Dungdung-aw 1:16 - Ti Biblia (1973)

¹⁶ Gapu cadagitoy a banbanag agsangitac; ti matac, ti matac agarubos iti danum; gapu ta ti mangliwliwa a mangpapigsa coma iti cararuac adayu caniac; dagiti annacco walangwalangda, agsipud ta ti cabusor nangabac.

Ti Baro a Naimbag a Damag Biblia

¹⁶ “Isut' gapuna nga agar-arubos dagiti luluak. Awan makaliwliwa ken makaparegta kaniak. Pinarmeknakami ti kabusor; awanen natda a sanikua dagiti tattaok.

Dungdung-aw 1:16 Iomraidhean Croise

Dagiti Salmo 106:42

Dagiti cabusorda pinarparigatda met ida, ket nagyanda a naparucma iti babaen ti imada.

Dagiti Salmo 119:136

Burayoc ti danum agayusda cadagitoy matac, gapu ta dida annuroten ti lintegmo. TSADHE

Dagiti Salmo 69:20

Ti umsi binuracna toy pusoc; ket ita sipupunnoac cadagiti dadagsen: ket nagmatamataac iti siasinoman a mangngaasi caniac, ngem awan; ken cadagiti mangliwliwa, ngem awan nasaracac.

Eclesiastes 4:1

Idin nagbawingac ket nakitac amin a pammarigat a maaramid iti baba ti init; ket adtoy, dagiti lulua dagiti naparigat, ket isuda awananda iti mangliwliwa; ket iti biang dagiti mangparparigat cadacuada adda idi pannacabalin; ngem awan ti mangliwliwa cadacuada.

Isaias 54:11

O sica a napagsagaba, a pinarigat ti bagio, ket saan a naliwliwa, adtoy isaadconto dagiti batbatom iti nasayaat a colcolor, ken icabilconto a pamuonmo dagiti zafiros.

Jeremias 13:17

Ngem no isu dicay denggen, ti cararuac agsangitto a sililimed gapu iti kinatangsityo; ket ti matac agsangitto iti nasaem, ken pagayusanto dagiti lulua, ta ti pangen ni Jehova nacayawan.

Jeremias 14:17

Ket cunaemto daytoy a sao cadacuada, Dagiti matac pagayusan coma ti lulua iti rabii ken aldaw, ket saanda coma nga agsardeng; ta ti virgen nga anac ti ilic nadadael iti dackel a gutbaw, iti maysa a nasaem unay a sugat.

Jeremias 15:5

Ta siasinonto ti adda asina kenca, O Jerusalem? wenno siasinonto ti agladingit gapu kenca? wenno siasinonto ti dumagas a mangdamag iti casasaadmo?

Jeremias 8:18

O no maliwliwac coma ti bagic a maicaniwas iti leddaang! ti pusoc nalpay iti unegco.

Jeremias 9:1

O no ti oloc dandanum coma, ket dagiti matac ubbog ti lulua, tapno mabalinco coma ti agsangit iti aldaw ken rabii gapu iti pannacapapatay ti anac a babai ti ilic.

Jeremias 9:10

Maipanggep cadagiti banbantay ipapasconto ti agsangit ken agasug, ket maipanggep cadagiti pagaraban iti let-ang maysa a panagunnoy, agsipud ta nauramda, iti casta awan ti lumasat; ket saan met a mangngegan dagiti tattao ti uni dagiti vaca; dagiti tumatayab ti langit ken dagiti animal nagtalawanda, awandan.

Jeremias 9:21

Ta ti patay sumagpat cadagiti tawatayo, sumrec cadagiti palaciotayo; tapno dadaelenna dagiti annac manipud iti ruar, ket dagiti agtutubo a lallaki manipud cadagiti lanlansangan.

Dungdung-aw 1:2

Isu agsangit iti napait iti rabii ket dagiti luluana addada cadagiti pingpingna; cadagiti amin a caayanayatna awan ti mangliwliwa kencuana; amin dagiti gagayyemna nagaramidda kencuana a sigugulib; nagbalinda a cabusorna.

Dungdung-aw 1:9

Ti kinarugitna adda idi cadagiti cainna; isu saanna a nalagip ti maududi a casasaadna; iti casta immulog a nacascasdaaw, awan ti mangliwliwa kencuana: kitaem, O Jehova, ti tuocco; ta ti cabusor pinadackelna ti bagina met laeng.

Dungdung-aw 2:11

Dagiti matac agcapuyda gapu cadagiti lulua, ti pusoc mariribuc; ti dalemco maibelleng iti daga, gapu iti pannacadadael ti anac a babai ti ilic, ta dagiti ububbing a babassit ken dagiti agsuso matalimudawda cadagiti lansangan ti ili.

Dungdung-aw 2:18

Ti pusoda nagpuccawda iti Apo: O bacud ti anac a babai ti Sion, pagayusem coma dagiti lulua a cas carayan iti aldaw ken rabii; dica agsardeng; dica ipalubos ti tao-tao ti matam a sumardeng.

Oseas 9:12

Nupay mapadadackelda dagiti annacda, paulilaecto ida, tapno awanto ti siasinoman a tao a matda: wen, asida pay met intono suminaac cadacuada!