Daniel 3:5 - Ti Biblia (1973)

⁵ Nga iti uray ania a pannawen a pannacangngegyo iti timec ti tangguyob, flauta, arpa, sacabuche, salterio, sinfonia, ken amin a kita ti musica, agpaclebcayo, ket agdaydayawcayo iti ladawan a balitoc nga impatacder ni ari Nabucodonosor;

Ti Baro a Naimbag a Damag Biblia

⁵ Mangngegyonto ti uni ti trumpeta, flauta, lira, sakabutse, ken arpa a sarunoen a danggayan dagiti dadduma a kita ti instrumento. Apaman a mangrugi ti tokar, agpakleb ken agdaydayawkayo iti estatua a balitok nga impasdek ni Ari Nebucadnesar.

Daniel 3:5 Iomraidhean Croise

Dagiti Salmo 115:4

Dagiti didiosen pirac ken balitoc, ti aramid dagiti im-ima dagiti tattao.

Daniel 2:46

Iti casta ni ari Nabucodonosor nagpacleb, ket nagrucbab ken Daniel, ket imbilinna a mangipaayda coma kencuana iti maysa a daton ken bangbanglo.

Daniel 3:10

Sica, O ari, nangaramidca ti bilin nga amin a tao a macangngeg iti timec ti tangguyob, flauta, arpa, sacabuche, salterio, sinfonia, ken amin a kita ti musica, agpaclebto ken agdaydayaw iti ladawan a balitoc;

Daniel 3:15

Ita ngarud no sisasaganacayo a no mangngegyo ti timec ti tangguyob, flauta, sacabuche, arpa, salterio, sinfonia, ken amin a kita ti musica, agpacleb ken agdaydayawcayo iti ladawan a balitoc a pinaaramidco naimbag: ngem no dicay pagdaydayawan, iti dayta met la nga horas maitappuaccayto iti tengnga ti maysa nga horno a sumsumged ken dumardarang; ket siasinonto a dios ti mangisalacan cadacayo cadagitoy im-imac?

Daniel 3:7

Gapuna iti daydi a pannawen a pannacangngeg dagiti amin nga inilinili iti timec ti tangguyob, flauta, arpa, sacabuche, salterio, sinfonia, ken amin a kita ti musica, isu-amin nga, inilin-ili nasnacion ken pagsasao, nagpaclebda, ket nagdaydayawda iti ladawan a balitoc a binangon ni ari Nabucodonosor.