Daniel 4:7 - Ti Biblia (1973)

⁷ Idin immay dagiti magos, baglan, Caldeos, ken dagiti mammagbaglan, Caldeos, ken dagiti mammadles; ket sinaritac ti tagtagainep iti sangoananda; ngem dida naipacaammo caniac ti catarusanna.

Ti Baro a Naimbag a Damag Biblia

⁷ Dimmatag ngarud kaniak dagiti mammadles, salamangkero, mammuyon ken astrologo. Sinaritak kadakuada ti tagtagainepko, ngem dida maibaga ti kaipapananna.

Daniel 4:7 Iomraidhean Croise

Genesis 41:24

Ket dagiti naeppes a dawdawa inalununda dagiti pito a nasayaat a dawdawa: ket imbagac cadagiti mamasirib; ngem awan idi ti macaipalawag iti caipapananna caniac.

Genesis 41:8

Ket naaramid iti cabigatanna, a naculcolan ti cararuana; ket nagbaon ket pinaayabanna amin dagiti managsalamangca sadi Egipto, ken amin dagiti mamasirib ti daga: ket ni Faraon sinaritana cadacuda ti tagtagainepna; ngem awan cadacuada ti nacaipalawag ken Faraon.

Dagiti Salmo 37:35

Nakitac ti nadangkes iti naidaclan a pannacabalin, ket agsalumpayac a cas nalasbang a cayo iti tinuboanna a daga.

Isaias 44:25

A mangdadael cadagiti pagilasinan dagiti managulbod, ken mamagpungtot cadagiti mammadles; ken mangbalictad cadagiti mamasirib a tattao, ken mangaramid iti pannacaammoda a kinamaag;

Ezekiel 31:3

Adtoy, ti Asirio isu maysa idi a cantingen idiay Libano nga adda napintas a sangsangana, ken linong a cas iti bakir, ken ti nawasnay a tayagna; ket ti tuctocna adda idi iti nagtengngaan dagiti nasamec a sangsanga.

Daniel 1:4

Babbaro nga cadacuada awan ti pacapilawan, no di ket nataraki, ket naisuroda iti amin a kita ti sirib, nga adda cadacuada ti pannacaammo ken kinalaing iti ciencia, ken naaddaan pannacabalinda a pimmarang iti palacio ti ari; ket isurona coma cadacuada ti sursuro ken ti pagsasao dagiti Caldeos.

Daniel 2:10

Dagiti Caldeos simmungbatda iti saclang ti ari ket kinunada, Awan ti tao ditoy rabaw ti daga a macabalin a mangiparang iti banag ti ari, nangrona pay awan ti ari, apo, wenno agturay a nagsaludsud iti castoy iti siasinoman a mago, wenno baglan, wenno Caldeo.

Daniel 2:27

Ni Daniel simmungbat iti saclang ti ari, ket kinunana: Ti palimed a kiniddaw ti ari, uray mamasirib, uray bagbaglan, uray magos ken agraman pay mammadles, saanda a mabalin nga ipalgac iti ari.

Daniel 2:7

Simmungbatda iti maicadua a daras, ket kinunada, Ibaga coma ti ari ti tagtagainep cadagiti adipenna ket iparangminto ti catarusanna.

Daniel 3:8

Gapu itoy iti daydi met la a pannawen dadduma cadagiti Caldeos immasidegda ket indarumda dagiti Judios.

Daniel 4:18

Siac, ari Nabucodonosor, nakitac daytoy a tagtagainep; ket sica, O Baltasar, ipalawagmo caniac ti catarusanna agsipud ta amin dagiti mamasirib ditoy pagariac saanda a mabalin nga ipacaammo ti catarusanna, ngen sica mabalinmo; ta adda kenca ti espiritu dagiti nasantoan a didios.

Daniel 5:7

Ti ari nagpuccaw a natbag, a mayeg coma dagiti baglan, Caldeos, ken mammadles. Nagsao ti ari ket kinunana cadagiti mamasirib sadi Babilonia, asinoman a macabasa itoy a surat, ket iparangna caniac ti catarusanna, macawesanto iti purpura, ket addanto tanicala a mayuccor iti tengngedna, ket iti pagarian maitan-octo a maicatlo nga agturay.

Daniel 5:8

Iti casta simrec amin dagiti mamasirib ti ari; ngem dida nabalin a binasa daydi surat, ket dida met naipacaammo iti ari ti catarusanna.