Daniel 4:6 - Ti Biblia (1973)

⁶ Gapu itoy nangaramidac iti bilin a mayeg itoy saclangco dagiti amin a mamasirib ti Babilonia, tapno iparangda coma caniac ti catarusan ti tagtagainep.

Ti Baro a Naimbag a Damag Biblia

⁶ Pinaayabak dagiti amin a mamasirib iti Babilonia tapno ibagada ti kaipapanan ti tagtagainepko.

Daniel 4:6 Iomraidhean Croise

Exodo 7:11

Idin ni Faraon nangayab met cadagiti mamasirib ken managsalamangca: ket isuda met, dagiti a managsalamangcada a taga Egipto, inaramidda met ti casdiay a salamangcada.

Isaias 8:19

Ket intono saoenda cadacayo, Umumancayo cadagiti baglan, ken cadagiti mammuyon, nga agarasaas ken agtanabutob: saan aya a rebbeng coma dagiti umili nga umumanda iti Diosda? gapu cadagiti sibibiag umumanda aya cadagiti natay?

Daniel 1:17

Ket no maipapan cadagitoy uppat a babbaro iniccan ida ti Dios iti pannacaammo ken kinalaing iti isu-amin a sursuro ken sirib, ket ni Daniel adda pannacaawatna cadagiti isu-amin a sirmata ken tagtagainep.

Daniel 2:2

Idin ti ari nagpaayab cadagiti magos, baglan, managanito ken Caldeos, tapno ipatarusda coma iti ari dagiti tagtagainepna. Simrecda ngarud ket nagtacderda iti saclang ti ari.

Daniel 2:48

Idin ti ari intan-ocna ni Daniel, ket iniccanna cadagiti adu a dadackel a sagsagut, ket isu insaadna nga agturay iti amin a provincia ti Babilonia, ken cangronaan a gobernador ti amin a mamasirib idiay Babilonia.

Daniel 4:15

Nupay casta ibatiyo ti puon dagiti ramutna iti daga, a sibebedbed iti landoc ken gambang iti nagtengngaan dagiti naganos a root iti tay-ac; ket maslep coma iti linnaaw ti langit; ket ti pagbiagna makibingay coma iti root ti daga cadagiti an-animal:

Daniel 5:11

Adda maysa a lalaki iti pagariam, isu a pagtaengan ti espiritu dagiti nasantoan a didios; ket cadagiti al-aldaw ni amam nasarac kencuana ti silaw ken pannacaawat ken sirib, a cas ti sirib dagiti didios; ket ni ari Nabucodonosor, nga amam, ti ari, cunac, ni amam isu ti inaramidna nga apo dagiti magos, bagbaglan, Caldeos, ken mammadles;

Daniel 5:7

Ti ari nagpuccaw a natbag, a mayeg coma dagiti baglan, Caldeos, ken mammadles. Nagsao ti ari ket kinunana cadagiti mamasirib sadi Babilonia, asinoman a macabasa itoy a surat, ket iparangna caniac ti catarusanna, macawesanto iti purpura, ket addanto tanicala a mayuccor iti tengngedna, ket iti pagarian maitan-octo a maicatlo nga agturay.