Daniel 7:9 - Ti Biblia (1973)

⁹ Binuybuyac agingga iti naisaad dagiti trono, ket ti dati a lacay nagtugaw: ti cawesna napudaw a cas la nieve, ket ti booc ti olona, cas la nadalus a dutdot ti carnero; ti tronona sumsumged a gilgilayab, ket dagiti pilpilidna apuy a dumardarang.

Ti Baro a Naimbag a Damag Biblia

⁹ Bayat ti panagbuybuyak, adda nangikabil kadagiti trono. Nagtugaw iti maysa kadagitoy ti maysa a sibibiag iti agnanayon. Napudaw a kas iti niebe ti kawesna, ket kasla puro a de lana ti buokna. Gumilgil-ayab ti tronona a naisaad kadagiti dumardarang a pilid.

Daniel 7:9 Iomraidhean Croise

1 Ar-ari 22:19

Ket ni Miquias kinunana, Gapuna a denggem ti sao ni Jehova: siac nakitac ni Jehova a situtugaw iti tronona, ket amin ti buyot ti langit sitatacder iti asideg kencuana iti macanawan ken macatigidna.

2 Cronicas 18:18

Ket ni Mikeas kinunana, Gapuna a denggem ti sao ni Jehova: Siac nakitac ni Jehova a situtugaw iti tronona, ket amin a buyot ti langit sitatacder iti macanawanna ken iti macatigidna.

Dagiti Salmo 45:8

Amin dagiti cawesmo agammirra, ken agassandalo, ken agacacasia; manipud cadagiti palacio a marfil dagiti kinuerdasan a pagtocaran pinagragsacdaca.

Dagiti Salmo 90:2

Idi casacbayan ti pannacapataud dagiti banbantay, wenno idi pay la pinaltuadmo ti daga ken ti lubong, ken manipud pay ketdi idi kinaagnanayon agingga iti kinaagnanayon, sica ti Dios.

Dagiti Salmo 93:2

Ti tronom naisimpa nanipud idi ugma: sica addaca nanipud kinaagnanayon.

Isaias 6:1

Idi tawen nga ipapatay ni ari Uzias nakitac ti Apo a situtugaw iti maysa a trono, a nangato ken natan-oc; ket ti gayadan ti cawesna pinunnona ti templo.

Isaias 9:6

Ta nayanac ti maysa nga ubing cadatayo, maysa nga anac a lalaki ti naited cadatayo; ket ti panangituray maiparabawto iti abagana: ket ti naganna magaladanto iti Nacascasdaaw, Mamagbaga, Mannacabalin a Dios, Agnanayon nga Ama, Principe ti Cappia.

Jeremias 49:38

Ket isaadconto ti tronoc sadi Elam, ket dadaelecto manipud sadiay ti ari ken dagiti piprincipe, cuna ni Jehova.

Ezekiel 1:26

Ket iti rabaw ti tangatang nga adda iti rabaw dagiti oloda adda idi ti caasping ti maysa a trono, a cas la kita ti bato a zafiro; ket iti rabaw daydi caasping ti trono adda cas la langa ti maysa a tao.

Daniel 7:13

Nakitac cadagiti parparmata ti rabii, ket adtoy, immay babaen cadagiti ululep ti langit ti maysa a cas la anac ti tao, ket dimteng ti dati a lacay, ket isu inyasidegda iti saclangna.

Daniel 7:22

Agingga iti immay ti dati a lacay, ket ti panangocom naited cadagiti sasanto ti Cangatoan; ket dimteng ti pannawen a dagiti sasanto tinagicuada ti pagarian.

Mikias 5:2

Ngem sica, Belen Efrata, sica a bassitca cadagiti rinibribu ti Juda, kenca rumuarto ti maysa nga umay caniac nga agbalin nga agturay iti Israel; a dagiti iruruarna nanipudda idi ugma, nanipud iti kinaagnanayon.

Habakuk 1:12

Saan a sica aya, O Jehova, a Diosco, ti Santoc nanipud idi punganay saancamto a matay. O Jehova, isu inkeddengmo a maipaay iti panangocom; ket sica, O Bato, isu binangonmo nga agpaay iti panangpalinteg.

San Mateo 17:2

Ket nagbaliw iti sangoananda; ket naglawag ti rupana a cas la ti init, ket dagiti pagananayna nagbalinda a napudaw cas iti lawag.

San Mateo 28:3

Ket daydi langana cas la kimat, ket daydi cawesna napudaw a cas la nieve.

San Marcos 9:3

Dagiti met pagananayna nagbalinda a naraniag, napudawda unay a cas iti nieve; nga awan ti uray siasino a managlava ditoy daga a macabalin a mamapudaw iti casdi.

Dagiti Aramid 2:30

Idinto ngarud a mammadto, ket siaammo nga incari ti Dios kencuana agraman maysa a sapata, a cadagiti bunga ti tianna, addanto pagtugawenna iti tronona;

Dagiti Aramid 2:33

Iti casta idinto a naitan-oc iti macanawan ti Dios ken inawatna iti Ama ti cari ti Espiritu Santo, imbuyatna daytoy nga makitayo ken mangngegyo.

Taga-Filipos 3:9

Ket tapno maaddaac kencuana, a diac cupicupan ti kinalintegco met laeng nga gapu iti linteg, no di ket ti adda gapu iti pammati ken Cristo, ti kinalinteg nga aggapu iti Dios gapu iti pammati:

1 Timoteo 6:16

Isu laeng nga adaan iti saan nga ipapatay, nga agnaed iti maysa a lawag a di maasitgan, isu a saan a nakita ti uray siasino a tao, ket di met mabalin a kitaen: isu a madaydayaw ken agturay iti agnanayon, Amen.

1 Juan 1:5

Ket daytoy ti damag a nangngegmi kencuana ket ipacaammomi cadacayo. A ti Dios isu ti silaw, ket awan kencuana ti aniaman a sipnget.

Paltiing 1:14

Ket ti olona ken boboocna napudawda a cas la iti dutdut ti carnero a puraw, napudaw a cas la nieve; ket dagiti matana cas da la darang ti apuy;

Paltiing 19:18

Tapno canenyo ti lasag dagiti ar-ari, ken ti lasag dagiti cacapitan ken ti lasag dagiti mannacabalin a lallaki, ken ti lasag dagiti cacabayo ken dagiti nagsacay cadacuada, ken ti lasag dagiti isu-amin a tattao, agwayawayada man wenno paad-adipen, babassit ken dadackel.

Paltiing 20:4

Ket nakitac dagiti trono; ken dagiti nagtugaw cadacuada; ket naitalec cadacuada ti panangocom ket dagiti carcararua dagiti naputulan gapu iti pammanecnec ken Jesus ken gapu iti sao ti Dios, ken dagup dagiti saan a nagdaydayaw idi animal ken iti ladawanna ken saan a mamarcaan cadagiti mugmugingda ken iti imada; ket dagitoy nagbiagda, ket nakipagarida ken Cristo iti sangaribo a tawen.

Paltiing 4:2

Naigiddato nga naaddaac iti Espiritu: ket adtoy ti maysa a trono a naisaad sadi langit, ket idi trono adda maysa a situtugaw;