Daniel 5:4 - Ti Biblia (1973)

⁴ Nagiinumda iti arac, ket dinaydayawda dagiti didios a balitoc, ken pirac, ken suer, ken landoc, ken cayo, ken bato.

Ti Baro a Naimbag a Damag Biblia

⁴ bayat ti panagdaydayawda kadagiti didiosen a naaramid iti balitok, pirak, bronse, landok, kayo ken bato.

Daniel 5:4 Iomraidhean Croise

1 Ar-ari 1:49

Ket amin dagiti inawis ni Adonia nagkigtotda, ket timmacderda, ket napan ti tunggal lalaki iti dalanna.

Isaias 42:17

Mapasublidanto, maibabaindanto unay, dagiti agtalec cadagiti kinitikitan a ladladawan, nga agcuna cadagiti sinocog a ladladawan, Dacayo dagiti diosmi.

Isaias 42:8

Siac ni Jehova, dayta ti naganco; ket ti dayagco diacto ited iti sabali, ket diac met ited ti dayawco cadagiti kinitikitan a ladladawan.

Daniel 1:8

Ngem ni Daniel pinanggepna iti pusona ti saanna a pannacatulaw cadagiti taraon ti ari ken ti arac nga in-inumenna; iti casta dinawatna iti pangulo dagiti eunuco iti saanna coma a pannacatulaw.

Daniel 4:37

Ngarud siac, ni Nabucodonosor, dayawec ken itandudoc ken itan-occo ti ari ti langit, agsipud ta amin nga aramidna pudnoda, ket dagiti dalanna kinajusticia; ket isu mabalinna a pagpacumbabaen dagiti magna iti kinatangsit.

Daniel 5:23

No di ket timmangsitca a maibusor iti Apo ti langit; ket inyegda iti sangoanam dagiti al-alicamen ti balayna, ket sica ken dagiti pangoloem, dagiti asawam ken camalalam naginumanyo ida iti arac, ket dinaydayawmo dagiti didios a pirac ken balitoc, ken suer, landoc, cayo, ken bato, isuda a di makakita, macangngeg, wenno macaammo; ket ti Dios nga iti imana isu ti yan ti angesmo, ken yan dagiti amin a dalanmo, saanmo nga intan-oc.

Daniel 5:3

Iti casta naisangpetda dagiti al-alicamen a balitoc nga innalada iti templo a balay ti Dios nga adda idi idiay Jerusalem; ket naginumanda ida, ti ari ken dagiti pangoloenna, dagiti asawana ken camalalana.

Daniel 5:5

Iti daydi met la nga horas, rimmuar dagiti ramay ti ima ti maysa a lalaki, ket nagsuratda iti batug ti candelero iti palitada ti diding ti palacio ti ari; ket ti ari nakitana ti paset ti ima a nagsurat.

Amos 6:7

Gapuna a maicuyogda cadagiti umuna a macayawan, ket maiccatton ti nalabes a panagragsac dagiti agin-inat.

Habakuk 2:19

Asi pay daydiay nga agcuna iti cayo, Agriingca; iti umel a bato, Tumacderca! Mangisuronto aya daytoy? Adtoy, nga isu nacalupcupan iti balitoc ken pirac, ket awan ti aniaman nga anges iti unegna.

Dagiti Aramid 17:29

Idinto ngarud a caputotannatayo ti Dios, ditay rebbeng a pagarupen a ti Dios umasping iti balitoc wenno iti pirac, wenno iti bato a kinitikitan nga parnuay ti laing ken ti isip ti tao.