Daniel 3:2 - Ti Biblia (1973)

² Idin imbilin ni ari Nabucodonosor a matipon dagiti panguloen, diputados ken gobernadores, oc-ocom, tesoreros, consejeros, serifes, ken amin pay met nga agturturay cadagiti provincias, tapno umayda iti pannacaisibbo ti ladawan nga impatacder ni ari Nabucodonosor.

Ti Baro a Naimbag a Damag Biblia

² Kalpasanna, imbilinna a maummong dagiti ofisiales—dagiti agtuturay, dagiti gobernador, dagiti diputado, dagiti mammagbaga, dagiti tesorero, dagiti hues, dagiti kamkameng ti konseho ken amin nga ofisiales ti probinsia. Masapul a tumabunoda iti pannakaidaton ti estatua nga impasdek ni Ari Nebucadnesar.

Daniel 3:2 Iomraidhean Croise

1 Ar-ari 12:32

Ket ni Jeroboam nangornos iti maysa a fiesta iti maicawalo a bulan, iti maicasangapulo ket lima nga aldaw iti bulan, a cas iti fiesta nga adda iti Juda, ket isu simmang-at agingga iti altar; casta ti inaramidna sadi Bet-el, a nagdatdaton cadagiti sinan-urbon nga isu inaramidna: ket isu insaadna sadi Bet-el dagiti papadi dagiti nangato a disso nga inaramidna.

Dagiti Proverbio 29:12

No ti agturay ipangagna ti ulbod, amin nga ad-adipenna nadangkesda.

Daniel 3:27

Ket dagiti panguloen, diputados, gobernadores, ken dagiti consejeros ti ari, idinto a natiptiponda, nakitada dagitoy a lallaki nga ti apuy awan pannacabalinna cadagiti bagida, ti booc dagiti oloda saan met a nasiraman, ket ti sapinda saan met a nabaliwan, ket awan met ti angot ti apuy nga immay cadacuada.

Daniel 3:3

Iti casta dagiti panguloen, diputados ken gobernadores, oc-ocom, tesoreros, consejeros, serifes, ken amin dagiti agturturay cadagiti provincias, natiptiponda iti pannacaisibbo ti ladawan nga impatacder ni ari Nabucodonosor; ket nagtacderda iti sangoanan ti ladawan nga impatacder ni ari Nabucodonosor.

Numero 25:2

Ta inayabanda ti ili iti yan dagiti datdaton dagiti didiosda; ket ti ili nangan ket nagrucnoyda cadagiti didiosda.

Paltiing 17:2

Isu a nakicamalalaan dagiti ar-ari ti daga, ket dagiti agnaed iti daga nabartecda iti arac ti pannakicamalalana.

Uk-ukom 16:23

Ket dagiti appoen dagiti Filisteos naguommongda a mangyawat iti dackel a daton ken Dagon a diosda, ken agragragsacda; ta kinuncunada, Ti diostayo inyawatna iti imatayo ni Samson a cabusortayo.