Dungdung-aw 1:21 - Ti Biblia (1973)

²¹ Nangngegda nga agsasainnecac; awan ti mangliwliwa caniac; amin dagiti cabusorco nangngegda ti riribucco; agragsacda gapu ta inaramidmo: sica yegmonto ti aldaw nga inwayangmo, ket isuda mayaspingdanto caniac.

Ti Baro a Naimbag a Damag Biblia

²¹ “Denggem dagiti asugko, awan mangliwliwa kaniak. Maragsakan dagiti kabusorko gapu iti indissuormo a didigra. Yegmo ti aldaw nga inkarim; pagsagabaem dagiti kabusorko a kas iti bukodko a panagsagaba.

Dungdung-aw 1:21 Iomraidhean Croise

Dagiti Salmo 35:15

Ngem iti pannacaparigatco nagragragsacda, ket nagtitiponda: dagiti nagulib naguornongda a sibubusor caniac, ket saanco a naammoan; pinisangpisangdac, ket dida sinardayan:

Dagiti Salmo 37:13

Ti Apo catawaannanto; ta makitana a ti aldawna dumtengen.

Dagiti Salmo 38:16

Ta kinunac, Di la ket maminano ta pagragsacandac: no agcaglis ti sacac, isuda pagindadackelandac.

Isaias 14:5

Ni Jehova binungtolna ti sarucod ti managdacdakes, ti cetro dagiti agturturay;

Isaias 14:6

A kinabilda iti pungtotda dagiti umili iti cancanayon a pang-or nga inturayanda dagiti nasnacion iti unget, a binuyogan ti panangidadanes nga awan ti nanglapped.

Jeremias 30:16

Gapuna nga amin dagidiay mangalun-un kenca, maalun-undanto; ket amin dagiti sumuppiat kenca, tunggal maysa cadacuada mapandanto iti pannacacayaw; ket dagidiay mangdadaelto kenca, madadaeldanto, ket amin a mangsamsamto kenca ipaayconto ida iti pannacasamsam.

Jeremias 48:27

Ta saan aya a ti Israel ti nacaipuonan ti panagcatawam? isu nasaracan aya iti natengngaan dagiti mannanacaw? ta tunggal panagsaom a maipapan kencuana, iwingiwingmo ta olom.

Jeremias 50:11

Gapu ta naragsaccayo gapu ta agrac-ocayo, O dacayo nga agsamsam iti tawidco, gapu ta naliwaycayo a cas maysa nga urbon ti vaca nga agregnas ti trigo, ket aggaraigicayo a cas cadagiti napigsa a cabayo;

Jeremias 50:15

Agdir-icayo a maibusor kencuana nga aglicmut; isu tumuloken; dagiti sarikedkedna matuangen dagiti bacudna marpuugdan, ta isu ti pangbales ni Jehova: agibalescayo kencuana; cas ti inaramidna, casta ti daramidenyo kencuana.

Jeremias 50:29

Paurnongyo dagiti pumapana a maibusor iti Babilonia, dagiti amin a mangbiat ti ba-i; agpacarsocayo a maibusor kencuana nga aglicmut; awan coma ti macatalaw; isu supapacanyo a mayalubog ti aramidna; cas mayannurot iti isu-amin nga inaramidna, aramidenyo kencuana, ta isu natangsit idi a maibusor ken Jehova, a maibusor iti Santo ti Israel.

Jeremias 50:31

Adtoy, maibusorac kenca, O sica a natangsit, cuna ti Apo, ni Jehova dagiti buybuyot; ta ti aldawmo addan, ti pannawen ti isusucnalco kenca.

Jeremias 51:24

Ket isupapacconto iti Babilonia ken cadagiti agnaed idiay Caldea ti amin a kinadakesda nga inaramidda iti Sion iti imatangyo, cuna ni Jehova.

Jeremias 51:49

Cas ti Babilonia impasagna dagiti napapatay ti Israel, casta met laeng mapasagto idiay Babilonia dagiti napapatay iti amin a daga.

Dungdung-aw 1:16

Gapu cadagitoy a banbanag agsangitac; ti matac, ti matac agarubos iti danum; gapu ta ti mangliwliwa a mangpapigsa coma iti cararuac adayu caniac; dagiti annacco walangwalangda, agsipud ta ti cabusor nangabac.

Dungdung-aw 1:2

Isu agsangit iti napait iti rabii ket dagiti luluana addada cadagiti pingpingna; cadagiti amin a caayanayatna awan ti mangliwliwa kencuana; amin dagiti gagayyemna nagaramidda kencuana a sigugulib; nagbalinda a cabusorna.

Dungdung-aw 1:22

Amin ti kinadakesda maisangoda coma kenca; ket aramidem cadacuada, cas inaramidmo caniac maipuon cadagiti amin a panangsalungasingco: ta dagiti sasainnecco aduda, ket toy pusoc nacapuy.

Dungdung-aw 1:4

Dagiti daldalan ti Sion agpanesda, gapu ta awan ti umay iti gimongda a nangayed; amin dagiti ruanganna nabaybayan, dagiti papadina agsainnecda: dagiti virgenna matutoocda iti ladingit, ket isu met laeng adda iti kinapait.

Dungdung-aw 1:8

Ti Jerusalem nacabasol iti nacalcaldaang unay; gapuna a nagbalin a cas narugit; amin dagiti nangdaydayaw kencuana uyuyawenda, ta nakitadan ti kinalamolamona: wen, agsainnec, ket aglicuden.

Dungdung-aw 2:15

Amin dagiti lumabas pagsipatenda dagiti imimada kenca; agsanamticda ken iwingiwingda dagiti ol-oloda iti anac a babai ti Jerusalem, a cunada, isu daytoy aya ti ili a ninagan dagiti tattao, Ti awan pagcuranganna a pintas, Ti ragsac ti sangalubongan?

Dungdung-aw 2:16

Amin dagiti cabusormo inngangada unay ti ngiwatda a maibusor kenca; agsanamticda ken pagngaretngetenda dagiti ngipenda; cunada, isu inalimonmi; pudno unay daytoy ti aldaw a binirbirucmi; nasaracanmin, nakitamin.

Ezekiel 26:2

Anac ti tao, agsipud ta ti Tiro kinunana a maicaniwas iti Jerusalem, Aha, maburac dayta a ruangan idi dagiti il-ili; isu nagsubli caniac, siac mapnoacto manen, ita ta isu nalangalang:

Joel 3:14

Umariwecwec, umariwecwec a tattao idiay lobong a pangocoman! ta asidegen ti aldaw ni Jehova idiay lobong ti pangocoman.

Paltiing 18:6

Supapacanyo a cas ti impaayna met; ket paminduaenyo ti mamindua, kencuana, cas mainugot cadagiti ar-aramidna; iti copa a nangilaocanna, ilaocanyo iti mamindua a maipaay kencuana.