Daniel 5:2 - Ti Biblia (1973)

² Ni Balsasar idi a naramananna ti arac, nagbilin a yegda dagiti al-alicamen a balitoc ken pirac nga insangpet ni Nabucodonosor nga amana a naggapu iti templo idiay Jerusalem, tapno paginuman coma met ti ari ken dagiti pangoloenna, ken castada met, dagiti asawana ken dagiti camalalana.

Ti Baro a Naimbag a Damag Biblia

² Idi agiinumda, pinaala ni Belsazar dagiti alikamen a balitok ken pirak a sinamsam ni tatangna a Nebucadnesar iti Templo idiay Jerusalem. Pinaalana ida tapno paginumanda kadagiti ofisialesna, dagiti assawa ken kamalalana.

Daniel 5:2 Iomraidhean Croise

2 Samuel 9:7

Ket ni David kinunana kencuana, Saanca coma nga agbuteng; ta siac pudno nga iparangarangconto kenca ti caasi a gapu ken ni Jonatan nga amam, ket isublicto kenca dagiti amin a dagdaga ni Saul nga amam; ket mangancanto a canayon iti taraon iti lamesaanco.

2 Ar-ari 24:13

Ket impanawna sadiay amin dagiti gamgameng ti balay ni Jehova, ken dagiti gamgameng ti balay ti ari, ket binurburacna dagiti isu-amin nga alicamen a balitoc, nga inaramid idi ni Salomon nga ari ti Israel iti templo ni Jehova, cas kinuna idi ni Jehova.

2 Ar-ari 25:15

Ket dagiti pagiccan ti beggang, ken dagiti bacca, dagidi a balitoc, iti balitoc, ken dagidi a pirac, iti pirac; di capitan ti guardia impanna.

2 Cronicas 11:20

Ket calpasanna innalana ni Maaca nga anac a babai ni Absalom: ket impasngayna kencuana da Abias, Atai, Ziza, ken Selomit.

2 Cronicas 15:16

Ket castamet ni Maaca nga ina ni ari Asa isu iniccatna iti kinareina, gapu ta isu nagaramid iti maysa a nacarimrimon a ladawan a maipaay iti maysa nga Ashera; ket ni Asa pinucanna ti ladawanna ket pinagbalinna a tapoc, ket pinuuranna idiay waig a Cedron.

2 Cronicas 36:10

Ket ti panagbaliw ti tawen ni ari Nabucodonosor nagbaon, ket insangpetna idiay Babilonia, agraman cadagiti nasayaat nga al-alicamen ti balay ni Jehova, ket inaramidna ni Sedecias a cabsatna nga ari ti Juda ken Jerusalem.

2 Cronicas 36:18

Ket amin nga al-alicamen ti balay ti Dios, dackel ken bassit, ken dagiti gamgameng ti balay ni Jehova, ken dagiti gamgameng ti ari ken dagiti pangpangoloenna, amin dagitoy impanna idiay Babilonia.

ESDRAS 5:14

Ket ti balitoc ken pirac nga al-alicamen met ti balay ti Dios, nga innala idi ni Nabucodonosor iti templo nga adda idi idiay Jerusalem, ket inyegna iti templo ti Babilonia, dagitoy ni Ciro nga ari inruarna iti templo ti Babilonia, ket inyawatna gitoy inruar ni Ciro nga ari iti templo ti Babilonia, ket inyawatna ida iti maysa a managan iti Sesbassar, isu a pinaggobernadorna;

Jeremias 27:7

Ket amin dagiti nasnacion agservidanto kencuana, ken iti anacna a lalaki, ken iti anac a lalaki ti anacna a lalaki, agingga iti pannawen ti bucod na a daga dumteng: ket calpasanna adu a nasnacion ken dadackel nga ar-ari isu aramidendanto a bag-enda.

Jeremias 50:35

Ti campilan agdisso cadagiti Caldeos, cuna ni Jehova, ken cadagiti agnaed sadi Babilonia, ken cadagiti piprincipena, ken cadagiti mamasiribna.

Jeremias 52:19

Ket dagiti copa, ken dagiti pagiccan ti apuy, ken dagiti bacca, ken dagiti caldero, ken dagiti candelero, ken dagiti cuchara, ken dagiti malucong—dagidiay balitoc nainayon, iti balitoc, ken dagidiay pirac, ito pirac,—ti capitan ti guardia innalana.

Daniel 1:2

Ket ti Apo inyawatna cadagiti im-imana ni Joakim, ari ti Juda, agraman dadduma nga al-alicamen ti balay ti Dios; ket impanna ida, iti daga a Sinar iti balay ti diosna, ket inserrecna dagiti alicamen iti balay a paggamengan ti diosna.

Daniel 5:11

Adda maysa a lalaki iti pagariam, isu a pagtaengan ti espiritu dagiti nasantoan a didios; ket cadagiti al-aldaw ni amam nasarac kencuana ti silaw ken pannacaawat ken sirib, a cas ti sirib dagiti didios; ket ni ari Nabucodonosor, nga amam, ti ari, cunac, ni amam isu ti inaramidna nga apo dagiti magos, bagbaglan, Caldeos, ken mammadles;

Daniel 5:13

Iti casta ni Daniel naisangpet iti saclang ti ari. Ti ari nagsao ket kinunana ken Daniel, Sica daydi Daniel, a nagtaud cadagiti annac ti pannacacayaw ti Juda, nga inruar ti ari nga amac idiay Juda?

Daniel 5:18

O sica nga ari, ti Cangatoan a Dios intedna ken Nabucodonosor nga amam ti pagarian, ken ti kinatan-oc, ken kinadayaw, ken kinadaeg.

Daniel 5:23

No di ket timmangsitca a maibusor iti Apo ti langit; ket inyegda iti sangoanam dagiti al-alicamen ti balayna, ket sica ken dagiti pangoloem, dagiti asawam ken camalalam naginumanyo ida iti arac, ket dinaydayawmo dagiti didios a pirac ken balitoc, ken suer, landoc, cayo, ken bato, isuda a di makakita, macangngeg, wenno macaammo; ket ti Dios nga iti imana isu ti yan ti angesmo, ken yan dagiti amin a dalanmo, saanmo nga intan-oc.

Daniel 5:3

Iti casta naisangpetda dagiti al-alicamen a balitoc nga innalada iti templo a balay ti Dios nga adda idi idiay Jerusalem; ket naginumanda ida, ti ari ken dagiti pangoloenna, dagiti asawana ken camalalana.

Daniel 5:30

Iti dayta a rabii ni Balsasar nga ari dagiti Caldeos napapatay.

Daniel 5:4

Nagiinumda iti arac, ket dinaydayawda dagiti didios a balitoc, ken pirac, ken suer, ken landoc, ken cayo, ken bato.

Numero 7:79

Ti datonna idi maysa a pinggan a pirac a ti timbengna sangagasut ket tallopulo a siclo, maysa a malucong a pirac a pitopulo a siclo, a cas ti siclo ti santuario; agpadada a napno iti namayecmec a bellaay a nagamayan iti lana a maipaay a daton a macan;