Daniel 8:1 - Ti Biblia (1973)

¹ Iti maicatlo a tawen iti panagari ni ari Balsasar nagparang caniac ti maysa a sirmata, caniac met laeng, Siac ni Daniel, calpasan daydi a nagparang caniac nga immun-una.

Ti Baro a Naimbag a Damag Biblia

¹ Iti maikatlo a tawen a panagturay ni Ari Belsazar, adda manen parmatak a kaasping iti immuna.

Daniel 8:1 Iomraidhean Croise

Ezekiel 1:1

Ket naaramid idi maicatlopulo a tawen, iti bulan a maicapat, iti maicalima nga aldaw ti bulan, idi addaac cadagiti nacayawan iti denna ti carayan a Kebar, a dagiti langlangit naluctanda, ket nakitac dagiti sirmata ti Dios.

Daniel 1:17

Ket no maipapan cadagitoy uppat a babbaro iniccan ida ti Dios iti pannacaammo ken kinalaing iti isu-amin a sursuro ken sirib, ket ni Daniel adda pannacaawatna cadagiti isu-amin a sirmata ken tagtagainep.

Daniel 10:2

Cadagita nga al-aldaw siac, ni Daniel, nagpanesac bayat ti tallo a lawasna.

Daniel 10:7

Ket siac, ni Daniel, siac laeng ti nacakita ti sirmata; ta dagiti tattao a cadduac saanda a nakita ti sirmata; ngem maysa a dackel a panagkintayeg napasamac cadacuada, ket isuda nagtalawda a naglemmeng.

Daniel 11:4

Ket intono nabangonen, ti pagarianna maburacto ken mabingbingayto a maiwaras cadagiti uppat nga angin ti langit, ngem saan nga iti putotna, ken saan met a mayannurot iti panagturayna idi, ta ti pagarianna magabutto a maipaay cadagiti sabsabali malacsid pay dagitoy.

Daniel 7:1

Iti immuna a tawen ni Balsasar nga ari ti Babilonia ni Daniel adda idi maysa a tagtagainep ken parparmata ti olona iti iddana: idin insuratna ti tagtagainepna ket imbagana ti nacadagdagupanda.

Daniel 7:15

No maipapan caniac Siac ni Daniel, ti espirituc naldaang idi iti unegco ket dagiti parparmata iti oloc riniribucdac.

Daniel 7:28

Ditoy ti panungpalan ti banag. No maipapan caniac, Siac ni Daniel, dagiti panpanunotco riniribucdac unay, ket ti langac nagbaliw ti casasadna: ngem sinalimetmetac ti banag itoy pusoc.

Daniel 8:15

Ket naaramid, nga idi a siac, siac met laeng ni Daniel, nakitac idi ti sirmata, ket sinapulco ti caipapananna, ket adtoy, ti maysa a cas la langa ti tao a nagtacder itoy sangoanac.

Daniel 8:2

Ket nakitac iti sirmata; ket naaramid nga idi nakitac, addaac idi idiay Susan ti palacio, nga adda iti provincia ti Elam; ket nakitac iti sirmata, ket addaac idi iti denna ti carayan Ulai.

Daniel 9:2

Iti immuna a tawen ti panagarina, siac, ni Daniel, naawatac gapu cadagiti libro ti bilang dagiti tawen a nanipudan ti sao ni Jehova a dimteng ken Jeremias a mammadto, maipaay iti pannacalpas ti pannacalangalang ti Jerusalem, isuda met laeng pitupulo a tawen.