Daniel 4:3 - Ti Biblia (1973)

³ Anian a nagdackel dagiti pagilasinanna! ket anian a pannacabalin dagiti nacascasdaaw nga aramidna! Ti pagarianna isu ti pagarian nga awan inggana, ket ti panagturayna manipud caputotan agingga iti caputotan.

Ti Baro a Naimbag a Damag Biblia

³ “Naindaklan dagiti datdatlag nga ipakita ti Dios kadatayo! Nabileg unay dagiti nakaskasdaaw a banag nga aramidenna! Agnanayon ti pagarianna ket agturay iti amin a tiempo.

Daniel 4:3 Iomraidhean Croise

Ti Libro ni Job 25:2

Ti panagturay ken buteng addada kencuana; isu aramidenna ti talna cadagiti nangato a disdissona.

Dagiti Salmo 104:24

O Jehova, anian a nagadu dagiti ar-aramidmo! Nainsiriban ti panangaramidmo cadacuada amin: ti daga napno iti pagsanicuaam.

Dagiti Salmo 105:27

Incabilna iti tengngada dagiti pagilasinanna, ken datdatlag iti daga ni Cam.

Dagiti Salmo 145:13

Ti pagariam agnanayon a pagarian, ti panagturaymo mataginayon cadagiti amin a caputotan.

Dagiti Salmo 66:7

Isu agturay babaen ti pannacabalinna iti agnanayon; dagiti matana ti nasungit saanda coma a macapagpasindayaw. (Selah)

Dagiti Salmo 72:18

Bendito ni Jehova a Dios, Dios ti Israel, nga isu laeng ti agaramid cadagiti nacascasdaaw a banbanag:

Dagiti Salmo 77:19

Ti dalanmo adda idi iti taaw, ket dagiti danam cadagiti dadackel a dandanum, ken dagiti tugtugotmo saan ida a nailasin.

Dagiti Salmo 86:10

Ta sica naidaclanca, ket agaramidca cadagiti nacascasdaaw: sicsica laeng ti Dios.

Dagiti Salmo 92:5

Anian a nagdadackel dagiti ar-aramidmo, O Jehova! Dagiti panpanunotmo naunegda unay.

Isaias 25:1

O Jehova, sica ti Diosco; sica ti itan-occo, dayawecto ti naganmo; ta nagaramidca cadagiti nacascasdaaw, cas cadagiti pammatigmaan idi ugma, iti kinamatalec ken kinapudno.

Isaias 28:29

Daytoy agtaud met laeng ken ni Jehova dagiti buybuyot, isu a pagsidsiddaawan a mamalacad, ken mangnibinibi iti kinasirib.

Isaias 9:7

Ti idadackel ti panangiturayna ken ti cappia awanto ti inggana, iti trono ni David, ken iti pagarianna, tapno bangonenna, ken salimetmetanna babaen iti kinajusticia ken kinalinteg manipud ita ken iti agnanayon. Ti regta ni Jehova dagiti buybuyot ti mangaramidto iti daytoy.

Jeremias 10:10

Ngem ni Jehova isu ti pudno a Dios; isu ti sibibiag a Dios, ken agnanayon nga Ari; gapu iti pungtotna ti daga agkintayeg, ket dagiti nasnacion saanda a maibturan ti ungetna.

Daniel 2:2

Idin ti ari nagpaayab cadagiti magos, baglan, managanito ken Caldeos, tapno ipatarusda coma iti ari dagiti tagtagainepna. Simrecda ngarud ket nagtacderda iti saclang ti ari.

Daniel 2:44

Ket cadagiti al-aldaw dagita nga ar-ari, ti Dios ti langit mamangonto iti maysa a pagarian nga caanoman dinto madadael ket ti panagturayna dinto met maited iti sabali nga ili; ngem burakennanto ken ibusennanto amin dagitoy a pagpagarian, ket isu agtalinaedto iti agnanayon.

Daniel 4:17

Ti pangngeddeng nagtaud iti panagbilin dagiti agay-aywan, ket ti dawat nagtaud iti sao dagiti sasanto, tapno maawatan dagiti sibibiag a ti Cangatoan agturay iti pagarian dagiti tattao, ket isu itedna iti siasinoman a cayatna, ket pagturayenna kencuana dagiti canonomoan a tattao.

Daniel 7:14

Ket isu naiccan iti panagturay, ken dayag, ken maysa a pagarian, nga amin dagiti il-ili, nasnacion, ken pagsasao agservida coma kencuana: ti panagturayna agnanayon a panagturay a dinto mapalabas, ket ti pagarianna dinto maduprac.

Daniel 7:27

Ket iti pagarian ken panagturay, ken iti kinadackel dagiti pagpagarian iti babaen ti amin a langit maiteddanto cadagiti il-ili dagiti sasanto ti Cangatoan: ti pagarianna agnanayon a pagarian, ket amin a pagturayan agservi ken agtulnogdanto kencuana.

Taga-Roma 11:33

O nagunegen dagiti kinabacnang ti sirib ken ti met pannacaammo ti Dios! ania ketdin ti saan a pannacatucod cadagiti pakinakemna; ken ti saan a pannacasukimat cadagiti cadawyanna!

Deuteronomio 4:34

Wenno pinadas ti Dios ti napan nangala ti maysa a nacion a cucuana iti tengnga ti sabali a nacion, gapu cadagiti panangsusuut, gapu cadagiti pagilasinan, ken gapu cadagiti nacascasdaaw, ken gapu iti gubat, ken gapu iti mannacabalin nga ima, ken gapu iti siuunnat a tackiag, ken gapu cadagiti dadackel a pagkigtotan, a cas ti nacadagupan ti inaramid cadacayo ni Jehova a Diosyo sadi Egipto iti sango dagiti matayo?

1 Timoteo 1:17

Ket iti ari cadagiti ginasgasut a tawen, saan a matay, di makita, iti maymaysa a Dios madaydayaw ken mapadayag coma iti agnanayon nga awan inggana, Amen.

Hebreo 1:8

Ngem maipapan iti Anac cunana: Ti tronom, O Dios, mataginayon awan inggana: Ket ti cetro ti kinalinteg, isu ti cetro ti pagariam.

Hebreo 2:4

Ket bimmuyog met cadacuada ti Dios a sinacsianna cadagiti pagilasinan ken nacascasdaaw ken nadumaduma a kita dagiti pannacabalin, ken sagsagut ti Espiritu Santo, cas iti pagayatanna.

1 Pedro 4:11

No ti siasinoman nga agsao, agsao coma cas cadagiti sasao ti Dios; no ti maysa agservi cas coma iti pannacabalin nga inted ti Dios: tapno ti Dios madaydayaw coma cadagiti isu-amin a banbanag, gapu ken Jesu-Cristo; isu a makincua iti dayag ken iti panagturay iti agnanayon nga awan inggana. Amen.

Paltiing 11:15

Ket daydi maicapito nga angel nagtangguyob: ket simmaruno dagiti dacdackel a timec idiay langit, ket kinunada: Ti pagarian ti lubong nagbalin a cucua ni Apotayo ken ni Cristona: Ket agoninto nga awan ingana.