Daniel 9:4 - Ti Biblia (1973)

⁴ Ket nagcararagac ken Jehova a Diosco, ket nagpudnoac, ket kinunac, O Apo, ti dackel ken pagbutngan a Dios, a mangsalimetmet iti tulag ken kinamanangngaasi cadagiti agayat kencuana ken mangtungpal cadagiti bilbilinna,

Ti Baro a Naimbag a Damag Biblia

⁴ Nagkararagak ken ni Yahweh a Diosko ket impudnok ti basol dagiti kailiak. Kastoy ti kararagko: “Apo Dios, naindaklanka ket agraemkami kenka. Napudnoka iti nakitulagam, ket ipakitam ti di agbalbaliw nga ayatmo kadagiti agayat kenka ken agtungpal iti aniaman a bilinmo.

Daniel 9:4 Iomraidhean Croise

1 Ar-ari 8:23

Ket kinunana, O Jehova, a Dios ti Israel, awan ti Dios a cas kenca, uray iti langit iti ngato, uray iti daga iti baba; a salimetmetanna ti tulag ken ti naayat a kinaimbag cadagiti ad-adipenmo, a magna iti sangom iti amin a pusoda;

2 Cronicas 7:14

No dagiti tattaoc, a nagaladanda iti naganco, agpacumbabada, ket agcararagda, ket sapulenda ti rupac, ken sumiasida cadagiti nadangkes a dalanda; siac ngarud denggecto manipud langit, ket pacawanecto ti basolda, ket agasacto ti dagada.

ESDRAS 10:1

Idi bayat nga ni Esdras agcarcararag ken agipudpudno, agsangsangit ken agculcul-ob iti sango ti balay ti Dios, timmipon kencuana ti maysa a dackel a gimong ti Israel dagiti lallaki, ken babbai, ken ubbing; ta dagiti tattao nagsangitda a naladingit unay.

Nehemias 1:5

Ket kinunac, Gumawawaac kenca, O Jehova, a Dios ti langit, a dackel ken nacakigkigtot a Dios, a mangsalimetmet iti tulag ken kinamanangngaasi cadagiti agayat kencuana ken mangsalimetmet cadagiti bilbilinna:

Nehemias 9:32

Ita ngarud, Diosmi, ti dackel, a mannacabalin, ket nacakigkigtot a Dios, a mangsalimetmet iti tulag ken kinamanangngaasi, dica palubosan nga agparang ita sangoanam a cas bassit ti amin a rigat, nga immay cadacami, cadagiti pangpangoloenmi, ken cadagiti papadimi, ken cadagiti mammadtomi, ken cadagiti ammami, ken iti amin nga ilim, nanipud idi tiempo dagiti ar-ari ti Asiria agingga itoy nga aldaw.

Dagiti Salmo 32:5

Binigbigco ti basolco kenca, ket ti kinadakesco diac inlinged: kinunac, ipudnocto dagiti salungasingco ken Jehova; ket sica pinacawanmo ti kinacas-ang ti basolco.

Exodo 20:6

Ken mangipaay iti naayat nga asi cadagiti rinibribu nga agayat caniac ken mangsalimetmet cadagiti bilbilinco.

Jeremias 3:13

Bigbigem laeng ti kinadakesmo, a simmalungasingca a maibusor ken Jehova a Diosmo, ken pinaadum dagiti daldalanmo cadagiti gangannaet iti siroc ti tunggal narucbos a cayo, ket dica tinungpal ti timecco, cuna ni Jehova.

Jeremias 32:23

Ket simrecda, ket tinagicuada, ngem saanda a nagtulnog iti timecmo, ken dida met nagna iti lintegmo; awan ti inaramidda cadagiti amin nga imbilinmo cadacuada nga aramidenda: gapuna nga inaramidmo a mapasamac cadacuada amin daytoy a dakes.

Daniel 6:10

Idi naammoan ni Daniel a ti surat nafirmaanen, simrec iti balayna (ket dagiti tawa ti siledna silulucatda a maiturong iti Jerusalem); ket isu nagparintumeng iti namitlo iti tunggal aldaw, ket nagcararag, ket nagyaman iti sangoanan ti Diosna a cas ar-aramidenna idi.

Daniel 9:3

Ket insangoc ti rupac iti Apo a Dios, tapno sapulec babaen ti cararag ken pannakicaasi, agraman panagayunar ken lupot a nakersang ken dapu.

San Lucas 1:72

Tapno aramidenna ti asi cadagiti ammatayo, ken lagipenna iti nasantoan a pannakitulagna:

Taga-Roma 8:28

Ket ammotayo a dagiti amin a banbanag agtitimpuyogda nga agaramid a maipaay iti pagimbagan, dagiti agayat iti Dios, dagiti naayaban cas iti panggepna.

Deuteronomio 5:10

Ken mangipaay iti imbag a naayat cadagiti rinibribu nga agayat caniac, ken mangsalimetmet cadagiti bilbilinco.

Deuteronomio 7:12

Ket maaramidto, a gapu iti panangimdengyo cadagitoy a linlinteg, ket tungpalenyonto nga aramiden ida, salimetmetanto ni Jehova a Diosmo ti tulag ken naimbag a panagdongngo, nga insapatana cadagiti ammam:

Deuteronomio 7:21

Dicanto agamac cadacuada; ta ni Jehova a Diosmo adda iti tengngam, dackel a Dios, ken nacabutbuteng.

Deuteronomio 7:9

Iti casta ammoem a ni Jehova a Diosmo, isu ti Dios; ti pagcammatalcan a Dios, a salimetmetanna ti tulag ken panangngaasi cadagiti agayat kencuana, ken agtungpal cadagiti tulagna, agpapan rinibribu a capcaputotan,

Santiago 1:12

Nagasat ti tao a macaitured iti pannacasulisog; ta inton masuuten, awatennanto ti balangat ti biag, nga incari ti Apo cadagiti agayat kencuana.

Santiago 2:5

Dumngegcayo, ay-ayatec a cacabsatco; saan aya a pinili ti Dios dagiti napanglaw no maipapan itoy lubong, a maipaay iti kinabacnang iti pammati, ken agtawid iti pagarian nga incarina cadagiti agayat kencuana?