Daniel 7:5 - Ti Biblia (1973)

⁵ Ket adtoy ti maicadua a sabali nga animal, nga umasping iti maysa nga oso; isu a naipangato iti maysa a sikigan, ket adda tallo a paragpag iti ngiwatna iti nagbaetan dagiti ngipenna: ket castoy ti kinunada kencuana, Bumangonca, manganca iti adu a lasag.

Ti Baro a Naimbag a Damag Biblia

⁵ Kasla oso ti maikadua nga animal. Agtaktakder kadagiti kammaudi a sakana ket tallo a paragpag ti kagkagatenna. Adda timek a nagkuna kenkuana, “Sige, agpennekka nga aglamut iti karne.”

Daniel 7:5 Iomraidhean Croise

2 Ar-ari 2:24

Ket isu timmaliaw ket nakitana ida, ket inlunodna ida iti nagan ni Jehova. Ket dua nga oso a cabaeyan rimmuarda iti bakir, ket pinisangpisangda ti uppat a pulo ket dua nga ubbing cadacuada.

Dagiti Proverbio 17:12

Nasaysayaat a masarac ti oso a babai a natacawan cadagiti annacna ngem iti maysa a tao a maag iti kinamaagna.

Isaias 56:9

Dacayo amin nga an-animal iti away umaycayo a mangalun-un, wen, dacayo amin nga an-animal ti bakir.

Daniel 11:2

Ket ita iparangconto kenca ti pudno. Adtoy, bumangonto pay laeng dagiti tallo nga ar-ari iti Persia, ket ti maicapat nabacbacnangto nga adayu ngem isuda amin: ket intono nagbalinen a napigsa a gapu iti kinabacnangna gargariennanto amin a maibusor iti pagarian ti Grecia.

Daniel 2:39

Ket iti calpasam tumacderto ti sabali a pagarian a nababbaba ngem sica; ken sabali a maicatlo ti pagarian a suer, isu a mangiturayto iti amin toy daga.

Daniel 5:28

Peres; ti pagariam maibingbingay, ket maited cadagiti Medos ken Persas.

Daniel 7:4

Ti umuna cas la leon ket addaan paypayac ti aguila: siac kinitkitac agingga a dagidi payacna naparparutda, ket naipangato a naggapu iti daga, ket napatacder cadagiti dua a sacsaca a cas maysa a tao; ket isu naiccan iti puso ti tao.

Daniel 7:6

Iti calpasan daytoy siac kinitac, ket adtoy, ti maysa a sabali nga umasping iti maysa a leopardo, nga adda uppat a payac ti tumatayab iti bucotna; ket ti animal adda met uppat nga olona; ket ti panagturay naited kencuana.

Oseas 13:8

Sarakecto ida cas maysa nga oso a napucawan cadagiti annacna, pigisecto ti cabbut iti pusoda; ket idiay alun-unecto ida cas la leon a cabaian; ti animal nga atap lasanglasangennanto ida.

Paltiing 13:2

Ket daydi animal a nakitac umas-asping iti maysa a leopardo, ket dagiti sacsacana cas la sacsaca ti oso, ket ti ngiwatna cas la ngiwat ti leon: ket inted daydi dragon kencuana ti pannacabalinna ken ti tronona, ken dackel a kinaturay.