Dungdung-aw 1:17 - Ti Biblia (1973)

¹⁷ Ti Sion intag-ayna dagiti im-imana; awan ti mangliwliwa kencuana; ni Jehova nagbilin maipapan ken Jacob, a dagidiay adda iti licmutna isuda coma dagiti cabusorna; ti Jerusalem adda iti nagtengngaanda cas banag a narugit.

Ti Baro a Naimbag a Damag Biblia

¹⁷ “Nagpatulongak ngem awan ti tumulong kaniak. Nangayab ti Apo kadagiti kabusor tapno lawlawendak. Narugit a nisnis ti nangibilanganda kaniak.

Dungdung-aw 1:17 Iomraidhean Croise

Jeremias 4:31

Ta nangngegco ti maysa a timec a cas maysa a babai nga agpasical, cas ti tuoc ti mangipasngay ti anacna nga inauna, ti timec ti anac a babai ti Sion, nga agngoyngoy-a, nga iyucradna dagiti im-imana, a cunana, Asiac pay ita! ta ti cararuac matalimudaw iti sangoanan dagiti mangpapatay.

Isaias 1:15

Ket intono itayagyo dagiti im-imayo, ilingedconto dagiti matac cadacayo; wen, intono agaramidcayo cadagiti adu a lualo, diacto ipangag: dagiti im-imayo napnoda iti dara.

Dungdung-aw 1:9

Ti kinarugitna adda idi cadagiti cainna; isu saanna a nalagip ti maududi a casasaadna; iti casta immulog a nacascasdaaw, awan ti mangliwliwa kencuana: kitaem, O Jehova, ti tuocco; ta ti cabusor pinadackelna ti bagina met laeng.

Dungdung-aw 1:19

Inawagac dagiti caayanayatco, ngem inallilawdac: dagiti papadic ken dagiti panglacayec simmina dagiti cararuada iti uneg ti ili, bayat ti panagbirucda iti taraon a mangpapigsa cadacuada.

Dungdung-aw 1:16

Gapu cadagitoy a banbanag agsangitac; ti matac, ti matac agarubos iti danum; gapu ta ti mangliwliwa a mangpapigsa coma iti cararuac adayu caniac; dagiti annacco walangwalangda, agsipud ta ti cabusor nangabac.

2 Ar-ari 25:1

Ket naaramid idi iti maicasiam a tawen ti panagarina, idi bulan a maicasangapulo, iti maicasangapulo nga aldaw ti bulan, a ni Nabucodonozor nga ari ti Babilonia immay agraman amin a buyotna a maibusor iti Jerusalem, ket nagpacarsoda a maibusor kencuana; ket namangonda a maibusor kencuana cadagiti sarsarikedked nga agliclicmut.

Oseas 8:8

Maalun-un ti Israel; ita addada cadagiti nasnacion a cas maysa nga alicamen a saan a macaay-ayo iti siasinoman.

Ezekiel 36:17

Anac ti tao, idi a ti balay ti Israel nagnaed iti bucodda a daga, isu tulawanda gapu iti dalanda ken babaen cadagiti gapuananda: ti dalanda iti sangoanac cas ti kinarugit ti maysa a babai iti panagcadawyanna.

Dungdung-aw 4:15

Umadayucayo, impuccawda cadacuada, Narugit! umadayucayo, pumanawcayo, dicayo calbiten! Idi pimmanawda ken nagalla-allada, dagiti tattao cadagiti nasnacion, kinunada, Isuda saandanton nga agdagus ditoy.

Dungdung-aw 1:21

Nangngegda nga agsasainnecac; awan ti mangliwliwa caniac; amin dagiti cabusorco nangngegda ti riribucco; agragsacda gapu ta inaramidmo: sica yegmonto ti aldaw nga inwayangmo, ket isuda mayaspingdanto caniac.

Dungdung-aw 1:2

Isu agsangit iti napait iti rabii ket dagiti luluana addada cadagiti pingpingna; cadagiti amin a caayanayatna awan ti mangliwliwa kencuana; amin dagiti gagayyemna nagaramidda kencuana a sigugulib; nagbalinda a cabusorna.

Jeremias 34:22

Adtoy, agbilinacto, cuna ni Jehova, ket pasubliecto ida iti daytoy nga ili; ket gumubatdanto a maibusor kencuana, ket isu alaendanto, ket puurandanto iti apuy: ket pagbalinecto dagiti il-ili ti Juda a langalang, nga awan ti matagtagitao.

Jeremias 16:6

Ti dackel ken castamet ti bassit agpadpada mataydanto ditoy a daga, saandanto a maiponpon, ket dagiti tattao didanto met agunnoy gapu cadacuada wenno sugatenda met laeng, dagiti bagbagida wenno kiskisan ti oloda gapu cadacuada;

Jeremias 6:3

Dagiti pastor agraman dagiti arbanda umaydanto kencuana; ipatacderdanto dagiti toldada a maibusor kencuana iti aglicmut; agpaarabdanto tunggal maysa iti dissona.

1 Ar-ari 8:38

Uray ania a cararag ken aniaman a panagkiddaw nga aramiden ti siasinoman a tao, wenno ti amin nga ilim nga Israel, no ammoento ti tunggal tao ti pannaplit ti pusona met laeng, ket yunnatna dagiti imana a sumango iti daytoy a balay:

1 Ar-ari 8:22

Ket ni Salomon nagtacder iti sango ti altar ni Jehova iti sangoanan ti amin a gimong ti Israel, ket inyunnatna dagiti imana sadi langit;

Jeremias 8:18

O no maliwliwac coma ti bagic a maicaniwas iti leddaang! ti pusoc nalpay iti unegco.

Jeremias 12:9

Ti tawidco isu caniac aya ti cas maysa a tumatayab a turicturican a managsamsam? dagiti tumatayab a managsamsam bumusorda aya kencuana iti aglicmut? incayo tiptiponenyo amin dagiti an-animal ti away iyegyo ida tapno aglamutda.

Dungdung-aw 1:8

Ti Jerusalem nacabasol iti nacalcaldaang unay; gapuna a nagbalin a cas narugit; amin dagiti nangdaydayaw kencuana uyuyawenda, ta nakitadan ti kinalamolamona: wen, agsainnec, ket aglicuden.

Eclesiastes 4:1

Idin nagbawingac ket nakitac amin a pammarigat a maaramid iti baba ti init; ket adtoy, dagiti lulua dagiti naparigat, ket isuda awananda iti mangliwliwa; ket iti biang dagiti mangparparigat cadacuada adda idi pannacabalin; ngem awan ti mangliwliwa cadacuada.

Isaias 54:11

O sica a napagsagaba, a pinarigat ti bagio, ket saan a naliwliwa, adtoy isaadconto dagiti batbatom iti nasayaat a colcolor, ken icabilconto a pamuonmo dagiti zafiros.

Jeremias 15:5

Ta siasinonto ti adda asina kenca, O Jerusalem? wenno siasinonto ti agladingit gapu kenca? wenno siasinonto ti dumagas a mangdamag iti casasaadmo?