Daniel 7:4 - Ti Biblia (1973)

⁴ Ti umuna cas la leon ket addaan paypayac ti aguila: siac kinitkitac agingga a dagidi payacna naparparutda, ket naipangato a naggapu iti daga, ket napatacder cadagiti dua a sacsaca a cas maysa a tao; ket isu naiccan iti puso ti tao.

Ti Baro a Naimbag a Damag Biblia

⁴ Kasla leon ti umuna ngem adda payakna a kasla agila. Nakitak a naparut dagiti payakna. Naipangato iti rabaw ti daga, ket nagtakder a kasla tao. Naikkan iti panunot ti tao.

Daniel 7:4 Iomraidhean Croise

2 Samuel 1:23

Ni Saul ken ni Jonatan isuda idi ti naayat ken nacaay-ayo iti panagbiagda, ket iti ipapatayda saanda a nagsina: isuda nasigsiglatda ngem cadagiti aguila, isuda napigpigsa idi ngem cadagiti leon.

Ti Libro ni Job 25:6

Anian a nacarcaro pay ti tao a maysa nga igges! Ken ti anac ti tao, a maysa nga igges.

Dagiti Salmo 9:20

Pagbutngem coma ida, O Jehova: dagiti nasnacion maammoanda coma nga isuda taoda laeng. (Selah)

Jeremias 25:38

Pinanawanna ti paglemmenganna, a cas ti leon; ta ti daga nagbalin a langalang a gapu iti rungsot ti mangirurumen a campilan, ken gapu iti narungsot nga ungetna.

Jeremias 4:13

Adtoy, isu sumang-atto a cas cadagiti ulep, ket dagiti luganna casdanto la alipugpug; dagiti cabayona naparpartacda ngem dagiti aguila. Asitayo pay! ta narbectayo,

Jeremias 4:7

Maysa a leon simmang-at manipud iti casamecanna, ken maysa a mangdadael cadagiti nasnacion; isu adda iti dalanna, rimmuar iti dissona, tapno aramidenna ti dagam a langalang, tapno dagiti il-ilim maracracda, nga awan ti agnaed.

Jeremias 48:40

Ta castoy ti cuna ni Jehova; Adtoy, tumayabto a cas aguila, ket ucradennanto dagiti payacna a maibusor iti Moab.

Jeremias 49:19

Adtoy, sumang-atto a cas la leon manipud iti kinalabiang ti Jordan: a maibusor iti nalagda a pagnaedan: ta pagtarayecto ida a pettat nga aggapu kencuana; ket siasino ti mapili, daydiay dutocacto iti ngatoenna: ta siasino ti cas caniac? ket siasino ti mangikeddeng caniac iti maysa a pannawen? ket siasino ti pastor nga agtacderto iti sangoc?

Dungdung-aw 4:19

Dagiti mangcamat cadacami nasigsiglatda ngem dagiti aguila iti tangatang: inanupandacami iti rabaw dagiti banbantay, nagsanebda cadacami iti let-ang.

Ezekiel 17:3

Ket cunaem, Castoy ti cuna ni Apo Jehova: Maysa a dackel nga aguila a dadackel dagiti payacna ken atiddog ti pawisna, napno cadagiti dutdot nga addaan nadumaduma a colcolor, immay idiay Libano, ket innalana ti ngudo ti cantingen:

Ezekiel 28:2

Anac ti tao, ibagam iti principe ti Tiro, Castoy ti cuna ni Apo Jehova: Agsipud ta ti pusom timmangsit, ket kinunam, Siac maysaac a dios, agtugawac iti tugaw ti Dios, iti tengnga dagiti baybay; nupay casta sica taoca, a saan a Dios, nupay insaadmo ti pusom a cas ti puso ti Dios;

Ezekiel 28:9

Cunaemto pay laeng aya iti sangoanan ti mamapatay kenca, Siac Diosac? ngem sica taoca, a saan a Dios, iti ima daydiay a mangsugat kenca.

Daniel 2:38

Ket sadinoman a pagnaedan dagiti annac dagiti tattao, dagiti an-animal ti tay-ac ken dagiti tumatayab iti langit inyawatna cadagiti imam, ket pinagbalinnaca nga agturay cadacuada amin: sica ti olo a balitoc.

Daniel 4:36

Iti daydi met laeng a pannawen ti nakemco nagpulang caniac, ket maipaay iti dayag ti pagariac, ti dayaw ken ti kinatan-occo nagpulangda caniac; ket dagiti consejerosco ken pangoloec sinapuldac; ket naisubliac iti pagariac, ket mangnibinibi a kinatan-oc nainayon caniac;

Daniel 7:12

Ket no maipapan iti nabati cadagiti an-animal, ti panagturayda naiccat: nupay casta dagiti biagda napawaywayan iti maysa a nadutocan a pannawen ken maysa a pannawen.

Daniel 7:5

Ket adtoy ti maicadua a sabali nga animal, nga umasping iti maysa nga oso; isu a naipangato iti maysa a sikigan, ket adda tallo a paragpag iti ngiwatna iti nagbaetan dagiti ngipenna: ket castoy ti kinunada kencuana, Bumangonca, manganca iti adu a lasag.

San Mateo 24:28

Uray sadino nga yan ti bagi a natay, aguurnongdanto met idiay dagiti agila.

Deuteronomio 28:49

Ni Jehova yegnanto a bumusor kenca ti maysa a nacion nga adda iti adayo, manipud iti pungto ti daga, a cas panagtayab ti aguila; maysa a nacion a dicanto maawat ti pagsasaona;

Paltiing 13:2

Ket daydi animal a nakitac umas-asping iti maysa a leopardo, ket dagiti sacsacana cas la sacsaca ti oso, ket ti ngiwatna cas la ngiwat ti leon: ket inted daydi dragon kencuana ti pannacabalinna ken ti tronona, ken dackel a kinaturay.