Daniel 7:1 - Ti Biblia (1973)

¹ Iti immuna a tawen ni Balsasar nga ari ti Babilonia ni Daniel adda idi maysa a tagtagainep ken parparmata ti olona iti iddana: idin insuratna ti tagtagainepna ket imbagana ti nacadagdagupanda.

Ti Baro a Naimbag a Damag Biblia

¹ Umuna idi a tawen a panagturay ni Ari Belsazar idiay Babilonia. Iti maysa a rabii a nakaiddaak, nagtagtagainepak ket nakakitaak iti maysa a parmata. Insuratko ti tagtagainepko, ket daytoy

Daniel 7:1 Iomraidhean Croise

Genesis 15:1

Calpasan dagitoy a banbanag immay ti sao ni Jehova ken Abram iti maysa a parparmata, a kinunana, Dica agbuteng, Abram: siac ti calasagmo ken ti gungonam a nawadwad unay.

Genesis 46:2

Ket ti Dios nakisao ken Israel cadagiti parparmata ti rabii, ket kinunana, Jacob, Jacob. Ket isu kinunana, Adtoyac.

Ti Libro ni Job 4:13

Cadagiti panpanunot nga agtaud cadagiti parparmata iti rabii, no sumamay ti nargaan a ridep cadagiti tattao.

Isaias 30:8

Inca ngarud ita, isu ti isuratmo iti sangoananda iti maysa a tapi, ket ilanadmo iti maysa a libro, tapno isu ti maipaay coma iti tiempo a sumungad, iti agnanayon nga awan inggana.

Isaias 8:1

Ket kinuna ni Jehova caniac, Mangalaca iti dackel a tapi, ket suratam iti rabawna iti pluma ti tao, Agpaay ken Maher-salal-hash-baz;

Jeremias 23:28

Ti mammadto nga addaan tagtagainepna, ibagana coma a tagtagainep; ket dayta nga addaan iti saoc, saoenna coma iti saoc a sipupudno. Ania aya ti garami iti trigo? cuna ni Jehova.

Jeremias 27:7

Ket amin dagiti nasnacion agservidanto kencuana, ken iti anacna a lalaki, ken iti anac a lalaki ti anacna a lalaki, agingga iti pannawen ti bucod na a daga dumteng: ket calpasanna adu a nasnacion ken dadackel nga ar-ari isu aramidendanto a bag-enda.

Jeremias 36:32

Iti casta innala ni Jeremias ti sabali a lucot, ket intedna ken Baruc nga escriba nga anac ni Nerias, isu a nangisurat kencuana cadagiti amin a sasao ti libro, a naggapu iti ngiwat ni Jeremias, isu a ni Joakim nga ari ti Juda pinuuranna iti apuy; ket nainayon pay cadacuada dagiti adu a sasao nga umas-asping.

Jeremias 36:4

Idin inayaban ni Jeremias ni Baruc nga anac ni Nerias; ket nanipud iti ngiwat ni Jeremias insurat ni Baruc iti sangcalucot a libro dagiti amin a sasao ni Jehova, isu nga insaona kencuana.

Ezekiel 1:1

Ket naaramid idi maicatlopulo a tawen, iti bulan a maicapat, iti maicalima nga aldaw ti bulan, idi addaac cadagiti nacayawan iti denna ti carayan a Kebar, a dagiti langlangit naluctanda, ket nakitac dagiti sirmata ti Dios.

Ezekiel 40:2

Cadagiti sirmata ti Dios isu impannac iti daga ti Israel, ket indissonac iti rabaw ti maysa a nangato unay a bantay, isu a yan idi ti cas caasping ti maysa nga ili iti abagatan.

Daniel 1:17

Ket no maipapan cadagitoy uppat a babbaro iniccan ida ti Dios iti pannacaammo ken kinalaing iti isu-amin a sursuro ken sirib, ket ni Daniel adda pannacaawatna cadagiti isu-amin a sirmata ken tagtagainep.

Daniel 2:1

Ket iti maicadua a tawen ti panagari ni Nabucodonosor, ni Nabucodonosor naaddaan cadagiti tagtagainep; ket ti espirituna nariribuc, ket ti turogna napucawna.

