Daniel 9:3 - Ti Biblia (1973)

³ Ket insangoc ti rupac iti Apo a Dios, tapno sapulec babaen ti cararag ken pannakicaasi, agraman panagayunar ken lupot a nakersang ken dapu.

Ti Baro a Naimbag a Damag Biblia

³ Gapu iti daytoy, impasnekko ti nagkararag ken nagdawat ken ni Apo Dios. Nagayunarak, nagkawesak iti nakersang a lupot ken nagtugawak iti dapu.

Daniel 9:3 Iomraidhean Croise

2 Samuel 12:16

Ni David ngarud nagdawat iti Dios a maipuon iti ubing; ket nagayunar ni David ket simrec, ket amin a rabii siiidda iti daga.

ESDRAS 10:6

Ngarud ni Esdras timmacder manipud iti sangoanan ti balay ti Dios ket napan iti sagumbi ni Johanan nga anac a lalaki ni Eliasib: ket idi a dimteng idiay, saan a nangan iti tinapay, saan nga imminum iti danum; ta nagdung-aw a gapu iti panaglabsing dagidiay a naggapu iti pannacacayaw.

ESDRAS 8:21

Ket inwarragawagco idiay ti panagayunar, idiay carayan Ahava, tapno ipacumbabami dagiti bagbagimi iti sango ti Diosmi, tapno sapulenmi kencuana ti maysa a nalinteg a dalan a maipaay cadacami, ken cadagiti babassitmi, ken cadagiti amin a cucuami.

ESDRAS 9:5

Ket iti panagdaton ti rumabii timmacderac iti panagpacumbabac a ti met laeng cawes ken lambonco a sirarayab; ket nagparintumengac, ket inyucradco dagiti imac ken Jehova a Diosco;

Nehemias 9:1

Iti maicaduapulo ket uppat nga aldaw ti daytoy a bulan naguornong dagiti annac ti Israel iti panagayunar, ken agraman cawes a nakersang, ken daga iti rabawda.

Ester 4:16

Inca urnongem amin dagiti Judios nga addada a madama iti Susan, ket agayunarcayo a maipaay caniac, ket dicayo mangan wenno uminum bayat iti tallo nga aldaw, rabii wenno aldaw: siac met ken dagiti babbalasangco agayunarcamto met iti casta a wagas; ket iti casta sumrecacto agingga iti ari, nga uray saan a mayalubog iti linteg; ket no mapucawac, mapucawac.

Ti Libro ni Job 42:6

Gapuna a guraec ti bagic, ket agbabawiac iti tapoc ken dapdapo.

Dagiti Salmo 35:13

Ngem no siac, idi a nagsakitda, nagpanesac: pinarigatco toy cararwac iti panagayunar; ket ti cararagco nagsubli itoy barucongco met laeng.

Isaias 22:12

Ket iti daydiay nga aldaw ti Apo, a ni Jehova dagiti buybuyot, nangayab iti panagsangit, ken iti panagdung-aw, ken ti panagcalvo ken ti panagbarikes iti lupot a nakersang:

Jeremias 33:3

Awagannac ken sungbatancanto, ket ipakitacto kenca dagiti dadackel a banbanag, ken naricut, isuda a saanmo nga ammo.

Ezekiel 36:37

Castoy ti cuna ni Apo Jehova: Gapu iti daytoy, mapagdawatanacto met iti balay ti Israel, tapno isu aramidec a maipaay cadacuada: paaduecto ida cadagiti tattao cas maysa nga arban.

Daniel 6:10

Idi naammoan ni Daniel a ti surat nafirmaanen, simrec iti balayna (ket dagiti tawa ti siledna silulucatda a maiturong iti Jerusalem); ket isu nagparintumeng iti namitlo iti tunggal aldaw, ket nagcararag, ket nagyaman iti sangoanan ti Diosna a cas ar-aramidenna idi.

Daniel 9:2

Iti immuna a tawen ti panagarina, siac, ni Daniel, naawatac gapu cadagiti libro ti bilang dagiti tawen a nanipudan ti sao ni Jehova a dimteng ken Jeremias a mammadto, maipaay iti pannacalpas ti pannacalangalang ti Jerusalem, isuda met laeng pitupulo a tawen.

Daniel 9:20

Ket idi addaac pay laeng nga agsasao, ken agcarcararag, ken agipudpudno iti basolco ken iti basol ti ilic nga Israel, ket intuyangco ti pannakicaasic iti sango ni Jehova a Diosco gapu iti nasantoan a bantay ti Diosco;

Daniel 9:4

Ket nagcararagac ken Jehova a Diosco, ket nagpudnoac, ket kinunac, O Apo, ti dackel ken pagbutngan a Dios, a mangsalimetmet iti tulag ken kinamanangngaasi cadagiti agayat kencuana ken mangtungpal cadagiti bilbilinna,

Joel 1:13

Agbarikescayo iti lupot a nakersang, ket agasugcayo, dacayo a papadi; agdung-awcayo, dacayo a managannong iti altar; umaycayo, agiddacayonga agpatnag iti a nakersang, dacayo a managannong iti Diosco; ta ti daton a macan ken ti daton a mainum maipaidamda iti balay ti Diosyo.

Joel 2:12

Uray pay ita, cuna ni Jehova, agsublicayo caniac, iti amin a pusoyo, ken buyugen ti panagayunar, ken panagsangit, ken panagpanes:

Jonas 3:5

Ket dagiti tattao a taga Ninive pinatida ti Dios; ket inwarragawagda ti panagayunar, ket nagcawesda iti nakersang a lupot manipud cangatoan inggana iti cababaan.

San Mateo 17:21

(Ngem daytoy a kita saan a rummuar no di gapu iti panagcararag ken panagayunar.)

San Lucas 2:37

Ket isu balo iti agwalopulo ket uppat a tawen, a di pimmanaw iti Templo, a nagdaydayaw iti Apo iti rabii ken aldaw agraman panagayayunar ken panagcararag.

Dagiti Aramid 10:30

Ket kinuna ni Cornelio; Idi maicapat nga aldaw iti castoy met la nga horas iti horas a maicasiam idi nga agcararagac iti balayco, adtoy ti maysa a lalaki a nagtacder iti sangoanac a nagcawes ti macapurar,