Dungdung-aw 1:1 - Ti Biblia (1973)

¹ Anian ti panagwaywayas ti maysa nga ili a napno idi cadagiti tattao! Isu nagbalin a cas maysa a balo, daydi dackel idi iti nagtengngaan dagiti nasnacion! Daydi princesa cadagiti provincia nagbalin a paiturayan!

Ti Baro a Naimbag a Damag Biblia

¹ Naglidayen ti kasasaad ti Jerusalem! Adu idi ti taona ngem ita nabaybay-anen. Raraemen idi ti lubong, ngem ita kasla maysan a balo. Katan-okan idi kadagiti siudad ngem nagbalin a tagabu.

Dungdung-aw 1:1 Iomraidhean Croise

1 Ar-ari 4:21

Ket ni Salomon nagturayanna amin dagiti pagpagarian manipud iti carayan agingga iti daga dagiti Filisteos, ken agingga iti beddeng ti Egipto: isuda agipanda ti buis, ken nagservida ken Salomon cadagiti amin nga aldaw ti panagbiagda.

2 Ar-ari 23:33

Ket ni Faraon Necao incabilna a balud idiay Ribla idiay daga ti Hamat, tapno saan nga agari idiay Jerusalem; ket pinagbuisna di daga iti sangagasut a talento a pirac, ken maysa a talento a balitoc.

2 Ar-ari 23:35

Ket ni Joacim intedna ken ni Faraon ti pirac ken balitoc; ngem pinagbuisna ti daga tapno itedna di pirac a mayalubog iti bilin ni Faraon: isu siningirna ti pirac ken balitoc cadagiti tattao ti daga, iti tunggal maysa cas iti mayalubog iti buisna, tapno isu ti itedna ken ni Faraon Necao.

2 Cronicas 9:26

Ket nagturay cadagiti amin nga ar-ari manipud iti Carayan inggana met laeng iti daga dagiti Filisteos ken iti beddeng ti Egipto.

ESDRAS 4:20

Adda met idi ar-ari a mannacabalin idiay Jerusalem, isuda a nagturay cadagiti amin a daga iti ballasiw ti Carayan; ket ti buis, alcabala, ken cuartais naibayad cadacuada.

Nehemias 5:4

Adda met idi dagiti nagcuna, Bimmulodcami iti cuarta a maipaay iti pagpabuis ti ari insaldami dagiti taltalonmi ken cauvuvasanmi.

Nehemias 9:37

Ket mangted iti adu nga apit cadagiti ar-ari nga insaadmo cadacami a gapu cadagiti basbasolmi: casta met nga agturayda cadagiti bagbagimi, ken cadagiti vacvacami cas pagayatanda, ket dacami naparigatcami iti napalalo.

Dagiti Salmo 122:4

Isu a pagsang-atan dagiti tribu, dagiti met la tribu ni Jehova, iti maysa a pagbilinan ken Israel, tapno agyamanda iti nagan ni Jehova.

Isaias 14:12

Anian ti pannacatnagmo nanipud langit, O baggac, nga anac ti bigat! anian ti pannacakeltaymo a naipadaga, sica a pinagpacumbabam dagiti nasnacion!

Isaias 22:2

O sica a napno iti ariwawa, maysa a naariwawa nga ili, maysa a narag-o a pagilian; dagiti napapatay kenca saanda a napapatay iti campilan, ket saanda met a natay iti gubat.

Isaias 3:26

Ket ti ruanganna agladingitto ken agpanes; ket isu mapanawanto ken agtugawto iti daga.

Isaias 49:21

Iti casta cunaemto iti pusom, Asino ti nangipasngay cadagitoy caniac idinto a naulilaac cadagiti annacco, ken agwaywayasac, maysaac a naibelleng ken agtawtawataw a magmagna? ket asino ti nangtagibi cadagitoy? Adtoy, nabaybayanac a maymaysa; dagitoy sadino ti yanda idi?

Isaias 50:5

Ni Apo Jehova linuctanna ti lapayagco, ket saanac a nasukir, ket diac met timmuckiad.

Isaias 52:2

Pampagem ta bagim iti tapoc; tumacderca, agtugawca iti tronom, O Jerusalem: bucaem dagiti galut ti tengngedmo, O nacayawan a babai nga anac ti Sion.

Isaias 52:7

Naglibnosen cadagidiay banbantay dagiti sacsaca ti mangyeg cadagiti naimbag a damdamag, a mangiwarnac iti talna, a mangyeg cadagiti naimbag a damdamag ti kinaimbag, a mangiwarragawag iti pannacaisalacan, a cunana iti Sion, Ti Diosmo agari!

Isaias 54:4

Dica agamac; ta saancanto a mabainan; ket saanca met a mariru; ta saancanto a maibabain: ta sica malipatamto ti bain ti kinaagtutubom; ken ti pannacaumsi ti kinabalom dicanto malagipen.

Jeremias 31:7

Ta castoy ti cuna ni Jehova; Agcantacayo a siraragsac a maipaay ken Jacob, ket agdir-icayo a maipaay iti cangronaan cadagiti nasnacion: agibunannagcayo, agdaydayawcayo, ket cunayo, O Jehova, ispalem ti ilim, ti matda iti Israel.