Daniel 2:26

Simmungbat ti ari, ket kinunana ken Daniel, a ninaganda ti Baltasar, Mabalinmo nga ipalawag caniac ti tagtagainep a nakitac ken iti catarusanna?

Daniel 4:13

Nakitac cadagiti parparmata ti oloc iti iddac, ket adtoy, maysa nga agay-aywan ken maysa a santo bimmaba a naggapu sadi langit.

Daniel 4:5

Nakitac iti maysa a tagtagainep a nagbutngac; ket dagiti panunot iti iddac ken dagiti parparmata iti oloc riniribucdac.

Daniel 5:1

Ni ari Balsasar nangaramid iti maysa a dackel a rambac a maipaay cadagiti sangaribo a pangoloenna, ket imminum iti arac iti sangoanan dagiti sangaribo.

Daniel 5:22

Ket sica nga anacna, O Balsasar, saanmo a pinagpacumbaba ta pusom, nupay pagaammom idi amin daytoy,

Daniel 5:30

Iti dayta a rabii ni Balsasar nga ari dagiti Caldeos napapatay.

Daniel 7:13

Nakitac cadagiti parparmata ti rabii, ket adtoy, immay babaen cadagiti ululep ti langit ti maysa a cas la anac ti tao, ket dimteng ti dati a lacay, ket isu inyasidegda iti saclangna.

Daniel 7:15

No maipapan caniac Siac ni Daniel, ti espirituc naldaang idi iti unegco ket dagiti parparmata iti oloc riniribucdac.

Daniel 7:7

Iti calpasan daytoy nakitac cadagiti parparmata iti rabii, ket adtoy, ti maicapat nga animal, nacakigkigtot ken maingel, ken napalalo ti pigsana; ket addaan dadackel a ngipngipenna a landoc; isu a nanglamut ken nagtumec, ket ti nabati impayatpayatna cadagiti sacana: ket isu naiduma cadagiti amin nga an-animal nga immun-una ngem isu: ket adda idi sangapulo a sarana.

Daniel 8:1

Iti maicatlo a tawen iti panagari ni ari Balsasar nagparang caniac ti maysa a sirmata, caniac met laeng, Siac ni Daniel, calpasan daydi a nagparang caniac nga immun-una.

Joel 2:28

Ket maaramidto iti calpasanna, nga ibucbocconto ti Espirituc iti amin a lasag; ket dagiti annacyo a lallaki ken babbai agipadtodanto, dagiti lallacayyo agtagtagainepdanto cadagiti tagtagainep; dagiti agtutuboyo a lallaki macakitadanto cadagiti sirsirmata:

Amos 3:7

Kinapudnona awanto ti aramiden ni Apo Jehova a dinto maipalgac ti palimedna cadagiti adipenna, dagiti mammadto.

Habakuk 2:2

Ket ni Jehova simmungbat caniac, ket kinunana, Isuratmo ti sirmata, ket aramidem a nabatad cadagiti tapi, tapno napardas coma a basaen.

Numero 12:6

Ket kinunana, Denggenyo ita dagiti sasaoc: no adda maysa a mammadto cadacayo, siac a Jehova ipacammocto kencuana ti bagic iti maysa a parparmata, makisaoacto kencuana iti tagtagainep.

Taga-Roma 15:4

Ta dagup dagiti immun-una a naisuraten, naisuratdan tapno pacasursuroantayo, tapno gapu iti anus ken iti liwliwa dagiti Sursurat, maaddaantayo coma ti inanama.

2 Taga-Corinto 12:1

Masapul ti agpasindayaw nupay saan a maiparbeng; ngem saritaecto dagiti parparmata ken dagiti paltiing ti Apo.

Paltiing 1:19

Isuratmo, ngarud dagiti banbanag a nakitam ken dagiti adda ita, ken dagiti mapasamacto calpasan dagitoy:

Paltiing 10:4

Ket idi a dagidi pito a gurrood nagunidan innac coma agsurat, ket nangngegco ti maysa a timec a naggapu sadi langit a nagcuna: Selloam dagiti banag a binalicas dagiti pito a gurrood, ket dica isurat ida.