Daniel 8:4 - Ti Biblia (1973)

⁴ Nakitac ti carnero a lalaki nga agdiros nga agpalaud, ken agpaamianan, ken agpaabagatan; ket awan ti uray ania nga animal a macabalin nga agtacder iti sangoananna, ket awan met ti aniaman a macalapsut iti imana; ngem inaramidna ti mayannurot iti pagayatanna, ket intan-ocna ti bagina met laeng.

Ti Baro a Naimbag a Damag Biblia

⁴ Binuybuyak ti kalakian a karnero nga agwangwang-it a nakasango iti laud, amianan ken abagatan. Awan ti animal a makaparmek kenkuana wenno makalisi iti pannakabalinna. Inaramidna ti kinaykayatna ket timmangsit.

Daniel 8:4 Iomraidhean Croise

1 Ar-ari 22:11

Ket ni Sedequias nga anac a lalaki ni Canaana nangaramid cadagiti sinan-sara a landoc, ket kinunana, Castoy ti kinuna ni Jehova, Iti pannacaaramat dagitoy sica sunsunemto dagiti Sirios, agingga iti maibusda.

Ti Libro ni Job 10:7

Nupay no ammom a diac nadangcoc, ken awan ti macabalin a mangispal ken awan ti macabalin a mangispal caniac ita imam?

Dagiti Salmo 44:5

Gapu kenca maidaramudomminto dagiti cabusormi: gapu iti naganmo maibaddecminto dagiti umalsa a bumusor cadacami.

Dagiti Salmo 50:22

Ita utobenyo daytoy, dacayo a manglipat iti Dios, di la ket ta pirgisencayo, ket awan ti mangispal:

Dagiti Salmo 7:2

Tapno saanda nga agawen toy cararwac, cas iti maysa a leon lasanglasangenna, no awan ti mangisalacan.

Ezekiel 34:21

Agsipud ta nagiduroncayo babaen ti bacrang ken ti abaga, ket sinangdoyo amin dagiti agcacapsut cadagiti sarayo, agingga iti naiwarayo ida iti adayu;

Daniel 11:16

Ngem daydiay umay a bumusor kencuana aramidennanto ti mayanatup iti pagayatanna met laeng, ket awanto ti agtacder iti saclangna; ket isu agtacderto iti nadayag a daga, ket iti imana addanto pannacadadael.

Daniel 11:36

Ket ti ari agaramidto iti cas mainugot iti pagayatanna; ket itan-ocnanto ti bagina met laeng, ken padackelenna ti bagina met laeng iti ngato ti amin a didios, ket agsaonto cadagiti nacascasdaaw a banbanag a maibusor iti Dios dagiti didios; ket rumang-ayto agingga iti matungpal ti pungtot; ta daydiay nakedngan maaramidto.

Daniel 5:19

Ket gapu iti kinatan-oc nga intedna kencuana, amin dagiti il-ili, nasnacion, ken pagsasao nagpigerger ken nagbutengda iti saclangna: dagiti kinayatna pinatayna, ket dagiti kinayatna binayanna nga agbiag; dagiti kinayatna intan-ocna, ket dagiti kinayatna impababana.

Daniel 5:30

Iti dayta a rabii ni Balsasar nga ari dagiti Caldeos napapatay.

Daniel 7:5

Ket adtoy ti maicadua a sabali nga animal, nga umasping iti maysa nga oso; isu a naipangato iti maysa a sikigan, ket adda tallo a paragpag iti ngiwatna iti nagbaetan dagiti ngipenna: ket castoy ti kinunada kencuana, Bumangonca, manganca iti adu a lasag.

Daniel 8:7

Ket isu nakitac nga immay iti asideg ti carnero a lalaki, ket isu natignay iti pungtot a bumusor kencuana, ket kinabilna ti carnero a lalaki, ket binungtolna dagiti dua a sarana; ket awan ti pannacabalin iti carnero a lalaki a tumacder iti sangona; iti casta impasagna iti daga, ket impayatpayatna; ket awan ti nacabalin a nangisalacan iti carnero a lalaki iti imana.

Mikias 5:8

Ket ti tidda ni Jacob addanto cadagiti nasnacion, iti tengnga dagiti adu nga il-ili, cas maysa a leon iti tengnga dagiti an-animal iti bakir, cas maysa nga urbon a leon cadagiti pangen ti carnero: isu, a no lumasat, mangbaddec ken mangpisangpisang, ket awan ti siasinoman a mangruc-at.

Deuteronomio 33:17

Ti umuna nga anac ti arbanna, kinadayag isu ti cucuana; ket dagiti sarsarana isuda dagiti sarsara ti atap a vaca: isuda ti pangdarondonna cadagiti il-ili, isuda amin, uray agingga iti pungpungto ti daga: ket isuda ti linaclacsa ni Efraim, ket isuda ti rinibribu ni Manases.