Dungdung-aw 1:10 - Ti Biblia (1973)

¹⁰ Ti cabusor inunnatna ti imana cadagiti amin a macaay-ayo a cucuana: ta nakitana a dagiti nasnacion simrecda iti santuariona, maipanggep cadagidiay nangibilinam a saanda coma a sumrec iti gimongmo.

Ti Baro a Naimbag a Damag Biblia

¹⁰ Sinamsam ti kabusor ti amin a gamengna. Nakitana ti iseserrekda iti mismo a Templo, ti lugar nga iparit ni Yahweh a serken dagiti Hentil.

Dungdung-aw 1:10 Iomraidhean Croise

2 Cronicas 36:18

Ket amin nga al-alicamen ti balay ti Dios, dackel ken bassit, ken dagiti gamgameng ti balay ni Jehova, ken dagiti gamgameng ti ari ken dagiti pangpangoloenna, amin dagitoy impanna idiay Babilonia.

Nehemias 13:1

Iti daydi nga aldaw nagbasada idi libro ni Moises iti panagdengngeg dagiti tattao; ket kencuana nasaracan a naisurat, a ti maysa nga Ammonita, ken maysa a Moabita dida sumrec iti gimong ti Dios iti agnanayon,

Isaias 63:18

Ti nasantoan nga ilim isu tinagicuana iti bassit a pannawen: dagiti cabusormi pinayatpayatda ti santuariom.

Jeremias 15:13

Ti sanicuam ken dagiti gamengmo itedconto a samsam nga awan bayadna, ket dayta gapu cadagiti amin a basolmo cadagiti met laeng amin a beddengmo.

Jeremias 20:5

Castamet itedconto amin a kinabacnang daytoy nga ili, ken amin a patubona ken amin dagiti napateg a banbanag, wen, amin a gamgameng dagiti ar-ari ti Juda yawatconto iti ima dagiti cabusorda; ket pagbalinendanto ida a samsam, ken alaenda ida, ket ipanda ida idiay Babilonia.

Jeremias 27:19

Ta castoy ti cuna ni Jehova dagiti buybuyot a maipapan cadagiti monmon ken maipapan iti baybay, ken maipapan cadagiti batay, ken maipapan iti tidda cadagiti al-alicamen a nabati ditoy nga ili.

Jeremias 27:21

Wen, castoy ti cuna ni Jehova dagiti buybuyot, a Dios ti Israel, a maipapan cadagiti al-alicamen a nabati iti balay ni Jehova, ken iti balay ti ari ti Juda, ken ti Jerusalem:

Jeremias 50:28

Ti timec dagidiay nga agtaray ken agtalaw iti daga a Babilonia, tapno maiwarragawag idiay Sion ti panangibales ni Jehova a Diostayo, ti pannacaibales ti templona.

Jeremias 51:51

Mariribuccami, ta mangngegmin ti pannacaumsi; ti pannacariribuc abbonganna dagiti rupami: ta dagiti gangannaet simrecda cadagiti santuario ti balay ni Jehova.

Jeremias 52:13

Ket pinuuranna ti balay ni Jehova ken ti balay ti ari; ken amin a balbalay ti Jerusalem, uray pay tunggal dackel a balay, pinuuranna iti apuy.

Dungdung-aw 1:7

Ti Jerusalem malagipna bayat dagiti al-aldaw ti panagtutooc ken panagladingitna dagiti amin a macaayayo a cucuana nga adda manipud idi ugma; idi dagiti tattaona natnagda iti ima ti cabusor, ket awan ti nangbadang kencuana, dagiti cabusor nakitada, ket nagang-angawanda dagiti pannacaparigatna.

Ezekiel 44:7

Iti panangiyegyo cadagiti gangannaet, saan a nacugit iti puso ken saan a nacugit iti lasag, tapno agyan iti santuarioc, tapno tabbaawanda, ti met laeng balayco, no idatonyo ti tinapayco, ti taba ken ti dara, ket dinadaelda ti tulagco, nga innayon cadagiti amin a kinarimonyo.

Ezekiel 7:22

Ti rupac itallicudconto met cadacuada, ket tulawandanto ti nalmeng a dissoc; ket dagiti mannanacaw sumrecdanto kencuana, ket isu tabbaawandanto.

Ezekiel 9:7

Ket kinunana cadacuada, tulawanyo ti balay, punnoenyo dagiti paraangan cadagiti napapatay: rumuarcayo. Ket rimmuarda, ket nagcabilda iti ili.

San Marcos 13:14

Inton makitayo ngarud ti kinarimon ti pannacadadael nga agsaad iti dina rebbeng ti agbasa, awatenna coma iti dayta dagiti adda idiay Judea, pumanawda coma a mapan cadagiti banbantay;

Deuteronomio 23:3

Ti maysa nga Ammonita, wenno maysa a Moabita saanto a sumrec iti gimong ni Jehova: uray pay iti maicasangapulo a caputotan, awanto cadagiti cadaraanda ti sumrecto iti gimong ni Jehova iti agnanayon.

Deuteronomio 23:4

Gapu ta didacayo la insabatan iti tinapay ken danum iti dalan idi naggapucayo sadi Egipto: ken gapu ta isuda tinangdananda iti maibusor kenca ni Balaam nga anac ni Beor, nanipud Petor ti Mesopotamia, tapno mangilunod kenca.