Daniel 3:7 - Ti Biblia (1973)

⁷ Gapuna iti daydi a pannawen a pannacangngeg dagiti amin nga inilinili iti timec ti tangguyob, flauta, arpa, sacabuche, salterio, sinfonia, ken amin a kita ti musica, isu-amin nga, inilin-ili nasnacion ken pagsasao, nagpaclebda, ket nagdaydayawda iti ladawan a balitoc a binangon ni ari Nabucodonosor.

Ti Baro a Naimbag a Damag Biblia

⁷ Ngarud, idi mangngeg dagiti tattao ti uni dagiti instrumento, nagpakleb dagiti tattao iti amin a nasion, puli ken pagsasao ket nagdaydayawda iti estatua a balitok nga impasdek ni Ari Nebucadnesar.

Daniel 3:7 Iomraidhean Croise

Jeremias 51:7

Ti Babilonia isu idi ti copa a balitoc iti ima ni Jehova, a nagbartecan ti amin a lubong; dagiti nasnacion ininumda ti aracna, gapuna dagiti nasnacion agmauyongda.

Daniel 2:46

Iti casta ni ari Nabucodonosor nagpacleb, ket nagrucbab ken Daniel, ket imbilinna a mangipaayda coma kencuana iti maysa a daton ken bangbanglo.

Daniel 3:10

Sica, O ari, nangaramidca ti bilin nga amin a tao a macangngeg iti timec ti tangguyob, flauta, arpa, sacabuche, salterio, sinfonia, ken amin a kita ti musica, agpaclebto ken agdaydayaw iti ladawan a balitoc;

Daniel 3:4

Idin ti agipacpacdaar inriawna a natbag, Maibilin cadacayo, O il-ili, nasnacion ken pagsasao,

Daniel 3:5

Nga iti uray ania a pannawen a pannacangngegyo iti timec ti tangguyob, flauta, arpa, sacabuche, salterio, sinfonia, ken amin a kita ti musica, agpaclebcayo, ket agdaydayawcayo iti ladawan a balitoc nga impatacder ni ari Nabucodonosor;

Daniel 3:6

Ket siasinoman a di agpacleb ken agdaydayaw iti dayta met la nga horas maitappuacto iti tengnga ti sumsumged ken dumardarang nga horno.

Daniel 3:8

Gapu itoy iti daydi met la a pannawen dadduma cadagiti Caldeos immasidegda ket indarumda dagiti Judios.

Dagiti Aramid 14:16

Isu a cadagiti caputotan a limmabas, impalubosna cadagiti amin a nacion, a nagnada cadagiti daldalanda.

1 Juan 5:19

Ammotayo a datayo tattaonatayo ti Dios, ket ti isu-amin a lubong adda iti babaen ti dakes.

Paltiing 12:9

Ket naigarangogong daydi dackel a dragon, daydi uleg a cadaanan nga isu ti managan ti Diablo ken Satanas, isu a mangallilaw iti isu-amin a lubong; naitapuac itoy daga, ket dagidi angelna naitapuacda a naicanunong kencuana.

Paltiing 13:14

Ket allilawenna dagiti agnaed iti rabaw ti daga, gapu cadagiti pagilasinan a naited kencuana nga aramiden, iti imatang daydi animal, a cuncunana cadagiti agnaed iti rabaw ti daga, a mangaramidda coma iti maysa a ladawan di animal a nasugatan iti campilan, ket nagbiag.

Paltiing 13:3

Ket nakitac daydi maysa cadagidi ol-olona a cas la nasugatan ti ipatay ket daydi sugatna a macapatay naagasan; ket isu-amin a daga nagsidsiddaawda a simmurot idi animal.

Paltiing 13:8

Ket isu-amin dagiti agnaed iti rabaw ti daga pagdaydayawandanto, dagidiay saan a naisurat dagiti nagnaganda iti libro ti biag ti Cordero a napapatay, nanipud idi pannacabangon toy lubong.

Paltiing 17:8

Daydiay animal a nakitam, isu ti adda idi ket awan ita, ket nganngani rummuar iti mangliwengliweng, ken mapan iti pacapucawan. Ket dagiti agnaed iti rabaw ti daga, a dagiti nagnaganda saanda a naisurat iti pagbasaan ti biag nanipud idi pannacabangon toy lubong agsiddaawdanto inton makitada ti animal, no casano ti caaddana idi, ket awan ita ken caaddananto.

Paltiing 19:20

Ket natiliw daydi animal, ket nairaman kencuana daydi saan a pudno a mammadto a nagar-aramid cadagiti datdatlag iti sangoananna, isuda a pinangalallilawna cadagiti immawat iti marca daydi animal, ken dagidi nagrucrucbab iti ladawanna. Dagitoy dua naitappuacda a sibibiag idi danaw ti apuy a dumardarang nga addaan azufrena: