

2 Ar-ari 21:15

Agsipud ta inaramidda daydi a dakes iti imatangco, ket ginargaridac nga agpungtot, nanipud idi aldaw a dagidi ammada rimmuarda sadi Egipto inggana ita nga aldaw.

Dagiti Salmo 80:6

Sica pakirupirennacami cadagiti caarsubami; ket dagiti cabusormi agkikinnatawada.

Dagiti Salmo 89:42

Intag-aymo ti macanawan nga ima dagiti casupadina; pinagragsacmo amin dagiti cabusorna,

Isaias 22:5

Ta isu ti maysa nga aldaw ti pannacariribuc, ken ti pannacaibaddebaddec, ken ti panagal-la-al-la, nga aggapu iti Apo, a ni Jehova dagiti buybuyot, iti tanap ti sirmata; maysa a pannacarba dagiti bacud, ken maysa a panagickis cadagiti banbantay.

Isaias 63:18

Ti nasantoan nga ilim isu tinagicuana iti bassit a pannawen: dagiti cabusormi pinayatpayatda ti santuariom.

Jeremias 10:20

Ti toldac nadadael, ket amin dagiti singdanco napugsatda: dagiti annacco pinanawandac, ket awandan: awanen ti mangyucrad iti toldac, ken mangicabil cadagiti bengbengco.

Jeremias 12:7

Pinanawac ti balayco, imbellengco ti tawidco; intedco dagiti ay-ayaten unay ti cararuac iti ima dagiti cabusorna.

Jeremias 23:14

Cadagiti mammadto ti Jerusalem nacakitaac met iti nacaalalinggec a banag: isuda makicamalalada, ket magnada cadagiti tiri; ket papigsaenda dagiti im-ima dagiti agaramid ti dakes, ta tapno awan ti agsubli manipud iti kinadakesna: isuda amin agbalinda caniac a cas iti Sodoma, ket dagiti agnaed kencuana cas iti Gomorra.

Jeremias 39:9

Idin ni Nabuzaradan a capitan ti guardia, impanna a nacayawan sadi Babilonia ti natda cadagiti tattao a nabati iti ili, dagiti met naglicud a napan kencuana, ken ti natda cadagiti tattao a nabati.

Jeremias 5:29

Saanacto aya a sumaruncar gapu cadagitoy a banbanag? cuna ni Jehova; saanto aya a maibalesan ti cararuac iti maysa a nacion a cas itoy?

Dungdung-aw 1:16

Gapu cadagitoy a banbanag agsangitac; ti matac, ti matac agarubos iti danum; gapu ta ti mangliwliwa a mangpapigsa coma iti cararuac adayu caniac; dagiti annacco walangwalangda, agsipud ta ti cabusor nangabac.

Dungdung-aw 1:18

Ni Jehova nalinteg; ta siac sinalungasingco ti bilinna: denggenyo, dawatec cadacayo, dacayo amin a tattao, ket kitaenyo ti ladingitco: dagiti babbalasangco ken babbaroc macayawanda.

Dungdung-aw 1:8

Ti Jerusalem nacabasol iti nacalcaldaang unay; gapuna a nagbalin a cas narugit; amin dagiti nangdaydayaw kencuana uyuyawenda, ta nakitadan ti kinalamolamona: wen, agsainnec, ket aglicuden.

Dungdung-aw 2:17

Ni Jehova inaramidna daydiay pinanggepna; tinungpalna ti saona nga imbilinna idi ugma; intappuacna, ket saanna a kinaasian: ket pinaragsacna ti cabusor gapu kenca; intan-ocna ti sara dagiti cumaniwas kenca.

Dungdung-aw 3:46

Amin dagiti cabusormi nginangada unay ti ngiwatda a maibusor cadacami.

Ezekiel 9:10

Ket no maipapan met caniac, ti matac saanto a mangisakit, ket diacto met mangaasi, ngem iyegconto ti dalanda iti rabaw dagiti ol-oloda.

Ezekiel 9:9

Idin kinunana caniac, Iti kinadakes ti balay ti Israel ken ti Juda napalalo unay, ket ti daga napno iti dara, ket ti ili napno iti panangkillo iti panangocom: ta cunada, ni Jehova binaybay-anna ti daga, ket ni Jehova saan a macakita.

Deuteronomio 31:29

Ta ammoc a calpasan ti ipapatayco, agdakescayto a matalipupus, ket sumiasicayto ti dalan nga imbilinco cadacayo; ket ti dakes maaramidto cadacayo iti maud-udi nga aldaw gapu ta dacayo aramidenyonto ti dakes iti imatang ni Jehova, a panggargari kencuana tapno agpungtot gapu iti gapuanan dagiti im-imayo.