Dungdung-aw 1:4 - Ti Biblia (1973)

⁴ Dagiti daldalan ti Sion agpanesda, gapu ta awan ti umay iti gimongda a nangayed; amin dagiti ruanganna nabaybayan, dagiti papadina agsainnecda: dagiti virgenna matutoocda iti ladingit, ket isu met laeng adda iti kinapait.

Ti Baro a Naimbag a Damag Biblia

⁴ No dumteng dagiti nasantoan nga aldaw, Awanen ti umay iti Templo nga agdaydayaw. Agsagsagaba dagiti babbai a para-kanta sadiay, Awanen ti maaramid dagiti papadi no di agsennaay. Kadagiti ruangan ti siudad awanen tattao. Ket agsagsagaba ti Sion iti napalalo.

Dungdung-aw 1:4 Iomraidhean Croise

Isaias 3:26

Ket ti ruanganna agladingitto ken agpanes; ket isu mapanawanto ken agtugawto iti daga.

Jeremias 10:22

Ti timec ti damdamag, adtoy, nga umay, ket maysa a dackel a riribuc nga aggapu iti makinamianan a daga, tapno pagbalinenna dagiti il-ili ti Juda a langalang, rukib dagiti aso ti let-ang.

Jeremias 14:2

Ti Juda agladingit, ket dagiti ruanganna agcapuyda, agtugawda a sipapanes iti daga, ket ti riaw ti Jerusalem pimmigsa.

Jeremias 9:11

Ket pagbalinecto ti Jerusalem a gabgabsuon, gucayab dagiti aso ti let-ang; ket pagbalinecto dagiti il-ili ti Juda a langalang, nga awan ti agnaed.

Dungdung-aw 1:21

Nangngegda nga agsasainnecac; awan ti mangliwliwa caniac; amin dagiti cabusorco nangngegda ti riribucco; agragsacda gapu ta inaramidmo: sica yegmonto ti aldaw nga inwayangmo, ket isuda mayaspingdanto caniac.

Dungdung-aw 5:13

Dagiti agtutubo a lallaki baclayenda ti gilingan; ket dagiti ububbing maitibcolda iti baba ti pagsungrod.

Dungdung-aw 5:14

Dagiti panglacayen binay-bayanda ti ruangan, dagiti agtutubo iti panagtocarda.

Oseas 2:13

Ket sarungcaracto kencuana dagidi al-aldaw dagiti Baales, a cadacuada pinuuranna ti incienso, idi inarcosanna ti bagina met laeng cadagiti aritosna, ken cadagiti alajasna, ket sinurotna dagiti caayanayatna, ket linipatannac, cuna ni Jehova.

Levitico 26:22

Ket ibaonconto iti nagtenggaanyo dagiti an-animal a narungsot iti tay-ac a mangtacaw cadacayo cadagiti annacyo, ken mangdadael cadagiti an-animalyo, ken mangpabassitto iti bilangyo; ket dagiti dalanyo agbalindanto a langalang.

Mikias 3:12

Gapuna, maipuon cadacayo ti Sion maaradonto a cas talon, ket ti Jerusalem agbalinto a bonbonton, ket ti bantay ti balay a cas cadagiti nangato a disso ti cabakiran.