Dungdung-aw 1:2 - Ti Biblia (1973)

² Isu agsangit iti napait iti rabii ket dagiti luluana addada cadagiti pingpingna; cadagiti amin a caayanayatna awan ti mangliwliwa kencuana; amin dagiti gagayyemna nagaramidda kencuana a sigugulib; nagbalinda a cabusorna.

Ti Baro a Naimbag a Damag Biblia

² Agpatpatnag nga agsangsangit, agar-arubos dagiti luana. Kadagiti nangay-ayat kenkuana, awanen natda a mangliwliwa. Liniputan dagiti gagayyemna, nagbalinda amin a kabusorna.

Dungdung-aw 1:2 Iomraidhean Croise

Ti Libro ni Job 6:15

Dagiti cacabsatco nagaramidda a siaallilaw a cas maysa a waig, cas iti pagayusan dagiti wawaig nga aglabas;

Ti Libro ni Job 7:3

Iti casta maaramidac a mangsalimetmet cadagiti bulan ti kinaay-ay ay, ket dagiti rabii a macabannog matudinganda a maipaay caniac.

Dagiti Salmo 126:5

Dagiti agmula cadagiti lulua agapitdanto iti ragsac.

Dagiti Salmo 31:11

Gapu cadagiti casupadic agbalinacon a pacaumsian, wen, cadagiti caarrubac iti nangnangrona, ken maysa a pagbutngan iti amammoc: dagiti nacakita caniac iti ruar intarayandac.

Dagiti Salmo 6:6

Siac nabannogac gapu iti panagsasaibbecco; amin a rabii paglangoyac ti iddac; sibogac ti catrec cadagiti luluac.

Dagiti Salmo 69:21

Iniccandac met ti apro a maipaay a taraonco; ket iti pannacawawco pinainumdac iti suca.

Dagiti Proverbio 19:7

Amin dagiti cacabsat ti napanglaw gumurada kencuana: adadda pay nga umadayu dagiti gagayyemna kencuana! Agsasao a surutenna ida ngem awandan.

Jeremias 13:17

Ngem no isu dicay denggen, ti cararuac agsangitto a sililimed gapu iti kinatangsityo; ket ti matac agsangitto iti nasaem, ken pagayusanto dagiti lulua, ta ti pangen ni Jehova nacayawan.

Jeremias 2:25

Igagam ta sacam iti pannagnana nga awan zapatosna, ken dayta carabucobmo iti waw. Ngem kinunam, Awan capapayanna; saan, ta inayatco dagiti gangannaet ket surotecto ida.

Jeremias 3:1

Cuncunada, No ti maysa a lalaki pagtalawenna ni asawana, ket isu sumina kencuana, ket agbalin nga asawa ti sabali a lalaki, isu pasubliennanto aya manen kencuana? saan aya a dayta a daga matulawanto ti dackel? Ngem sica nagbalangcantisca iti adu a caayanayat; nupay casta agsublica manen caniac, cuna ni Jehova.

Jeremias 30:14

Amin dagiti caayanayatmo linipatandacan; isuda saandaca a sapsapulenen; ta siac sinugatca iti pangsugat ti cabusor, babaen ti panangdusa ti naranggas a tao, gapu iti kinaruay ti kinadangkesmo, ta dagiti basbasolmo immadudan.

Jeremias 4:30

Ket sica, no mapaglangalangca, ania ti aramidemto? Uray, no agcawesca iti escarlata, uray pay agarcosca cadagiti binalitocan, uray pay padackelem dagiti matam iti pinta, awan capapayan ti panangpapintasmo ita bagim met laeng; dagiti caayanayatmo uyawendaca, isuda camatenda ti biagmo.

Jeremias 9:1

O no ti oloc dandanum coma, ket dagiti matac ubbog ti lulua, tapno mabalinco coma ti agsangit iti aldaw ken rabii gapu iti pannacapapatay ti anac a babai ti ilic.

Dungdung-aw 1:19

Inawagac dagiti caayanayatco, ngem inallilawdac: dagiti papadic ken dagiti panglacayec simmina dagiti cararuada iti uneg ti ili, bayat ti panagbirucda iti taraon a mangpapigsa cadacuada.

Dungdung-aw 1:21

Nangngegda nga agsasainnecac; awan ti mangliwliwa caniac; amin dagiti cabusorco nangngegda ti riribucco; agragsacda gapu ta inaramidmo: sica yegmonto ti aldaw nga inwayangmo, ket isuda mayaspingdanto caniac.

Dungdung-aw 1:9

Ti kinarugitna adda idi cadagiti cainna; isu saanna a nalagip ti maududi a casasaadna; iti casta immulog a nacascasdaaw, awan ti mangliwliwa kencuana: kitaem, O Jehova, ti tuocco; ta ti cabusor pinadackelna ti bagina met laeng.

Dungdung-aw 2:11

Dagiti matac agcapuyda gapu cadagiti lulua, ti pusoc mariribuc; ti dalemco maibelleng iti daga, gapu iti pannacadadael ti anac a babai ti ilic, ta dagiti ububbing a babassit ken dagiti agsuso matalimudawda cadagiti lansangan ti ili.

Ezekiel 16:37

Iti casta, adtoy, siac ummongec amin dagiti caayanayatmo a nacaalaam ti ragragsac, ket amin a nagayatam, agraman amin dagiti kinaguram; ket tiponecto ida iti maicaniwas kenca iti amin a licmut, ket lucaisacto ti kinalamolamom cadacuada, tapno makitada ti amin a kinalamolamom.

Oseas 2:7

Ket surotennanto dagiti caayanayatna, ngem saannanto a macamacamen ida; sapulennanto ida, ngem saannanton ida a mabirucan: iti casta cunananto, Innac ket agsubliacto idi immuna nga asawac; ta naimimbagac idi ngem ita.

Mikias 7:5

Saancayo nga agtalec iti carruba; dicayo icabil ti talecyo iti gayyem; annadam dagiti ruangan ti ngiwatmo iti daydiay agidda iti saclotmo.

Paltiing 17:13

Dagitoy sangsangcanakemda, ket itedda ti pannacabalinda ken ti turayda idiay animal.

Paltiing 17:16

Ket dagiti sangapulo a sara a nakitam ken ti animal, guraendanto ti balangcantis, ket pagwalangwalangendanto a lamolamo, ket sidaendanto ti lasagna, ket ipuurandanto iti apuy;