Jeremias 40:9

Ket ni Gedalias nga anac ni Ahicam nga anac ni Safan nagsapata cadacuada ken cadagiti lallakida, a kinunana, Saancayo coma a mabuteng nga agservi cadagiti Caldeos: agnaedcayo iti daga, ket agservicayo iti ari ti Babilonia, ket naimbagto cadacayo.

Jeremias 42:2

Ket kinunada ken Jeremias a mammadto, Agdawatcam kenca, a ti panagpacaasimi maisaclang coma kenca, ket agcararagca gapu cadacami ken Jehova a Diosmo, gapu amin met laeng itoy a tidda (ta dacami natdacami laeng a bassit a nagtaud ti adu, a cas maimatangan dagita matam),

Jeremias 44:2

Castoy ti cuna ni Jehova dagiti buybuyot, a Dios ti Israel: Nakitayon ti amin a dakes nga inyegco iti Jerusalem, ken cadagiti il-ili ti Juda; ket, adtoy, daytoy nga aldaw langalangda, ket awan ti tao nga agnaed cadacuada,

Jeremias 44:6

Gapuna a ti pungtot ken ungetco naibuyat, ket simged cadagiti il-ili ti Juda, ken cadagiti lanlansangan ti Jerusalem; ket narbada ken langalangda a cas itoy nga aldaw.

Jeremias 50:23

Anian ti panagputed ken panagburac ti malo ti isu-amin a lubong! anian ti panagbalin ti Babilonia a langalang, iti tengnga dagiti nasnacion!

Jeremias 9:11

Ket pagbalinecto ti Jerusalem a gabgabsuon, gucayab dagiti aso ti let-ang; ket pagbalinecto dagiti il-ili ti Juda a langalang, nga awan ti agnaed.

Dungdung-aw 1:19

Inawagac dagiti caayanayatco, ngem inallilawdac: dagiti papadic ken dagiti panglacayec simmina dagiti cararuada iti uneg ti ili, bayat ti panagbirucda iti taraon a mangpapigsa cadacuada.

Dungdung-aw 2:1

Anian ti panangabbong ti Apo iti anac a babai ti Sion iti maysa nga ulep iti pungtotna! Intappuacna manipud langit agingga iti daga ti kinaimnas ti Israel, ket saanna a nalagip ti pangibatayanna iti sacana iti aldaw ti pungtotna.

Dungdung-aw 2:10

Dagiti panglacayen ti anac a babai ti Sion agtugawda iti daga, agulimecda; nangicabilda iti tapuc iti rabaw dagiti ol-oloda; nagbarikesda iti lupot a nakersang; dagiti babbalasang ti Jerusalem itamedda dagiti ol-oloda iti daga.

Dungdung-aw 4:1

Anian ti panagbalin ti balitoc a nacudrep! ken anian ti pannacabalbaliw ti casudian a balitoc! Dagiti batbato ti santuario maibucbucda iti oloanan ti tunggal lansangan.

Dungdung-aw 5:16

Ti balangat natnag nanipud iti olomi: asicami pay! ta nagbasolcami.

Ezekiel 26:16

Iti casta dagiti amin a principes ti baybay umulogdanto manipud cadagiti tronoda, ket idissoda dagiti lambonda, ket ucsobenda dagiti nabordaan a pagananayda: agcawesdanto a sipipigerger; agtugawdanto iti daga, ket agkintayegdanto iti tunggal canito, ket masdaawdanto kenca.

Ezekiel 26:2

Anac ti tao, agsipud ta ti Tiro kinunana a maicaniwas iti Jerusalem, Aha, maburac dayta a ruangan idi dagiti il-ili; isu nagsubli caniac, siac mapnoacto manen, ita ta isu nalangalang:

Ezekiel 5:5

Castoy ti cuna ni Apo Jehova: Daytoy ti Jerusalem; isu incabilco iti nagtengngaan dagiti nasnacion, ken dagiti dagdaga iti aglicmut kencuana.

Levitico 26:31

Ket pagbalinnecto a langalang dagiti il-iliyo, ket pagwalangwalangecto dagiti sansantuarioyo, ket diacto met say-upen ti banglo dagiti sayamusomyo.

Levitico 26:33

Ket iwaraswarascayto cadagiti sabsabali a nacion, ket asutecto ti campilan iti licudanyo: ket iti dagayo awanto ti matagtagitao, ket dagiti iliyo walangwalangdanto.

Sofonias 2:15

Daytoy ti naragsac nga ili a nagnaed a sililiway, a nagcuna iti pusona, Addaac, ket awan ti sabali no saan a siac: Anian a panagbalinna a walangwalang, maysa a disso a pagiddaan dagiti an-animal! siasinoman a lumabas iti dennana agsanamticto, ket isinasna ti imana.

Paltiing 18:7

No casano ti panagpasindayagna ken panagbuslonna cadagiti ragragsac casta ti itedyo a tuoc ken sangsangit, ta isu cunana iti pusona: Naisaadac a reina, ken saanac a balo, ket uray caano diacto aglac-am ti ladingit.