Daniel 7:6 - Ti Biblia (1973)

⁶ Iti calpasan daytoy siac kinitac, ket adtoy, ti maysa a sabali nga umasping iti maysa a leopardo, nga adda uppat a payac ti tumatayab iti bucotna; ket ti animal adda met uppat nga olona; ket ti panagturay naited kencuana.

Ti Baro a Naimbag a Damag Biblia

⁶ Bayat ti panagbuybuyak, adda sabali nga animal a nakitak. Kasla leopardo ti langana. Adda uppat a payak iti bukotna a kasla payak ti tumatayab. Uppat ti ulona. Kasla adda pannakabalinna.

Daniel 7:6 Iomraidhean Croise

Ezekiel 17:3

Ket cunaem, Castoy ti cuna ni Apo Jehova: Maysa a dackel nga aguila a dadackel dagiti payacna ken atiddog ti pawisna, napno cadagiti dutdot nga addaan nadumaduma a colcolor, immay idiay Libano, ket innalana ti ngudo ti cantingen:

Daniel 10:20

Idin kinunana, Dica ammo aya no ania ti gapuna nga umayac kenca? ket ita agsubliac a manggubat iti principe ti Persia: ket intono mapanac, adtoy, ti principe ti Grecia umayto.

Daniel 2:39

Ket iti calpasam tumacderto ti sabali a pagarian a nababbaba ngem sica; ken sabali a maicatlo ti pagarian a suer, isu a mangiturayto iti amin toy daga.

Daniel 7:4

Ti umuna cas la leon ket addaan paypayac ti aguila: siac kinitkitac agingga a dagidi payacna naparparutda, ket naipangato a naggapu iti daga, ket napatacder cadagiti dua a sacsaca a cas maysa a tao; ket isu naiccan iti puso ti tao.

Daniel 7:5

Ket adtoy ti maicadua a sabali nga animal, nga umasping iti maysa nga oso; isu a naipangato iti maysa a sikigan, ket adda tallo a paragpag iti ngiwatna iti nagbaetan dagiti ngipenna: ket castoy ti kinunada kencuana, Bumangonca, manganca iti adu a lasag.

Oseas 13:7

Gapuna a siac cas laac la leon cadacuada; cas la leopardo agsanebacto iti dalan.

Paltiing 13:2

Ket daydi animal a nakitac umas-asping iti maysa a leopardo, ket dagiti sacsacana cas la sacsaca ti oso, ket ti ngiwatna cas la ngiwat ti leon: ket inted daydi dragon kencuana ti pannacabalinna ken ti tronona, ken dackel a kinaturay.