Dungdung-aw 1:14 - Ti Biblia (1973)

¹⁴ Ti sangol dagiti panagsalungasingco mareppet babaen ti imana; maisiglotda, dimtengda agingga iti tengngedco; isu pinucawna ti pigsac: ti Apo inyawatnac cadagiti im-imada, maibusor cadagidiay diac macatacderen.

Ti Baro a Naimbag a Damag Biblia

¹⁴ “Nakita ti Apo dagiti basolko, pinagtitiponna ida. Inyukkorna iti tengngedko ket kimmapuyak gapu iti dagsenda. Inyawatnak kadagiti kabusorko, awan gawayko kadakuada.

Dungdung-aw 1:14 Iomraidhean Croise

Dagiti Proverbio 5:22

Dagiti kinadakesna met laeng kemmegendanto ti nadangkes, ket matengngelto cadagiti singdan ti basolna.

Isaias 14:25

A burakecto ti Asirio iti dagac, ken iti rabaw dagiti banbantayco isu payatpayatec: iti casta ti sangolna agiccatto cadacuada, ket ti awitna agiccatto iti abagada.

Isaias 47:6

Nagungetac iti ilic, minulitac ti tawidco, ken intedco ida ita imam: dica ida pinakitaan iti panangngaasi; iti lacay impataymo a nadagsen unay ti sangolmo.

Jeremias 25:9

Adtoy, mangibaonacto ket alaec amin dagiti familia manipud iti amianan, cuna ni Jehova, castamet ken Nabucodonosor nga, ari ti Babilonia, nga adipenco, ket iyegconto ida a maibusor ditoy a daga ken maibusor, cadagiti agnaed kencuana, ken maibusor cadagiti amin a nacion iti aglicmut, ket pucawecto ida a maikisap ket aramidecto ida a pagsiddaawan, ken pagsanamtican, ken agnanayon a langalang.

Jeremias 27:12

Ket nagsaoac ken Sedekias nga ari ti Juda a mayalubog amin cadagitoy a sasao, a kinunac, Iyegyo dagiti tengngedyo iti baba ti sangol ti Babilonia, ket agservicayo kencuana ken iti ilina, ket agbiagcayo.

Jeremias 27:8

Ket maaramidto a ti nacion ken ti pagarian a dinto agservi ken naisao a Nabucodonosor nga ari ti Babilonia, ken saanto a mangisaad iti tengngedda iti baba ti sangol ti ari ti Babilonia, dayta a nacion dusaecto, cuna ni Jehova, babaen ti campilan, iti bisin, ken iti angol, agingga iti maibusco ida babaen ti imana,

Jeremias 28:13

Inca, ket ibagam ken Hananias, a cunaem, Castoy ti cuna ni Jehova: Sica binungtolmo dagiti sangol a cayo; ngem nangaramidcan iti sucatda cadagiti sangol a landoc.

Jeremias 28:14

Ta castoy ti cuna ni Jehova dagiti buybuyot, a Dios ti Israel: Nangicabilac iti maysa a sangol a landoc iti tengnged amin dagitoy a nasnacion tapno agservida ken Nabucodonosor nga ari ti Babilonia; ket agservidanto kencuana: ket intedco met kencuana dagiti an-animal ti tanap.

Jeremias 32:3

Ta ni Sedekias nga ari ti Juda isu impupucna, a kinunana, Ania ti gapuna nga agpadtoca, ket cunam, Castoy ti cuna ni Jehova, Adtoy, itedconto daytoy nga ili iti ima ti ari ti Babilonia, ket isu alaennanto:

Jeremias 32:5

Ket ipannanto ni Sedekias idiay Babilonia, ket agbatinto idiay agingga iti isasarungcarco kencuana, cuna ni Jehova: uray no makigubatcayo cadagiti Caldeos, saancayto a rumang-ay?

Jeremias 37:17

Ni Sedekias nga ari nagbaon, ket pinaalana: ket ti ari nagintuud kencuana a sililimed idiay balayna, ket kinunana, Adda aniaman a sao a naggapu ken Jehova? ket ni Jeremias kinunana, Adda. Ket innayonna pay, Mayawatcanto iti ima ti ari ti Babilonia.

Ezekiel 11:9

Ket iruarcayto iti tengngana, ket yawatcayto iti ima dagiti gangannaet, ket mangocomacto iti nagtengngaanyo.

Ezekiel 21:31

Ket ibuyatconto ti ungetco kenca; puyotanca iti apuy ti pungtotco; ket yawatcanto iti ima dagiti nasabrac a lallaki a nalaing a mangdadael.

Ezekiel 23:28

Ta castoy ti cuna ni Apo Jehova: Adtoy, yawatcanto iti ima dagidiay a caguram, iti ima dagidiay nacapatamnayan ti cararuam;

Ezekiel 25:4

Ngarud, adtoy, yawatcanto cadagiti annac iti daya tapno tagicuaendaca, ket isuda isaaddanto dagiti pagpacarsoanda kenca, ken aramidenda dagiti pagnaedanda kenca; canendanto ti bungam, ken inumendanto ti gatasmo.

Ezekiel 25:7

Ngarud, adtoy, inyunnatco ti imac kenca, ket yawatcanto a samsam cadagiti nasnacion; ket isinacanto cadagiti il-ili, ket dadaelencanto cadagiti dagdaga: pucawencanto; ket mabigbigmonto a siac ni Jehova.

Oseas 5:14

Iti Efraim, caslaacto iti maysa a leon ken cas la urbon ti leon iti balay ti Juda: siac, siac met laeng, pigisecto ken pumanawacto; rabsutecto, ket awanto ti uray siasinoman a macaluc-at.

Mikias 2:3

Gapuna, castoy ti cuna ni Jehova: Adtoy, gandatec ti maysa a dakes a maibusor ti daytoy a familia, isu a dicayto pacailisian cadagiti teltelyo, ken dicayto met macapagna a sicucuspag; ta pannawen a dakes.

Deuteronomio 28:48

Isu ti gapuna a paadipencanto cadagiti cabusormo a ni Jehova ibaonnanto iti maicaniwas kenca, a sibibisin, ken siwawaw, ken silalamolamo ken awanan iti uray ania: ket isu icabilnanto ti sangol a landoc ita tengngedmo, inggana iti madadelnaca.